في يوم غائم جميل يبدو إنو حيكون سعيد
مجاهد :-يا حاج هي بذات نفسها قالت لي إنو لـوي مسافر ؟؟
عزام : يعني أنا كضاب بقوليك لـؤي بقي مواظب في الشركة و قعد يراجع الملفات
مجاهد :- صدقنــي انا ماعنـدي علم بالموضع دا
عـزام:-طبعااا ما هو إنت لو كنت مواظب في شغلك كنت حتعرف
مجاهد : عارف اني ما بحب الروتين الثابت بزهج بسرعة ... وانا شغلي كلو ضغوطات (عم البرهان ياه 😂😂😂😂)
عـزام : إنت عارف عشان تشتغل هناك نحنا عملنا شنو
مجاهد: عارف ما كل مرة تذكرني
عـزام : المهم الجديد شنو مع رَوَانَ؟
مجاهد : اتذكر عملتـو. سرح.مسافه كدا م م منتظر رد أمها
عـزام : تمام زورهم و أعرف الرد ... و أرجع الشركة تاني
اتنفس بضيق : أووف الله يحلنا من الوضع دا
🌸🌸🌸🌸🌸🌸
لـؤي طرق باب غرفتها :احم ممكن أخش يا برنسيس
نسيم :-ردت بلا مبالاة : خش
لـوي :- بتعملي شنوو
نسبم :- براجع دروسي زي ما إنت شايف
لـوي كتم غيظو : ممكن ما تتكلمي بالنبرة دي تاني
سكتت
لــوي قومي ألبسي عازمك برة
نسيم فرحت .. بس مثلت انها زعلانه وما ردت لي
لـؤي :- ما عايزة تمشي يعني ؟؟ و أنا القاعد من قبيل بخطط قلته أول نمشي ناكل بيتزا تاني أوديك تاكلي أيسكريم و بعدين أجيبك السوبر ماركت تشتري العايززاه !
و مثل إنو إتخذل بس يلا خيرها في غيرها
و قبل يصل للباب سمع
نسيم وهي بتقول بفرح : ثوواني و حكون جااهزة يا لوي
لــوي إنبسط جدا عارف إنها ما كانت حتقاوم .. و إرتاح نفسيا إنو الوضع بدأ يرجع زي زمان مع نسيم!
جو نازلين و ماسكها من كتفها و بهظرو !
الله الله في خيانات حاصلة من وراي ؟
لــوي ضحك : نسيم مضغوطة من القرايه حبيت أغير ليها
لـوي إتذكر موضوعها مع مجاهد .. و إنو ما إتكلمو في الحصل. وقال ليها تمشي معانا?
روان نطت بفرح : ييييس
لــوي :- بس تجهزي بســرعه ماعندنا زمن ليك
روان غمض عين و أفتح عين حتلقاني قدامك و طلعت لغرفتها ت
يلااا أنا جهزته أرح
ابــي :- أأررررح ووين ؟؟ قالها و هو و طالع من غرفتو وبتكلم بتكاسل
روان و هي بتغيظوا : الــو ماشي يفسحنا انا ونسيم
ابي :- وانا دايما مالي في الطيب نصيب صح وعمل زعلان
لــؤي بنفاذ صبر : خلصناااا يا ابي أمشي أجهز سريع
.. لــوي كان مبسوط للفرح السببو ليهم و إنو بعد زمن البسمة تاني رجعت ليهم !
اماني :-كــدي فوقكم ماشين ووين بربطة المعلم كدا
كلهم سكتوا منتظرين لـ ؤي يتكلم
لــؤي : ياخي عايزيني أكون في وش المدفع .. ما كنتو بتنقو لسانكم مشي وين
عاينوا ليهو ب ببراءة ~
لــؤي: ماشئ أفسحهم يا أمي و نغير جووو شويه
اماني :- قالت بحزن مصطنع : أمشوو و خلوني هنا براي يبن الحيطان دي .. أواسي نفسي علي قلة حظي
كلهم بصوت واحد : خلاص يا مااما أجهزي و تعالي
ضحكت : هواااا و مشت تجهز
كانوا جايطين في العربية و كل واحد بتكلم في موضوع مختلف بس برضو فاهمين بعض وكمان بتناقشوا كيف الله أعلم
اماني كانت مبسوطة لإنو بعد اسامة إتوفي ما إتلموا كدا
مشوا مطعم راقي و إلتفوا حول الطربيزة و كل واحد مسك المنيو و بقي يقول أنا عايز دا و دا و دا !
لــوي : أصلكم ما شفع مرقه فضحتونا
نسيم بغرور : أنا ملكة الطلعه دي و هي في الأساس لي .. عشان كدا ميزانيتي مفتوحة
لــؤي: دا الله قدرك عليهو
ابـي : أنا جعااان و ما حنتظر زول
و طلبوا الأكل و قضوا أوقات كلها مرح و سعادة ..
🌸🌸🌸🌸🌸🌸
بعد ما إتأكدت من خروجهم ... إتوجهت نحو المكتب بسرعة بقت تفتش بين الأوراق ..
يعني حيكون ختاهم ووين ؟؟
أنا متأكدة إنو ما طلع بيهم لإنو ما كان شايل حاجة معاه .. و أثناء فحصها للغرفة بعيونها لاحظت للخزنة
أيووا أكيييد حيكون ختاهم هنا
حاولت تفتح الخزنة ما قدرت ...
يا رب ساعدني .. و بقت تكتب كل مرة رقم مختلف و برضو ما فتحت
إتـذكرته قالتها و هي بتكتب أخر محاولة ... و فتحت معاها
همست : أحيانا المواقف السيئة برضو منها فايدة
ما صدقت كمية الجرايم الجوة الخزنة .. بس هي كان عندها هدف واحد عايزاه و لقتو
رتبت كل شئ بسرعة زي ما كان و هي طالعة لقتو في وشها
ختت يدها علي قلبها
نجـــوي :- ايمن خلعتني .. و ما إنتبهت لإنها نطقت بصورة طبيعية و لا إنتبهت لإنها واقفة علي رجلها
هو كان مخلوع إنها كدا قدامو و ما إنتبه للورق الشايلاه و لا إنها طالعه من مكتب أبوه
ايمن: إنتي كيف واقفة و بتتكلمي عادي .. ليه ما وريتني إنك إتحسنتي
نجوي : حفهمك كل شئ بس أهدأ ..
ايمن حضنها بقوة و الدموع نازله من عيونو : إنتي كويسة أنا ما قادر أصدق
كنت متأكد إنك حترجعي زي زمان
الحمدلله الحمدلله ألف شكر لله فكاها وسجد في الارض وردد ي ما انت كريم ي رب
قعدت في الأرض بإنهيار : الحمدلله ي ولدي ربنا قادر علي شي
ايمن:- أنا حعمل ليك قبل يتم كلامو قاطعتو و مسكت يدو و عينها مليانة رجاء : ما توري أي زول يا ولدي .. فاهم !
ايمن : لييه .. مش هو كان عايزك تموتي ؟؟
نجوي : هو بذات ما لازم يعرف ولا مجاهد
ايمن : مجاهد دا منو أنا ما بعرف زول بالأسم دا
نجوي : أنا عارفة يا ولدي الحصل ما ساهل .. عارفة إنك إتخذلته منهم ... و خسرته روان بسببهم .. و إنو أبوك كان قاسي عليك .. بس أخوك و أبوك الحقد عماهم .. حب المال قسي قلوبهم
أما إنت طالع لي طول عمرك حنين و بتخاف ربك ..
ايمن : وريتك إنو فركش مع روان .. بس خلاص حاسي إني خسرتها و ما حينفع أطلبها
نجوي ما حبت تقول ليه السمعتو و إنو إحتمال يرجعوا : لو ربنا كاتبها ليك وتبقي نصيبك ماف شئ مكتوب ليك بيمشي لغيرك
ايمن إتنهد و يغير الموضوع : المهم وريني إنتي ليه ما دايرة زول يعرف
نجوي : عشان في حسابات كتيرة عايزة أصفيها و عشان أفضح جرم أبوك للكل و الحاجات إنت ما عارفها
ايمن بحرقة : لااا عارف كل شئ و عارف عمايلهم .. و كنت شايف و ساكت عشانك .. إنتي عارفة إنهم عاوزين يستولو ع شركة ناس عمــو
نجوي بصدمة : عارفة نفسو دنيئة بس ما قايلاها للدرجة دي
نجوي رفعت ليه الورق : دا ورق ملكية البيت إتخيل عايز يشردهم
ايمن إتذكر لمن كان معاهو في المكتب لمن أخد الورق دا و الحوار الدار بينهم
و إنتي عرفتي كيف ؟
نجوي: يا ولدي صحي أنا كنت ما بتحرك و لا بتكلم .. لكن كنت بسمع و بشووف
ايمن : حنعمل شنوو هسي؟؟
نوريهم
نجوي و عينها ملانة بالتوعد : حنوريهم يا ولدي بس في الوقت المناسب ماهسي
أرح نطلع الغرفة قبل يجو!
ايمن بدون يحس وقف و سندها ~
نجوي ضحكت : شكلك حتاخد زمن لحدي ما تتعود علي إني بقيت بمشي !
ايمن ضرب راسو : أخخ نسيت بس برضو حسندك و أنا لاقي
نجوي : ربنا ما يحرمني منك ي ولدي
و بسرها : بدينا يا عـزام من الليله حتشوف نجوي مختلفة
أنا ترميني في الغرفة دي و ما تكلف نفسك تجئ تسأل عني و لا تشوف حالي !
للدرجة دي العشرة هانت عليك
قسيت قلبك و قلب ولدي معاك حسبي الله فيك
نتــلاقا مع مل الحب والريد
