الين دارت يديها على عينيها باش متشوفش
سامي : ارقدي ارقدي مزالك صغيرة
الين : 😏
سامي : خير ترقدي هنا
الين : لالا نرقد في الارض
سامي : هكذا خير
الين : سامي هبلت نرقد في الارض
رقد و معلابالوش كامل بيها
كي رقدت راح رفدها و حطها فوق البونك
صباح .....
ناضت صباح لقات روحها فوق البونك حارت
لقات سامي دخل باين هداوين كمل سبور
الين : واش راني ندير هنا
سامي : وجهك صحيح نضتي في الليل و رميتي روحك عليا و كوم نتيا بقرة مقدرتش نرجعك لبلاصتك رقدتي هنا
الين : انا ..... نضت
سامي : الله لا امنتي انا ماشي ندير روطار بسبتك
لبس سامي حوايجو و الين لبست جبة و هبطو يسقهواو
الين : صباح الخير
قاع : صباح نور
......
سامي : حقا يما قولي للخدامين يحطولي فوتاي فالشمبرة
الين دخلت في بعضها وماتت كامل شغل كانو راح يسقسيو وعلاش
سامي : قوليلهم يحطوهولي قدام تليفيزيون باش نتفرج الاز
كريمة : اه خلاص نقوللهم
سامي : ايه ياسمين مرانيش نسقسي عليك كامل كيفاش راكي مع القراية و لي كونترول
ياسمين ( هدرتها كلها خوف و قلق ) : ايه مليحة
سامي : نتمنى دراهم لي رانا نصرفو فيهم كامل عليك يجيبو فايدة
ياسمين : امم
مراد : سامي اذا كملت وليدي نروحو
سامي : ايه بابا هذاك هو
كملت الين نهارها عادي غير في الدار حطولها الفوتاي في شمبرتها سما راحت ترقد فيه
وهكذا نهار على نهار الين عتادت على حياتها مي سامي مراهوش يجي للدار هاذ اليامات بسبة الخدمة الزايدة مي بيانسور مسمعتش منو مقالهاش ممبا سمعت من ياسمين و زيد مخمم عليها و لا سقسى عليها و فوق هذا الين راهي تروح للجامعة مراحش تقدر تجيب مصروفها من عند والديها و الدراهم لي كانت مخبيتهم بداو يخلاصو مصاريف الجامعة بزاف دايمن مقنوطة و كارهة وكيفاش زعما اللي يسموه راجلها معلبالوش كامل بيها و ميعتبرهاش مرتو و كل مرة يقولها كلمة تقيسها و تجرحها حتى عرسها مدارتوش كيما البنات و ليلة عرسها لي جوزتها بكاء مالغري مزالها صغيرة مي وليد كان دايمن ينحيلها على خاطرها يقسرو يفطرو كيفكيف يحكيو يضحكو مي جامي لا حكاتلو على العلاقة لي بينها و بين سامي و المشاكل لي بيناتهم ( كي قلت محكاتلوش على علاقتها بسامي قصدت المشاكل و الاهانات و كذا ماشي زواجهم )
المهم اليوم غير كملت دخلت للدار كانت عيانة
كريمة : جيتي الين
الين : ايه
كريمة : روحي تاكلي حاجة
الين : دوك نبدل و نجي طاطا
بدلت حوايجها و هبطت لقات فاطمة و كريمة قاعدين
قعدت معاهم
كريمة : ايه بنتي مشفتيش ياسمين
الين ( عرفت بلي ياسمين راهي مع سيفو ) : تكون مزالها تقرا
فاطمة : ايه ؛ اين بنتي وقتاش تفرحوني بكاش وليد يعمرلي داري
الين حمارت من الحشمة
الين ( مع روحها ) : كيفاش حبيتي يجيك طفل بالبلوثوت زعما
كريمة : يما خلي الدراري مزالهم صغار
فاطمة : حنا بكري صغار درنا الدار و الدراري
كريمة : بكري
فاطمة : معليش المهم تكوني مهنية ارواحي عندي
راحت الين عند فاطمة عنقتها وقاعدة تمسحلها على راسها
دخلت ياسمين هكذا شوية جا سامي سلم عليهم كامل من غير الين كانت تستنى منو كلمة هذا مكان عندو شحال مجاش للدار جوزوا العشية كيفكيف تعشاو كامل كيفكيف قعدوا قاعدين في الصالون حتى جات سليمة و بناتها قعدوا
منبعد ماسلمو على بعضهم جوزوا سهرية هايلة مي الين كانت منزعجة و كارهة تقلقت بسبة تجاهل تاع سامي و سورتو اسماء لي لاسقة فيه ملي جاو ومن جهة قاعدة تخمم منين جيب مصروف الجامعة
الين : انا سمحولي نطلع لشمبرة راني عيانة
كريمة : معليش بنتي طلعي ريحي
طلعت الين للشمبرة و رمات روحها على الفوتاي قاعدة غير تخمم
بعد مراحت سليمة و بناتها طلع سامي للشمبرة لقا الين غايسة و ساكتة
سامي : غير الخير طاح عليك السكات
الين : ساكتة
عيط عليها فاقت
الين : وشنو
سامي : وين رحتي مصبح وانا نهدر
الين : واش كنت تقول
سامي : المرة الجاية كي نكون نهدر تسمعيني وانا هدرتي منعاودهاش
راح سامي رقد و طفا الضوء
يوم جديد ****
ناضت الين لبست حوايجها و موراها سامي كملو هبطو لتحت سقهواو و راحت الين مع ياسمين للفاك
هذا هو البارت نتمنى يكون عجبكم
متنساوش تخليولي ارائكم و تعليقاتكم
الى الملتقى لنشاءالله
أنت تقرأ
زواج اجباري _ باللهجة الجزائرية _
Romanceسامي شخص لا يؤمن بالحب متكبر مغرور يدير شركات كبيرة ماذا سيحصل عند زواجه بالبنت التي ستغير حياته الين زواج ورق لمدة اشهر هل سيستطيع ان يحب كل شخص الطرف الاخر في هذه الفترة تابعو الكرونيك
