صحي علي رنين التلفون
لقاه رقم غريب قام اتجاهلو
بس مع تكرار الإتصال
لــؤي رد : ألوو منو
سمـر :- انا سمر صحبة نغم وحكت ليك كل الحصل (عم سالم جاء قال لي نغم الود دا تنسيه
نغم وهي بتبكي: كيييف يعني أنسااهو يا باباا ؟؟
سالم : نغم أنا ما حكرر كلامي دا تاني
نغم: ممكن تفهمني الحصل
سالم : من دووون كلااام كتير يا نغم... انتهينا
نغم : أمي ممكن تفهميني في شنو مش كنتو مبسوطين بيهو و كل شئ كان تمام
صبا و هي متفاجئة من ردة فعل سالم : صدقيني يا بتي أنا زاتي ما فاهمه حاجه
سالم : صبا أنا وريتكم .. ماف زول يفتح معاي الموضوع دا مرة تانية. ولا اسمع سيرة الود دا تاني هنا
صبا : يا سالم نحنا ما صدقنا البت إقتنعت و جابت واحد هي كمان عايزاه
سالم بغضب : إن شاء الله عنها ما عرست .. بس ما تعرس الولد دا
نغم بقت تبكي بصورة هستيرية و بتمتم بكلمات ما مفهومة لحدي ما فقدت الوعي و جابوها الدكتور و إكتشف إنو عندها إنهيار عصبي حاد نقلنها المستشفه )
إنتي بتقوولي شنو و متين حصل الكلام دا
لــؤي :-و من إمبارح يا سمر أنا أعرف يا دووب معقووولة لكن ؟؟
في ياتو مستشفي ؟؟ كييف يعني ما حينفع أجي ؟
لا حالتها ما حتسوء لمن تشوفني بالعكس حتتحسن !
طيب أقفلي سلام سلام
كان متوقع إنو سالم يررفض .. بس ما إتووقع إنو نغم حالتها تسووء كدا
و ما قدر يفسر قلقو ناحيتها و لا الخوف الحس بيهو لمن عرف إنها في المستشفي !
إنتبه للساعة و إنتفض بسرعة وقام
جهز بسرعة و نزل لقي أمو و روان بشربوا الشاي
لــؤي بغضب : ليييه ابي ما صحاني لمن مشي
اماني : قال إنك نمته أمس متأخر فما حب يزعجك .. قاال يخليك ترتاح شوية "
روان و هي بتمد ليه كوب الشاي .. أشرب و روق يدوب الساعه 9
لــؤي : عندي شغل كتييير ... ما عارف أبوي الله يرحمو كييف كان بقدر يوازن بين دا كلوو
كلهم(رحمة الله عليه)
اماني : عشان لسه ما إتعودت بس لمن تتعود كل شئ حيبقي ساهل
لــؤي : إن شاء الله أتمني ذلك
أرح لو طالعة أوصلك في سكتي
روان : تسللم أنا الليله فرري ..
لــؤي : تمااام و قام باس راس أمو و ودعهم
🌸🌸🌸
في طريقو للشركة قرر يغشي نغم و اليحصل يحصل
وصل المستشفي و لحسن حظو لقي سالم ماف
سمر : إنت ليه جيت مش قلته ليك إنتظر مكالمتي
لـوي : خلاص يا سمور جيت و إنتهي الموضوع
سمر: ما تحسسها إنك عرفته بالحصل عشان ما تنهار تاني
هي لسه عندها أمل إنو أبوها يغير رأيوو
لــؤي عاين ليها : و هل عندك شك إنو ما حيوافق ما بيقدر يا سمر
سمر : بس لو أعرف ثقتكم دي جبتوها من ويين. وصفو لي عليك الله المحل
لــؤي : قعد يضحك. اها خالتو معاها
سمر : طلعت منها أسه مشت للمصلي من أمبارح ما إرتاحت
لــوي : تماام أنا حخش و لو جات أديني خبر
🌸🌸
ما بيعرف شنو الحصل لمن شافها راقدة و في يدها الفراشة ملامحها مرهقة كانت زي الأطفال
مسك قلبو : شنوو يا ود داير تحب و لا شنو ما تنسي دي مهمه انتقام ما غراميات
قعد في الكرسي الجمبها و مسك يدها لا شعوريا
فتحت عينها لقتو جمبها لـؤي قالتها بصوتها الباكئ
بابا رفض يا لوي .. ما بعرف مالو معنو كان مبسوط لمن كنت قاعد بس بعد طلعته إتقلب لشخص تاني عمرو ما إتعامل معاي كدا .. كان قاسي شديد ما قدرت تواصل بسبب البكاء
لؤي وهو بمسح ليها دموعها : ما تبكي عشان حالتك ما تسوء و ما تشيلي هم شئ انا معاك.. أكيد حيوافق
بس أدييه وقت يفكر
نغم :- لازم يوافق أنا ما بقدر أعيش بدونك .. إنت أول واحد قلبي يدق ليه
أي شعور حلو عرفتو معاااك .. كيف تتوقع أنسي كل شئ ببساطة و أعيش طبيعي
لـؤي ما قدر يرد .. أول مرة يكون في موقف زي دا ! و ما إتوقع إنو هي تتعلق بيهو كدا
مسح علي راسها .. إرتاحي
و طمنيني عليك أول بأول
ما ردت كانت بس بتعاين ليهو بصمت و الدموع نازله
طلع و جواه ألف شعور ما قادر يفسرهم و جسمي كلو كان برجف
