سامي شخص لا يؤمن بالحب متكبر مغرور يدير شركات كبيرة ماذا سيحصل عند زواجه بالبنت التي ستغير حياته الين
زواج ورق لمدة اشهر هل سيستطيع ان يحب كل شخص الطرف الاخر في هذه الفترة
تابعو الكرونيك
جازت شهر على ابطالنا الشهر هذا كان عبارة على قراية و دار بالنسبة لالين غير انو علاقتها مع ياسمين ولات بزاف قوية الين و نور و ياسمين ولاو صحابات يخرجو يحوسو مع بعضهم يفطرو كيفكيف ياسمين ولات تعاون الين بزاف في قرايتها بحكم دارسين نفس تخصص و ريان لي نجح و قدر يشري مجموعة من المحلات لي خصصها غير الحوايج و هذا بفضل باباه لي عاونو بالدراهم و الاراضي لي كانو عندو و الين غير تبروفيتي من خوها ههه نور دارت روحها نسات ريان مي قلبها كان يوجع بزاف مي فرحت بزاف نهار عرفت بلي ريان و سندس تسيباراو و بيانسور الين هي لي عمرت لقرع و حكات لصحبتها مي نور دارت روحها كلي ما فرحتش مي مالداخل لوكان لقات طير طير ايا دوكا نروحو نشوفو البطل تاعنا
في القصر تاعهم ناض سامي صباح دوش لبس كوستيم تاعو وهبط لتحت الخدامة ( مهبطة راسها ) : صباح الخير مسيو سامي : امم دخل لقاهم حيبداو ياكلو سامي : صباح الخير عليكم قاع : صباح النور راح سامي عنق ختو باسها و قعد سامي : اييه ياسمينتي قريب ديري 19 سنة ياسمين : ههه و على هذيك هاذ الويكاند انشاءالله راني رايحة ندير لانيفارسار تاعي هنا في الدار و نعرض لي زامي تاعي سامي : ايه شوفي اذا كاش ما خصك و لا سحقيتي قوليلي ياسمين : ربي يخليك ليا كريمة : ايه بنتي الشابة تاعي كبرت و قريب نفرح بولادها سامي : شوفي كاش واحد يتزوجها و مبعد ساهل كريمة : و علاش واش خصها بنتي الزيت التربية القراية الرزانة و نعم الاخلاق ياسمين : راني رايحة نقعدلك لهنا فوق راسك يا مسيو سامي **** حتى نشيبك سامي : روحي عند مسود السعد لي راح يتزوجك شيبيه و شبعيه بالتبهليل تاعك ناس تكبر و نتي ولي للور مراد : و قتاش جي هذيك لي تشيبك كريمة : صح يا وليدي وقتاش تتزوج و تعمر عليا الدار بالدراري الصغار راك تشوف حتى خوك و مرتو و راهم لهيك و روميسا منشوفوهاش غير من الصيف للصيف ( نسيت مقتلكمش بلي جواد عندو بنتو اسمها روميسا في عمرها 3 سنين ) سامي : بصحتكم انا لازم نروح عندي خدمة ياسمين : سامي خويا معليش توصلني ليوم لفاك سامي : روحي مع الشوفور مرانيش فارغ شغل ياسمين : خويا تعيش عمو فريد ( الشوفور ) سقسا بابا و دا يامات باسكو راهو مريض شوية سامي : ففف ايه خفي ياسمين : خلاص نجيب صاكي و نجي وصل سامي ياسمين للفاك ياسمين : صحا خويا سامي : ايه و بلاكي على روحك و لعشية انشاءالله نشوف يا نجي ليك يا نبعتلك كاش شوفور يوصلك ياسمين: ايه خلاص ... سامي خويا ارواح نوريلك صحباتي الين و نور سامي : عندي خدمة دوكا ماشي جبتك و تبداي تتشرطي عليا ياسمين : ايه كيما تحب .... اه هيليك نور سامي : هذي هي صحبتك ياسمين : ايه ااه شافتني راهي تروشلي هيا خويا هبط متحشمنيش عيب سامي : اففف المصيبة لي طاحت عليا و يماك تقولي نزيد نجيب وحدة اسناي نفراها معاك ومبعد ساهل ياسمين: ههه هبط سامي و ياسمين و ياسمين عرفتو بنور ياسمين : سامي هذي نور صحبتي نور هذا سامي خويا سامي : متشرفين نور : اتشرفت بيك ياسمين : اممم مزالت الين مجاتش سامي : هيا ياسمين روحي تقراي ياسمين: ايه باي و صحا قعد سامي يشوف في ختو حتى بعدت و جا رايح للطونوبيل و يلقا طفلة قاعدة فوق طونوبيل تاعو و كانت عاطياتو بالظهر راح ليها سامي : اسمعي نتي و دارت عندو
Elin *
نضت اليوم و جدت روحي و رحت للجامعة كي دخلت لقيت واحد الطونوبيل يا مامي تهبل بزاف شابة و كبيرة و زيد نقيه على وجهي ههه قعدت نستنى في نور باسكو هي عادتها جي روطار و في بلاصة ما نقعد واقفة قلت نقعد فوق طونوبيل هههه قعدت بهاذ البوزيزيون
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حتى نسمع صوت مورايا سامي : اسمعي نتي درت و هنا الصدمة الين : نتا سامي : خير انشاءالله قاعدة فوق طنوبيل الناس الين : راك تهدر على حجات تاع ناس و نت اكثر واحد ينتهك املاك الناس ننسى خويا لي و لداتو يما و مننساش العبد لي دالي تارت سيترون تاعي سامي : اولا انا ندير واش نحب و كيما نحب ثانيا وقتاش ولات تارت سيترون املاك قال انتهكتلها املاكها الين : نتا و جهك صحيح منين مسلفو سامي : من عند خوك لي تنسايه و انا متنساينيش و اذا بيك زوج مرصوات قاطو هاكي هاذو
وشنو ....... stop رما عليا دراهم و راح قعدت نسب الونفار قلقني زدت دخلت فواحد البنادم الين : وشبيك زادم
**** : معلباليش اذا انا و لا نتي لي زادمة الين : افففف ...... سمحلي كنت منارفية و خرجت زعاف فيك **** : ماشي مشكل معليش الين :ايه دوكا سمحلي لازم نروح عندي محاضرة وليد : حقا انا وليد ونتي الين : الين رحت كملت نقرا منبعد رحنا فطرنا انا و نور و ياسمين و تما عرضتنا ياسمين لانيفارسار تاعها و قبلت ديراكت من جهة هي و لات صحبتي و من جهة عندي شحال مخرجتش غير قراية و دار و صلت للدار ميتة بالعيا قلت لماما و بابا على لانيفارسار و خلاوني
و دوكا نقولكم نتمنى البارت هذا عجبكم واش رايكم في الكرونيك هذيا متنساوش تعاليقكم و اراكم على الحفلة تاع ياسمين واش راح يصرا فيها انشاءالله
