مذكرات القدر

بارت الحادي عشر

لبس القماشايه وكمنا نصمم على جسمه واني بس اضحك
وهو يحشش
اليوم ضحكت ضحك مو طبيعي....
عيوني كامت تدمع من الضحك...

مادري شكد بقيت عدهم بس طولت هواي محسيت بالوكت
اخذتني القشمره والضحك
والحلو انو ايهم ويانه كاعد وهم يتقشمر ويانه بس بثكل
حسيته شويه فك
بس يبقى من اني اباوع عليه واحد يخزر الاخ
سويت تقريبا جم قطعه بمساعدة ام ايهم ماكدرت لوحدي اسوي شي
وكلش طلعو حلوات
صار وكت الغدا تغدينا وبعدين لمينا وكملنا شغل
كلش تونست هاليوم هذا
قضيت وكت ويا ام ايهم جان يوم من العمر
باوعت عالوكت ساعه سته ونص المغرب

قدر: ياااا يلا يمه اني ارجع
ام ايهم: ويين يمعوده دبقي
قدر: لا كافي
ام ايهم: لا بعد وكت والقران متروحين
قدر: مادام حلفتي بعد ماكدر
عمر: متجين الا بالعين الحمرا
قدر: مو لا اهلي يخافون عليه
ام ايهم: تره بيتكم مقابيل بيتنا شدعوه يخافون

بقيت وياهم وصار وكت العشى وحضرت وياها العشى وتعشينا
كلش هالمره حنونه وتحسس الواحد بالامان
لكيت بيها حنان الام الي مشفته ولا عشته...
من اروع الناس الي شفتهم بحياتي هيا...

تعشينه والعشى كله قضاه عمر يحشش ويتقشمر واني بس اضحك اكل لكمه واشهك من الضحك
من صدك اليوم ضحكت ضحك مو طبيعي
يارب يكون ضحكة خير
خلصنه غسلت المواعين ولميت وياها السفره
ورجعنا نتفرج عالتلفزيون
حسيتهم هما اهلي...
من صدك الامان محسيته الا وياهم...
داحس وياهم بالفرح والضحك والامان الي فاقدته ببيتنا....

باوعت صاير ساعه عشره وشويه كلت خلاص لازم اكوم هلمره
قدر: يلا يمه اني اروح خلاص باجر ارجعلج
ام ايهم: براحتج يمه بس لتنسين مو الا اخبرج باجر حتى تجين
قدر: لالا مادام صار شغل لازم اجي
ام ايهم: اي خوش بعد مليان عدنه شغل وخياطه
قدر: يلا يمه اترخص اني مع السلامه
ام ايهم: مع السلامه حبيبه كوم ايهم اوكفلها بالباب
قدر: لالا ميحتاج
ام ايهم: ميصير تطلعين لوحدج بالليل حتى لو بيتكم مقابيلنا ميصير

كام ايهم ابتسمتله وطلعنا
وصلني للباب يربي احس نبضاتي ماكدر اسيطر عليها
عبرت من يما
انداريت عليه جان بعده واكف وديباوعلي
ابتسمت وكتله
قدر: تصبح على خير
ايهم: وانتي من اهله

ابتسملي اول مره اشوف ابتسامته هيج حلوه
مجنت رايده اروح
اكتئب من بيتنا..
اريد ابقى وياهم..
اريد ابقى عدهم..
يارييت يتبنوني عدهم والله اقبل...

عبرت وصلت بيتنا
دكيت الباب واني هاايمه ببالي ايهم
رااايح عقلي وكلبي وياه
انداريت بعده واكف
قدر: طب هاهيه
ايهم: لا خلي يفتحولج الباب
قدر: لا والله خلاص طب تعبتك
ايهم: قابل شسويت
قدر: يلا طب وبوسلي خاله
ايهم: يوصل
قدر: ببااي
ايهم: هلا