زواجك بالاكراه وعلاجك قدري ( صكر الصخرة)

الفصل الخامس

اغار عليك حتى لو انك قاتلي
............

ركن صكر سيارته في شارع جان نوعا ما قديم وكام يمشي لان سيارة متدخل بيه سال واحد من الشباب الصغار ميتعدى عمره 14 سنه وكال ..

صكر .. تعالي ابو الشباب .. كلي وين محل واحد اسمع ظفر

اشرله الولد على محل بنهايه الشارع وكاله .. تلكاه باخر الشارع باب المحل مالته اسود

صكر .. شكرا يابطل ..

تركه صكر ..وكمل يمشي لحد ماوصل للمحل الي رايده .. سمع صوت واحد وكانه دايضرب طفل وصوت واحد يبجي ..
لما دخل اكثر شاف واحد رجال لازم واحد من الولد الصغار وكاعد يضرب بيه .. هو متحمل المنظر. . راح عليه بسرعه لزمه من ياخته وانطاه بوكس .. ورجع يضربه بوكس .. لاخ ..وذاك يتوسل بيه ..والولد شرد واتخبى من كدامهم كله صكر ..

صكر ..ولك تضرب طفل ..ولك اتفو على شواربك ياناقص .. شنو اسمك لك ..

جاوب وكال .. اسمي ظفر .. انت منو .. وشتريد مني .

كال صكر..الله وكعك بيدي ياحيوان .. انت تشتغل ويا واحد اسمه ناصر مو ( ناصر الولد الي مات بللمزرعه )

جاوب ظفر وكال .. لا مااعرف واحد بهالاسم ..

لما شاف صكر انه مدايجاوب .. انطاه كله وضربه ابطنه حلاه يزوع رم .. ورجع لزمه من شعره وصاح بوجه وكال ..

صكر .. اذا محجيت راح اتموت .. انت وناصر ويا من جنتو تشتغلون

بعد مااخاف ظفر على نفسه لايموت فعلا كال .. جمال ..الي نشتغل وياه جمال وعندا معلومات خطيره عليكم ..

رفع صكر سلاحه هلى راس ظافر وكال .. منو الي موصله المعلومات احجي ولك منو ..

ظافر .. والله ماادري محد يعرف غير جمال .. احنا بس نفذنا الي كللنا عليه .. صدقني ..لاتكتلني عندي عائله اعيشها ..الله يخليك ابوس ايدك ..

من شاف صكر هيج ..عرف انه مدايجذب .. لكن ضربه مىه لخ لحد مخلاه يفقد ..زتفل عليه .وكال ..

صكر ..هاي لخاطر الولد الي جنت تظربه .. وعدل روحه ورجع سلاحه لمكانه وبين مراد يطلع .. باوع على الولد الي جان عنره تقريبا 11 سنه خاتل وخايف .. صاح عليه صكر وكال ..

صكر ..تعال ياولد لاتخاف تعال ..

اتقرب منه الطفل واجا ليمى ..كاله صكر ..

صكر .. شسمك حبيبي

الولد .. هدير

صكر ..حلو اسمك ياهدير .. انت تشتغل يم هذا ..

هدير ..اي ..

صكر ..وليش جان يضربك ..

هدير.لان كتله اريد فلوسي مجاي ينطيني وامي مريضه اريد علاج الها ..