زواجك بالاكراه وعلاجك قدري ( صكر الصخرة)

الفصل السادس عشر

اتعلمين لما ابعدك عني ..ابعدك لاني احبك ..ابعدك لاني اخاف قربك لاني مثل النار تحرق من يتقدم اليها
............................

من حنين خبرت هند بشغله علي ..وهي محتاره تريد تعرف شلون راح اتحلها بدون متنفضح البنيه واذا عرفو بيها ممكن يقتلوها .. فمشافت غيرسامر تثق بيه ..لانه صكر يثق بيه كلش ..
شافت من بعيد سامر واكف وبيده التلفون ..فخطر على بالها انه سامر اكثر شخص ممكن تثق بيه لانه انسان كلش طيب وحنون ..وممكن هو يساعدها بدون مااحد يعرف .. فراحت عليه وكالت

هند .. سامر

سامر ..هلا بالدكتوره .. شلونج خيه

هند ..هلا سامر .. عندي شغله ضروريه مااحدركدريحلها غيرك ..وانشالله مااكون خيبت ضني لما اجيت هسى ودااطلب مساعدتك

سامر .. خيه وانا اخوج ..وعلى ركبتي ومن هالشارب مورجال لو خيبتج ..اامري ..

هند مايأمر عليك ظالم ..الشغله هي .. شلون اكولها يعني ماادري

سامر.. خير خيه ليش متوتره ..صكر بيه شي

هند ..لا ..وماريد صكر يعرف ..لان اذا عرف اتصير مشكله

سامر .. احجي خيه داتخوفيني شكو ..

هند .. المشكله تخص حنين ..

سامر انصدم لما كالت حنين وكال .. شبيها حنين خير

هند... حنين واكعه بمشكله ..واجتني دااساعدها ..وبصراحه اهدأ واحد واعقل واحد انت ..ممكن تستوعب الي اكوله لو احد ثاني يعرف ..راح تصير مصيبه ..

سامر اكثر انرعب وكام يفكر باشياء موزينه وكال ..دكتوره خبريني عاد ..مو بعد مااتحمل ..شبيها حنين

هند .. اكو واحد دايهددها

سامر ..شنو ..يهددها شلون وليش ..شمسويا

هند .. لاعب على عقلها ..وهي لساتها صغيره ..وضاحك عليها كايللها احبج واجي اخطبج وحابته وهسى لانه متريد تشوفه بعد دايهددها اتروح اله ..

سامر كام يفتر براسه ويمسح بوجهه الى دايسمعه ابد مو قليل يمتى كبرت حنين الطفله ويمتى حبت .. بس كال ..

سامر .. خيه ..البنت خوما مسويه العيبه ..استغفر الله ..

هند كبل كالت..لا لا لا .. يمعودا ..مو لهدرجه .. بس الولد طلع تربيه سيز ودايهددها وهي خايفه ..

سامر .. منو هو ..ومن ياعشيره ..

هند ..اسمه طلال .. من عشيره ....

سامر ..هذا هو ..بسيطه ..حله عندي ..

هند .. سامر ماوصيك ..خليها بيناتنا ..

سامر. ولاتهتمي ..وطمني حنين .. بس كوليلها انه تنتظرني راح احجي وياها اني هم ..خوش ..

هند .. لا اني اكول انت لاتحجي وياها .. اذا صار شي مره لخ عود ذاك الوكت بين نفسك ..حتى لاتنحرج