سامي : نفحتلي منطلقكش كبابل دوك تنفحلي نطلقك نطلقك
الين دنات منو
الين : شوف سامي **** نقولك عفسة انا ماشي لعبة بين يديك ولا غارو دخان لي تستعملو كي تحتاجو و كي تكمل منو ترميه انا مقبلتش نتزوجك باسكو نحبك ولا طامعة في زوج دورو لي عندك باسكو بابا عيشني احسن عيشة قبلت بيك على جال مانك كنت دايمن نعاملك كيما راجلي ناخذلك راي و نسقسيك قبل مندير كاش حاجة مالغري نتا مكنتش تعتبرني مرتك مي دوك خلاص ماليوم كل واحد في طريق
نحاتله يدو و راحت
وهكذا جازو هاذوك اليامات الين جبدت روحها على سامي كليا ومام هو روماركا و ولى جابد روحو تاني وموراها الين راحت لدارهم قعدت تما قبل العرس بيامات
اليوم هو عرس ريان و نور دارهم كانت مقلبة و معمرة عماتها وعمامها وولادهم خوالها راحو كامل كورتاج
وصلو للصالة وبدات نور تتصدر ومام الين كانت تتصدر معاها ههه عوضت نهار عرسها المهم نور تلبس لبسة الين تلبس شطحت نحات على قلبها جات كريمة و ياسمين للعرس ولحق وقت لاروب بلونش دخل ريان مع نور و دخلو ليجون معاهم
Elin ****
شفت سامي داخل كان يهبل 😍😍 بالكوستيم
كنت حابة نعنقو عندي شحال مشفتوش مي كي نعاود نتفكر واش دار فيا نحب نروح نضربو ماشي نعنقو
المهم لبسو الخواتم قطعو الباتسيري و ناض ريان و صحابو و ليجون لي كانو تما يشطحو و راحو العرسان فرحتلهم بزاف بزاف و نتمنالهم حياة زوجية مليحة تكون خير من تاعي ههه كي خلاص العرس ولينا للدار مع سامي الطريق كامل و حنا ساكتين
وصلنا للدار طلعت ديراكت للشمبرة غسلت و بدلت رحت شديت بلاصتي في الفوتاي حسيت لسامي كي دخل راح ديراكت رقد مي سي بافري c'est pas vrai مسياش ممبا يهدر معايا كنت حاسبة بلي راح يحللني مي نسيت بلي هذا سامي المتكبر
_____________________________
جازت سمانة من العرس تاع ريان علاقة سامي و الين بزاف عيانة و باردة و واحد مراهو يهدر مع الاخر وحتى لي فالدار لاحظو يعني من قبل على الاقل يهدرو شوية ولا يضاربو مي دوكا واحد مراهو يشوف فالاخر مي دوكا كي راح تولي الين للجامعة زعما راح تتبدل للاحسن ولا للاسوء
اليوم ناضت الين وجدت روحها ملقاتش سامي كان خرج هبطت و راحت مع ياسمين للفاك بيانسور وصلهم شوفور في دخلة شافو سيفو جازو عليه كلي مكانشو
و كل وحدة راحت للكور تاعها ؛ عند ياسمين لي كانت داخلة تقرا حتى سمعت واحد يعيطلها
**** : ياسمين
دارت ياسمين لقاتو .....
ياسمين : اااا فارس
فارس : ياسمين هاذي غيبة
ياسمين : الله لا يغيبك
فارس : واش سافا
ياسمين : حمدالله ونتا
فارس : حمدالله
ياسمين : واش حوالك مع لفاك
فارس : هههه نكذب عليك راني نطبع برك
( هذا هو العام الاخر لفارس في الجامعة )
ياسمين : معليش اممم سمحلي لازم ندخل
فارس : سماح نتلاقاو مرة واحد اخرى
ياسمين: انشاءالله
راحو البنات كملو قرايتهم و خرجو رايحين للدار لقاو سامي يستنا فيهم طلعو معاه وصلو للدار
الين : اممم واش هاذ ريحة ..... ريحة قاطو
دخلت للكوزينة لقات فتيحة تقطع في البقلاوة
الين : بقلاوة اهههه طاطا طليتي على قلبي استناي نغسل يدي
راحت غسلت يديها ولات رفدت تبسي حطت مورسو زوج
الين : هي البقلاوة بنينة ايا نزيد الثالث ....... امم نزيد واحد ..... ولانقولك نزيد نحط خير
عمرت طبسي و قعدت تاكل
الين : اممم يعطيك صحة بزاف بنينة
فتيحة : بصحتك بصح ماشي بزاف عليك بلاك ضرك
الين : لالا مديرلي والو
كملت الين تبسي كامل مسحت يديها طلعت بدلت حوايجها و رقدت منبعد ناضت تعشات ولات للشمبرة كونكتات شوية و رقدت
يوم جديد
ناضت الين كيما كل خطرة باختصار مي محستش روحها مليحة بدا نهارها بالقيا ( حشاكم ) راحو البنات كيما العادة للجامعة و جوزو نهارهم كيما العادة و ياسمين ولات مع الشوفور بسكو مقراتش عشية و الين كملت وخرجت كي جات رايحة سمعت ...
وليد : الين استناي
الين : اهه وليد
وليد : الين كنت حاب نهدر معاك
الين : راني نسمع
وليد : ماشي هنا معليش جي معايا
الين : ..... اممم ايه مي منطولوش
وليد : ok
هذا كامل تحت انظار سامي لي جا يدي الين الور راح تبعهم
وصلت الين و وليد لبلاصة قدام لبحر
الين : وليد تحج لوكان غير تقولي وعلاش جبتني راني حابة نروح راني عيانة
وليد : باش منطولش عليك و نجيك مالاخر ..... نحبك .......
الين : 😦😦😳
سامي سمع واش قالها هبل
الين : راك تتمسخر وليد علبالك بلي انا مزوجة
وليد : الله غالب هذا ( حط يدو في قلبو ) حبك معندي مندير منهار شفتك عجبتيني وكي سمعت بلي راح تتزوجي كنت راح نقتل روحي مقدرتش نشوفك مع واحد اخر و في نفس الوقت مقدرتش نقولك و....
حتى يجي سامي بدا يضرب فيه مي هاذ الخطرة ماشي كيما المرة لي فاتت هاذ الخطرة كان راح يقتلو صح كيما سياو الناس يحبسوهم مقدروش حتى عيطو للابوليس جات رفدو سامي و وليد لسبيطار باسكو حالتو كانت كارثة
سامي مد مفاتح الطونوبيل لالين باش تروح للدار مي هي يبست راسها و راحت للبوست واحد عشر دقائق كان خرج دخل للطونوبيل و الين كيفكيف كان ساكت حتى حبس طونوبيل في طرف طريق
سامي : حتهبليني
الين : واش درتلك
سامي : واش درتيلي تروحي مع هذاك **** للبحر و
دايرلي فيلم رومانسي تما نحبك و مانحبك
الين : قتلك من قبل مدخلش روحك هذي حياتي
سامي ( بدا يعيط ) **** كيفاش واش دخلك راكي مرتي مرتي ولا نوريلك كارني دفامي
الين ( بدات تعيط و تبكي ) : خلاص سامي كرهت عييييت حس بيا مقدرتش راني شادة فوق طاقتي مزالني صغيرة مزالني حابة نعيش تمنيت عرس كيما البنات محبيتش خرجتني مدارنا لداركم ديراكت ليلة عرسي جوزتها نبكي وحدي عييت و قاسيت معاك و تحملت تمنيتلي الموت لي متمنهاش لعدوي كرهتني لدرجة كبيرة حتى نهار لانيفارسار تاعي كسرتلي قلبي منبعد ما قلت راح نبداو صفحة جديدة كيفكيف نتا واش درت قلتلي غلطة هكذاك و سكت فوق هذا كامل انا الحمارة البهلولة عفست على كرامتي و قعدت نعيطلك و نحوس عليك فالوقت لي تكون فيه مع واحد اخرى على الاقل كنت احترمتني خلاص عيييت
سامي : واش راكي حابة دوك
الين : طلقني
سامي قعد يخزر فيها شحال
سامي : خلاص غدوة نروحو نطلقو
هذا هو البارت
صحا واش رايكم في
الين ؛ وليد ؛ سامي
و ياسمين و فارس زعما تقدر تكون بيناتهم حاجة
زعما هنا تخلاص حكاية سامي و الين في الطلاق
ولا يوليو لبعضهم
ولا تروح مع وليد
هذا كامل نشوفوه فالبارت تاع غدوة انشاءالله
شوية تفاعل برك
YOU ARE READING
زواج اجباري _ باللهجة الجزائرية _
Romanceسامي شخص لا يؤمن بالحب متكبر مغرور يدير شركات كبيرة ماذا سيحصل عند زواجه بالبنت التي ستغير حياته الين زواج ورق لمدة اشهر هل سيستطيع ان يحب كل شخص الطرف الاخر في هذه الفترة تابعو الكرونيك
