زواجك بالاكراه وعلاجك قدري ( صكر الصخرة)

الفصل الثامن والعشرون

مهما عشنا من الامٍ في حياتنا ..لابد وان ياتي يوم ما ونعيش براحة وتشفى تلك الجروح التي انفتحت وتبتسم الحياة لنا من جديد .. حتى نصبح نحن ايضا اناس اخرون
.............

الفصل الاخير ..

محكمة ...
حكمت المحكمه على المتهم ..جاسم ال ... بالسجن لخمسة سنين بتهمة التستر على قاتل .. وتضليل العداله ..
كما حكمت عليه بسبع سنين بتهمة التشجيع بالقتل المتعمد على ضحيه اخرى ( والي هيه ابو سالم الي قتله بالاساس صكر من جان صغير)

وهيج صار عدد السنوات 12 سنه سجن ... جانت حنين من اكثر افراد عائلته حزنا على الي صار بيه .. مع هذا مجاب بسيره صكر بولا تهمه لان كثير تهم اتوجهت اله لكن ماكان في ادله كافيه ادينه الا بهذه التهمتين ..
حضرت حليمه المحكمه صكر جان مموافق على روحة امه للمحكمة لكن هي اصرت .. سلمه هم جانت وعلي وسامر .. لكن صكر مراح لانه وعد هند انه ينسى كلشي ..لانه لو راح ممكن يفقد اعصلبه ويقتله فعلا ..
لما انتهى كلشي .. وتم اقرار الحكم .. طلبت حليمه انه تشوف الشيخ جاسم وتحجي وياه .. وسمح الهم الحاكم بنصف ساعه ..وبعدين على الاساس المحامي راح يقوم برفع دعوة تخفيف العقوبه لانه مريض ..
اتخربط بالسجن قبل شهر وصلر عندا ذبحه صدريه بوقتها وطالب ايضا باستأناف الحكم مره اخرى وطبعا هذه الامور تاخذ وقت ..
لما اخذو جاسم ..كعدوه بغرفه ينتظر بيها دخول حليمه اله .. جان كاعد والكلبشات بأيده . انفتح الباب ودخلت حليمه .  التفت لما دخلت بس هو ماكدر يباوع بعيونها .. صارله زمان مشايفها .. مكدرت لاهي تواجه ولاهو يطلب شوفتها .. كعدت
اتنفست بعمق مثل الواحد الي مجان يكدر يتنفس .. جانت كاعده مقابيله .. باوعت بيه شلون متغير وجه من الشحوب صاير ابيض ..اللحيه طولانه والشعر كله ابيض مثل القطن ..حتى تحس انه متحدب ضهره.  
غمضت عيونها ..وبعدين كالت

حليمه ..مع الأسف هاي نهايتك .. مجان يشكلك هالشي .. انت الشيخ جاسم الي ديوانك جان مايخلى من الناس والي كلمته متصير اثنين والي ايدك جانت تنمد للكل .. هاي نهايتك .. شلون .. شلون جنت اتعيش بشخصيتين.  بوجهين ..وجه ابيض ووجه اسود .. شلون كدرت تخدع الكل .. شلون كلي شلون

جان ميكدر يرفع راسه ويباوع بيها قبظة ايدة من الضغط عليها كلها احمرت. . كالت مكمله

حليمه .. متكدر تحجي .. متكدر اتباوع بيا .. ارفع راسك وباوع بيا .. شوف اني نفسي لو اتغيرت نفسها حليمه الي جنت اتحبها وسويت الي محد يعمله علمود اتصير الك .. كسرت قلب مرتك عليها .. واخفيت حقيقة قتل اخوك عليها .. واختك لحد الان تكرهني وتعتقد انه انا السبب بكلشي .. باوع بيا .. شوف شلون كسرتني ..

رفع راسه بثقل وجان يباوع بيها وهي متعصبه وكال

جاسم .. سامحيني .. بس لساتني احبج .. مثل اول يوم شفتج بيه

حليمه ..لاتكررها هاي الكلمه ..انت محبيت ..انت جنت واحد اناني .. والمصيبه انه انه هم حبيتك .. شكد اكره نفسي لاني حبيتك ..ماشفت خداعك ومكرك .. جنت اعاقد انك ملاكي الحارس لكن جنت الشيطان نفسه .