مذكرات القدر

بارت الرابع عشر

دكيت الباب فتحتلي رغدا جانت مبرطمه
قدر: ها شبيج
رغدا: ليش ماخذتيني وياج على بيت جدو
قدر: امج ماقبلت شسوي يعني
رغدا: اي جان انتي دافعتيلي واخذتيني
قدر: على غير مره

طبيت على الغرفة لكيت جنى كاعده وداتصفن
قدر: شبيج جنج ابو الهول داتصفنين
احجي وياها مترد واصلا مانتبهت عليه هم
قدر: هوووووش جنى
جنى: هااا
قدر: وين داتصفنين
جنى: ها لا ماكو شي
.
.
ثاني يوم فزيت لكيت جنى نايمه يمي عالقنفه
يربي شجابها هاي مو عدها غرفه
تعدلت رحت عبرت من يم غرفة مرة ابويه هم مشفتها
عرفت رايحه هم للسوك
ضجت هوااي
اني مو خدامه عدها ابقى بالبيت اخدم لبناتها علمود هيا تتونس بالسوك
حتى وان جانو خواتي
محد دمر حياتي غير خواتي
بسبب اختي بطلت من المدرسه
وبسبب اختي جنت انظرب وانهان
كافي عاد
كمت بدلت هدومي وكعدت خواتي هم يبدلون
رغدا: وين حنروح
قدر: كومو نروح لبيت جدو
جنى: بس ماما متقبل
قدر: امكم تفتر بالسوك واحنا لازم نبقى محصورين بالبيت والله اني عندي شغل يم بيت ام ايهم ممجبوره ابقى علما امكم ترجع
رغدا: شبيج قدر ليش هيج تحجين على ماما
قدر: كومو بدلو يلا لا تره بعدين اروح لوحدي واتركم بالبيت
جنى: لالا جايه وياج
رغدا: بقت عليه اني هم جايه

خلصنا كلشي وطلعنا لبيت جدو
كبلها كتبت رساله كتبت بيها(احنا رحنا لبيت جدو)
وعلكتها عالثلاجه
وطلعنا
وصلت هناك دكيت الباب
طلعت عمه حنان جانت داتنظف الحوش
خطيه فرحت هواي من شافتنا كلتنا
كامت تبوس بالبنات وتتشكرني لان جبتهم
ترخصت منها حتى اروح لبيت ام ايهم
الحك اروح كبل مايرجع ايهم
رحت عدها وهم طبينا نسولف ونخيط
شويه واجا سلم علينه عمر
عمر: جبتلج مبايل سعره حلو ويلوكلج
قدر: صددك
عمر: اي والله باعي
قدر: اي عادي اني المهم مبايلي ميهمني شكله او شي بشكد هذا
عمر: بـ........
قدر: اي خوش لعد اريده
عمر: بالمبارك عليج

بقيت يمهم لحد الظهر رجعت
مريت على خواتي ببيت جدو اخذتهم ورجعنا
اول مطبيت البيت جنت ماخذه المفاتيح
لكيت عمه لمياء كاعده عالقنفه وتنتظرني وتهز برجلها
بسرعه ركضو عليها البنات
بقت تخزر بيه
اجت تقربت عليه
لمياء: هاي شنو معلتج اليوم
قدر: شكو
لمياء: اني مكايله ماريد بناتي يروحون لبيت جدهم
قدر: مثلا اعوفهم واروح
لمياء: ميحتاااج تروحيين عيني ماحبكت الا
قدر: عندي جان شغل لازم اروح
لمياء: عشتووو عابت هذاك الشغل هو تاليته خياط
قدر: مو احسن مما ابقى على تقاعد زوجي
لمياء: شقصدج ولج
قدر: ماكو شي
لمياء: بسيطه بنت عذراء بسيطه
قدر: عمه شهل حجي هذا
لمياء: شكو تستعرين من امج مثلا
قدر: لا تروحولها فدوه كلكم لامي زين
لمياء: والله وطالعلج لسان
قدر: عمه انتي ممتشاده وياي كبل هالمره فا من هيج ماريد اتعارك وياج انت بمقام امي
لمياء: شعجب متروحين لبيت جدج المسيحيات
قدر: ممتواجدين بالعراق
لمياء: اييي شمرو بنتهم علينا وسافرو
قدر: عليج؟ ليش انتي شلج دخل
لمياء: اوووي الحجي وياج يلعب النفس
قدر: همزين جبتيها من الاخير