الين بدات تبكي توجعت بزاف وراحت للدار بحكم كانو قريب يلحقو
الين : جحش بغل مايحبش لي وريلو صلاحو اهئ اهئ
لحقت الين للدار دخلت لشمبرتها ورمات روحها فوق البونك و قعدت تتفكر واش صرا معاها اليوم
حتى سمعت تيليفونها يصوني
الين : الو
نور : واش الين سافا
الين : حمدالله ونتي
نور : حمدالله ؛ مشفتكش اليوم في الجامعة
الين : بففف علبالك واش صرا
نور : وين علبالي
الين : صباح كي كنت رايحة لفاك حسيت بلي واحد راهو يتبع فيا ................................
نور : حطك في راسو ياه ؛ نسقسيك
الين : امممم
نور : حسيت بلي معجبكش الحال كي قالك بلي نتي ماشي مون جونر
الين : ق*** ياواحد الكلبة
نور : فففف واشبيك كنت نتمسخر وعلاش تقلقتي تمتم
الين : خليك مني كاش جديد عندك
نور : شفتي البارح كيما وصلني ريان
الين : ايييه
نور : ( حكاتلها قاع واش صرا )
الين : وات ؛ متزيديليش اسمعي وقيلا المسيو خويا راهو يعشق
نور : هههه غير هاذي متصراش
الين : وعلاش متصراش انا وياك و الزمن طويل هههه
نور : ههه جايحة ... الين سمحيلي لازم نروح ماما راهي تعيطلي حقا بلال جا
الين : صاح ياه توحشناه
نور: نديرو نهار و نخرجو كامل كيفكيف توحشنا هذوك يامات
الين : انشاءالله انا نخليك باي
نور : باي
راحت الين عاونت يماها في الطياب ومبعد تعشاو و راحت ترقدنهار جديد ........ 🌄🌄🌄
ناضت الين وجدت روحها وخرجت تشري عفايس ناقصينها باسكو اليوم متقراش في طريقها شافت واحد العجوزة رافدة شوية ساشيات و رايحة تقطع طريق
راحت الين عاونتها الين و رفدتلها ساشيات
العجوزة : يعطيك صحة يابنتي
الين : بلا مزية ؛ ماني قوليلي برك وين راهي دارك باش نعاونك نوصلهوملك
العجوزة : راهي لتحت في الدورة
شدت الساشيات بيد و بيد شدت العجوزة وصلتها لدارها لي كانت فيلا كبيرة بزاف متحوفة دخلت الين مع العجوزة وجا واحد الراجل رفد هاذوك ساشيات
الراجل : ياماني وعلاش مقلتليش انا نخرجك بالطونوبيل
العجوزة : ياوليدي كرهت دار قلت نخرج نمشي وفي نفس الوقت قضيت شوية
الين : سمحيلي ماني لازم نروح
العجوزة : مكانش تروحي حتى تدخلي معايا نضيفك عفسة
الين : لالا مايشقاش
العجوزة : لالا بنتي نتي عاونتيني وماندخلكش تشربي عفسة
دخلت الين معاها للدار وقعدت تشوف في الدار من داخل تهبل و كبيرة بزاف
العجوزة : فاطمة بنتي جيبي كاس جو للطفلة
هكذا شوية جابت فاطمة جو لالين
العجوزة : ايه يابنتي ملا تسكني هنا
الين : ايه راني قريبة منكم في لي فيلا لي جايين لفوق
العجوزة : مليح مالا خطرة على خطرة ارواحي زوريني راني عايشة وحدي و هذوما الخدامات و العساسين مي انا حاطتهم في مقام ولادي
الين : وعلاش معندكش ولادك ( ههه قرعاجية ) ..... اه سمحيلي بلاك مكانش لازم نسقسي و ندخل روحي
أنت تقرأ
زواج اجباري _ باللهجة الجزائرية _
Romanceسامي شخص لا يؤمن بالحب متكبر مغرور يدير شركات كبيرة ماذا سيحصل عند زواجه بالبنت التي ستغير حياته الين زواج ورق لمدة اشهر هل سيستطيع ان يحب كل شخص الطرف الاخر في هذه الفترة تابعو الكرونيك