سامي شخص لا يؤمن بالحب متكبر مغرور يدير شركات كبيرة ماذا سيحصل عند زواجه بالبنت التي ستغير حياته الين
زواج ورق لمدة اشهر هل سيستطيع ان يحب كل شخص الطرف الاخر في هذه الفترة
تابعو الكرونيك
تلمو على الطابلة
سامي : وين راهي ياسمين
كريمة : اههه
سامي : قتلك وين راهي
فاطمة : راهي عند صاحبتها
سامي : في هاذ الوقت
فاطمة : واش فيها يا وليدي متزيرهاش هكذا
دخلت ياسمين
سامي : وين كنتي
ياسمين : خويا انا ....
كريمة : سامي خلاص قلنا بلي راحت عند صاحبتها سما خلاص
سامي : يما راني نهدر معاها
كريمة : وانا راني نهدر معاك بنتي راحت وانا علبالي وين و معامن وعلاش راك تكبر فيها
سامي : افتحيلها العين مليح ؛ ونتي ( دار لياسمين ) ماليوم ندخل للدار و منلقاكش ولا تزيدي تقعدي حتى لهاذ الوقت برا متلومي غير روحك
ياسمين ( هبطت راسها ) : ايه
مور ماطلع سامي
كريمة : ارواحي لهنا وين كنتي و في التليفون مترفديش علينا ليوم قدرنا نغطيو عليك غدوة لالا
ياسمين : ماما اسمحيلي صحبتي سيفت عليا نقعد نتعشا معاها
كريمة : راكي سمعتي واش قالك خوك المرة الجاية دبري راسك
في الصباح *******
ناضت الين وجدت روحها كيما العادة
و لبست هكذا
Oops! This image does not follow our content guidelines. To continue publishing, please remove it or upload a different image.
الين : ماما راني رايحة
سعاد : بلاكي على روحك
وفي نفس الوقت سامي كان جاي باسكو دايمن صباح يروح يجري و يولي و هنا الابطال تاعنا تلاقاو
الين : اووو شوفو شكون راهو هنا
سامي : الناس يقولو صباح الخير ولا هاذي تاني لازم نعلمهالك
الين : دوك نتا وجهك وجه واحد نصبحو عليه بالخير
سامي : اذا متفكرتيش واش صرالك المرة لي فاتت علجال لسانك نعاوند نفكرك
الين : لالا صحا لاميموار تاعي مليحة
سامي : كي راهي مليحة ملا انا نروح منفدش نضيع في وقتي مع الجايحين
الين : الصبر ياربي ....... سامي
سامي حس بقلبو يخبط كي سمعها تعيطلو
دار عندها
سامي : واش تسحقي
الين : راحلي واحد البراسلي كنت لابستو هذاك نهار و مزدتش شفتو كامل قلت بلاك طاح عندك
سامي : معلاباليش
راح وخلاها
الين : متنفعش معاه الملاحة ودوكا وين راه البراسلي
كملت الين طريقها للجامعة وفي الدخلة تاع لافاك شافت سيفو مع واحد الطفلة يعنق فيها و يمس فيها؛ لي جاست لي كان يديرهم مكانوش يبانو دي جاست تاع لي زامي ولا خاوة
الين : هذا ماشي صاحب ياسمين عيب عليه ؛ لازم نقول لياسمين
مي من سوء الحظ سيفو شاف الين كي قاعدة تشوف فيهم
و كي كملت الين المحاضرات تاعها راحت عند ياسمين و حكاتلها
ياسمين : هههه الين مشفتيش مليح بلاك ماشي هو
الين : راني نقولك هو
ياسمين : تمتم قلتي بلي راهو يخون فيا بلاك كاش وحدة يعرفها برك نعرفو مليح و نعرف بلي يحبني
الين : مديريش كونفيونس في اي واحد يجي و يقولك نحبك
ياسمين : صحا دوك نعيطلو و نسقسيه
.....
سيفو : الو عمري
ياسمين: سيفو سافا
سيفو : سافا ونتي
ياسمين: حمدلله واش راك داير فيها
سيفو : والو راني في القهوة مع صاحبي
ياسمين : امممم مليح
سيفو : حقا مقتلكش ليوم صباح تلاقيت بوحدة مكنتش قاع حاط بلي راح نزيد نشوفها كنا دي زامي من بكري و اليوم سبحان الله عاودنا تلاقينا والزهر راهي تقرا هنا
ياسمين: اممم مليح
سيفو : لازم تتعرفي بيها نديرو نهار و نخرجو كيفكيف
ياسمين : انشاءالله ودوكا نخليك منعطلكش
.............
ياسمين : ودوكا سمعتيه ريحتي قلبك
الين : نتي لي تريحيه ماشي انا انا ماعندي ماندير بيه هذاك نهار وصيتك و مزالني نوصي فيك لي شفتها صباح مكانتش تبان امي برك و دبري راسك
........ مع العشية **** في دار فاطمة
مور ما كملو العشاء قعدو كامل ملمومين في الصالون حتى سمعو لاصونات
و دخلو سليمة و بناتها
سليمة : يما واش راكي ( وسلمت عليها ) خويا لعزيز هاذي غيبة
سلمو كامل على بعضهم وقعدو
سليمة : سامي وعلاش ماجيش عندي كاش نهار جبت ختك و قلت نروح نشوف عمتي ياك هاذا واش عندكم عمة وحدة
سامي : الله غالب عمتي الخدمة
اسماء ( راحت قعدت قدام سامي ) : منهار نعرفوك ونتا الخدمة الخدمة لازم تريح روحك شوية معلابالكش بلي لي يعييو روحهم بزاف يمرضو
سامي : ونتي معلابالكش بلي لي يدخلو روحهم بزاف تاني يمرضو
فاطمة : لالا ياوليدي هاذ الخطرة اسماء عندها الحق لازم تريح راسك من الخدمة شوية و تبدا تحوس على كاش عروسة ولا مانك هي لي تجيبلك وحدة
اسماء : ههه بلاك عندو وحدة
سامي : انا راسي وجعني الهدرات هذوما منحملهمش المهم انا راني رايح مع فارس نسهر
اسماء : سامي نديرو نهار ونخرجو نحوسو عندنا شحال مقعدناش كيفك....
سامي : مرانيش فارغ شغل
ياسمين ( بلعقل ) : لصقة
_____ نروحو نشوفو نور شوية ****
كانت قاعدة في الشمبرة تلعب بالتيلفون حتى دخلت للفايسبوك
لقات انفيتاسيون من ريان شحال فرحت اكسيبتاتو مي مكانش اونلين ايا طفات التليفون و رقدت
الصباح ****** 🌄🌄🌄
راحت الين و نور للجامعة منبعد خرجو باش يفطرو تلاقاو بياسمين وفي نفس الوقت وليد كان جاي
الين : نور راني رايحة عند وليد
نور : و ياسمين
الين : مكان مدخلني فيها تروح عند سيفو تاعها
..........
الين : وليد سافا
وليد : سافا ونتي
الين : حمدالله
وليد : اذا معندك والو العشية واش رايك نروحو نفطرو منبعد نخرجو نحوسو شوية
الين : ايه معليش
في الخرجة تاع الجامعة الين شافت سامي متكي على طونوبيل تاعو
الين ( في قلبها ) : اه قلبي مي تالمون شباب 😍 و بوقوص طول و العرض و الزين و الطونوبيل و العقلية ربي يجيب
كانو يتمشاو جازو قدامو مي الين دارت روحها شغل ماشافتوش
سامي : الين ارواحي نسحقك
الين : راك تهدر معايا
وليد : تعرفيه
سامي : نتا واحد ماهدر معاك
وليد : شوف ....
الين : خلاص وليد روح وانا دوك نلحقك
وليد : ايه في وجهك
............
سامي : خير راكي دوري مع وجوه جديدة
الين : باسكو انا في حياتي نعرف غير وجهك
سامي : لازم تكوني فرحانة كي راكي تشوفي وجهي قريب كل يوم
الين : وي بيانسور باسكو نتا سامي ***** ( تقلد فيه )
سامي : هاذي قوليها و عاوديها المهم جيت باش نرجعلك هاذي ( مدلها البراسلي ) لقاها الشوفور صباح كي نقالي الطونوبيل
الين ( عنقاتو ) : يعطيك الصحة علبالك حوست عليها بزاف كانت كادو من المرحومة ماني
سامي حس بواحد الاحساس احساس جديد كان حاب تقعد معنقاتو مالغري هو معنقهاش و مابادلهاش تقدرو تسميوه غرور ولا تكبر ؛ الين جبدت روحها
الين : سمحلي ماشي بلعاني من كثرة الفرحة محسيتش بروحي ؛ لازم نروح و صحا مرة واحد اخرى
هي دارت كانت رايحة
سامي : الين
الين : اممم
سامي : هذاك لي كان معاك صاحبك
قعدت تخزر فيه و دنات منو
الين : واش دخلك ( وزيرت على كل حرف )
جبدها سامي لعندو : ندخل روحي كيما نحب و فيمن نحب راكي تسمعي
نحات يدها من يدو و راحت و هو زاد سنا شوية ختو و راح وصلها للدار
ايا نسرعو الاحداث شوية
بعد شهر ........
ايا نحكيلكم واش صرا في هاذ الشهر نبداو ب
نور و ريان تقربو من بعضهم بزاف في الفايس ولاو يعرفو بعضهم كثر مي ماصرات حتى حاجة فوق هاذي تقدرو تقولو اصدقاء
ياسمين و سيفو علاقتهم تطورت شوية مي ماشي للاحسن للاسوء ياسمين ولات تضيع وقتها بزاف مع سيفو تعلقت بيه لدرجة كبيرة قرايتها اهملتها كامل مولاتش تدخل تقرا بزاف بالمختصر وقتها كامل خرجات مع سيفو
و علاقة ياسمين و الين تحسنت يعني عاودو ولاو لبعضهم نورمال مي الين مزادتش جبدتلها على سيفو كامل
اما الابطال تاعنا نقدرو نقولو كاين تطور صغيييير
بحكم انه ولاو يسكنو في نفس الحومة سما يتلاقاو بزاف مي كي يهدرو مع بعضهم لازم دايمن يكونو هذوك المشاحنات بيناتهم
كاين احداث بزاف راهي تسناكم تفاعلو و خليلوي تعليقاتكم و ارائكم
