اماني إلتفتت ع الباب لقتو واقف :
ختت يدها ع قلبها : خلعتني للحظة حسيت إنو أبوك الواقف ما إنت و إتوجهت نحوو
مسكت يدوو بتشبهوو شددييد يا لــؤي حتي تصرفاتك زيوو
لــؤي بصوت مبحوح : حتي أنا إشتقته ليهووو .. بس بتقوي بيكم عشان أقدر أكون قدر المسؤوليه
اماني : ما تحمل نفسك فوق طاقتها يا ولدي .. أبووك ما كان بدور ليك الشقا !
لــؤي : ربنا يرحمووو , تعالي و ساقها نحو الكرسي و قعدها :
اماني : فيي شنووو ؟؟
لــوي قعد في الأرض : في حاجات كتيييرة يا أمي .. حاجات متعباني و قلبي موجعني .. تعبان يا أمي و ضهر الحيل إنهد خلااص .. بعض مرات بتمني لو أغمض و أفتح ألاقي دا كلوو حلم و أبوي قاعد وسطنا
اماني و هي بتمسح ع راسو : قلقته بي في شنووو ؟؟
و بقت تدمع أحكي لي يا ولدي مااللك ؟؟!
لــؤي تكل راسو ع رجلها : وعييت ي دووب ع الحياة يا أمي .. عرفته قدر شنو هي قاسية ما بترحم , و إنو ممكن أقرب الناس ليك يغدر بيك
يا ريت لو نفضل أطفال صغاار و ما نفهم شئ و لا يهمنا شئ
اماني : ابـوك دايما كان بقول شنوو ؟
لــؤي : الله في عوجة مااف
اماني : بس يا ولدي خلييك مع ربناا .. حافظ ع صلااتك و قررب منو شدديد و صدقني الحياة حتبقي ليك هينة
و كل شئ بنمر بيه ودا إمتحان منو و عايزنا نصبر عشان يجازينا
لـؤي بيأس : و نعم بالله ... و مد ليها ظرف
اماني : دا شنوو
لــؤي : أوعديني إنك ما حتفتحيهو لحدي ما اتزوج ؟؟
اماني بقلق : طيب هو شئ كويس و لا كعب ؟؟
لــؤي إبتسم بصعوبة : حتعرفي لمن تفتحي
اماني: أمرري لله و قامت ختتو في دولابها
🌸🌸🌸🌸
ايمن قال بحرقة : شايفك بقيتي تتعاملي معاهو عادئ و كأنك سامحتيهو بعد كل حاجه عملها
نجـوي ردت بكل حنان : مهما كان دا أبوك و ما صح تاخد منو موقف
ايمن : إنتي كيف بتقولي كدا إنتي عارفة أنا عانيت كيف منو و لا إنتي الكان راميك و ما شغال بيك
نجوي بصوت حاد : ايمن
ايمن : بس. ي يمة
نجوي مقاطعاه : عاارفة , بس أبوك إتغيير و ما زي زمان .. صدقني هو ندمان ع كل شئ عملو و إنت لو شفته كيف إنهار كان حتسامحو بكل طيب خااطر !
ايمن: أنا قلبي ما مطمئن للبتقولي دا .. بس ما حنسي ربنا و حتعامل معاه عادئ عشان ما أشيل ذنبو
نجوي : أيووا ما تزعلني منك يا ولدي .. أنا ما عايزة حاجة غير أشوفكم كلكم بخيير و جنبي
ايمن بحسرة: و قال حيعمل شنو مع مجاهد ؟؟
نجوي : خلاص قررنا ندخلو مصحة بس بعد عرس لــؤي عشان الناس ما تسأل و يعملو موضوع
ايمن : إنتي شايفة هو حالتو بقت كييف
نجوي بحسرة : أأأخ يا ولدي دا كلو من أبووك و عمايلو ضيعت الولد
دا حتي بقي ما بتعامل معاي و عاديني وحدة غريبة
ايمن : هه و أنا أقول ِشنوو .. دا حتي سلام الله ماف بينا و لمن أجئ أقرب منو بصدني و بقفل عليه الغرفة
نجوي : إن شاء الله بعد يتعالج حيرجع زي زمان و أحسن
ايمن : مااف شئ مصبرني غيير تفااؤلك دا ..
نجوي ضحكت : إنت أصلا نسخة مني بس مشكلتك بتفكر كتيير و عايز كل شئ يكون مثالي
بعض مرات يا ولدي ما بنقدر نغير الحاجة أو الزول فبنقوم نتقبلها زي ما هي و نتعامل معاها كدا عشان بنحبها
ايمن : ححااول إني أكوون مرن و أتقبل البحصل دا
المهم بس إنتي كوني بخيير يا غالية
نجوي : ربنا يخليك لي و يحفظك من كل سوء
ايمن : و يخليك لينا يا ست الكل
نجوي مشت تعمل كبايتين شااي ليها ولي ولدها يشربوها بي مزاج
ايمن طلع جوالو واتصل علي روان
" و نص كباية شاي بي عيشة و ضحكة أمي السمحة اللابسة غويشة ديل سببين في الدنيا الزايلة .. يخلو العيشة دي أجمل عيشة "
🌸🌸🌸
قبضتك يا زوولة بتكتبي شنوو مندمجة كدا
نغم : سمر ما حتبطلي حركاتك دي خلعتيني ياخ !
سمـر: يا زولة ما تتهربي بتكتبي شنو ؟؟
نغم ضمت الدفتر عليها : الدفتر دا فيهو كل حاجة كان نفسي أقولها لهو و ما قلتها .. و كل الإتقال و خلي أثر جوواي
سمر : ياااه ع الرومانسية كان كدا أنا زاتي حمشي أعمل دفتر لزولي
نغم ضحكت : غبيييية .. الحاجات دي بتجئ بعفوية و بعدين إنتي ما مقصرة معاهو انتي و ليل نهار تنضموا مع بعض
سمر : أاي يختي أسحرينا هو إنتي قايلهو دا نكدي زي سي لـؤي حقك دا .. يا يمة ابي بشووش و مرح الله يخلي لي
نغم :- ما إسمها نكدي إسمها زول جادي في حياتو زول مسؤوول .. و إنتي بتقولي كدا عشان ما إتعاملتي معاه بس و الله هو لطيف !
سمر : ما علينا يختي .. المهم إنك مقتنعة بيه و دا كفاية
نغم : عارفة منتظررة متييين يعقدو لينا و أبقي حلالو .. و أشارت لقلبها خلاص دا تعبو البعاد
نغم : وووب إنتي بقيتي ولهاانة و عشقاانة عدييل .. شيييخك قووي يا ي سي لــؤي
نغم ضربتها بالدفتر : بطلي ترريقة أنا غلطانة إني بفضفض لي وحدة زيك
سمر حضنتها : يا بت بهظر عشان أخفف ليك توترك .. و إنتي عارفة إنو فرحتي ضعف فرحتك
نغم : عقباال افرح بيك
سمر: بس خلاص بخجل ^^
و بقوا يتونسوا بس نغم ولا هنا قلبها و عقلها كانوامع ذااك الحبيب
" البجيب للرووح فرح ما تسيبو منك يختفي ... أصلوو الفرح بقي مستحيل ,, لكن مع البتريدوو في .. "
نتلاقا مع كل الحب والريد
