مذكرات القدر

بارت الثامن عشر

ايهم: ها حلو طالع
فاطمه: صدقه لله جنك انت العريس
ايهم: يلا لعد شدي حيلج زوجيني
فاطمه: يمه يوم المنى الي اجي اركص بعرسك بس شاور انت وروح اخطبلك هيا لو جانت بالموزنبيق

باوع عليه بسرعه سويت روحي ممنتبها وباوعت بغير مكان
طبينا ثلاثتنا هو جان كدامنا يمشي واحنا خلفه
لازمه فاطمه ونمشي
طبينا عالقاعه
اويليييي شون اجواااء
جان هوسه مليان ناس
وكلها مترتبه ومبين عليهم فد شي راقي
والقاعه تخببببل
مشينا حسيت روحي فد شي واني امشي والعالم كلها تباوعلنا
اول مره اعيش هيج جو والله شكد طيبه
وكدامنا ايهم بهذاك طوله وحسنه اليخبل
كعدنا على طاوله
جانت محجوزه باسم الدكتور ايهم
كعدنا عالطاوله ونباوع عالعالم
فد شي غرييب
فد احسااس وشعوور يخبل
كدامنا العروس والعريس
شكد جانو يخبلوون فد كيوووت الا العروس جانت تخبل

جنا كاعدين اني وفاطمه ونحجي عالعالم
اجو الشباب وسوو هوسه
كام وياهم ايهم وبقو يركصوت ويهوسون للعريس
مبين عليه صديقهم كلش العريس
اباوع على ايهم
يمه فدوه لقلبه شون طالع
احلى واحد بيهم من دون مبالغه
كاعده واصفن بي
كلشويه تجي وحده وتسلم علينه
عرفو احنا كرايب الدكتور ايهم
بس شنو كل وحده احلى من الخ
كل وحده دكول للكمر كوم اني اكعد بمكانك
حتى لبسهم كله كصير ومفتوح
حسيت بغيره!!
حقا ايهم ميباوعلي
شكو يباوعلي ويحبني وهو عدهم بالمستشفى هيج دكتورات جنهم كطع كيك
بس اني هم حلوه
ايي لازم يكون عندي ثقه بروحي مثل مكالت فاطمه
شيفرقن عني هذول
عادي كلهم مكياجات ولواصات مخليين بوجهم
اني هم هياتني طالعه اخبل بالمكياج
كاعده واصفن بوحده وحده
والاجواء الاغنيه هوسه
كاعده بمكاني واركص عالصامت

شويه وخفضت الاضواء
وطلعت اغنيه هادئه
نزلو العروس والعريس وركصو سلو سوا
اباوعلهم شكد حلوين
والاغنيه والأجوا تخبل صار
كل واحد سحب زوجته مدري خطيبته وكام يركص وياها
اجا كعد ايهم يمنا

ايهم: فاطمه كومي اركصج
فاطمه: لا يمعود دكعد راحه
ايهم: ليش شكو بيها
فاطمه: لا مانعني غسان اكوم من مكاني
ايهم: وشون حيعرف كمتي يعني من مكانج
فاطمه: لا اني حتى بغيابه اصونه واسمع كلامه
ايهم: ايبااخ
فاطمه: اييي اكول اخذ قدر وكوم ركصها
قدر: ها اني لا ماعرف
فاطمه: شكو بيها ولج دكومي
قدر: ها لالا ماعرف
فاطمه: كومي هيا مره بالعمر تصير

باوعت على ايهم كام ومدلي ايده حتى اكوم اركص
طبعا هما من اهل بغداد يعني عادي عدهم هيج شي

باوعت عليه رفعلي حاجبه
ترددت بالبدايه
بس شي بداخلي خلاني اوافق
نسيت اهلي ونسيت كلشي وراي
مديت ايدي وكومني
جسمي كله رجف من لمسته
عيوني بعيونه كمنا ولزمني ونركص سلو
صح اني قصيره بس جنت لابسه كعب طويل
شويه واصلته لحد فوك جتفه بشويه هيج
عيونه بعيون بعض
ايديه على خصري
وايديا على جتفه
اكو فد شي بعيونه مداكدر افهما
فد لمعه تخبل
اول مره هيج اكون قريبه من عليه
مرسومه ابتسامه خفيفه على شفايفه
اني ذااايبه
انتهييت بنظراته
نسيت كلشي
عقلي فرغ
بس بالي يما