مذكرات القدر

البارت السابع

كاعده اكتب ودموعي تجري على الورقه
حسيت احد طب عليه
باوعت هند
هند: ها قدووو ماتنزلين تاكلين
قدر: لا ماشتهي
هند: هاي شنو لا ماكو يلا كومي
قدر: والله ما اشتهي
اجت يمي وكعدت مقابيلي
هند: دنزلي شنو قابل تبقين هيج معلكه بالغرفه
قدر: هسه دعوفوني اريد ابقى بالغرفه
هند: شكو بيها قابل اول وحده تنكتلين يلا يلاااا نزلي وياي
كامت تتشاقه وتسحبني متحملت دفعتها وعيطت
قدر: شهلللل حجي هااا كافي ادافعيييله لهالهمجي كااافي باااعي وجهي باعي جسمي شون متورم من همجيته كللها لييييش بس علموود كسرت كلمته للافندي ليش هو شنوو نبيييي رسوووول حتى متنكسر كلمته وتريديني انزل واكعد ويا على نفس السفره اكعد يم شكولاته اكعد يممما هم اله نفس ياكل هم من ينام مرتاااح ضمييره وهو هيييج مسوي ببنت عممه اليتيمه كااافي رحموووني عاااد خلي يجيني واحد ولو يفهمنيييي كااافي والله العظيم تعبت شنوو ذنبي اني مختلفه عنكم شنووو ذنبي انو امي مسيحيه وانتو تحسسوني غريبه عليكم ليييش هيج كااافي والله تعبتت واااالله

اعيط واحجي بهستيريه وصوتي بي بحه حنجرتي مجروحه
اجت بسرعه حضنتني وتمسح على راسي
هند: والله مو هيج والله انتي مومختلفه عنه ولا غريبه ولج انتي اختي تدرين شنو اختي راحتي وسعادتي بس يمج والله العظيم اهلي بكفه وانتي الوحيده عندي بكفه تدرين انتي شنو والله شاهد عليه شكد جنت احب امج الله يرحمج عمه عذراء صدكيني والله
اندك الباب وطب علينه علي
علي: ها سالمين شجاكم
هند: معليك اطلع
علي: سمعت كلشي بس عيدو الي جنتو تحجو اخاف فاتتني كلمه
هند: علييي بسك عاد
علي: اشششش محد حجا وياج داحجي ويا قدر اني
هند: لويش جاي شرايد
علي: اريد انزل بنت عمي الجميله الاميره حتى نتعشى سوا
قدر: علي والله ما اشتهي
علي: يبعد عمره لعلي ماكو هيج حجي يلا ننزل سوا
قدر: شوكت ما هذاك القندره يروح لدوامه اني انزل اكل وياكم
علي: ياقندره منهن
هند: عليييي احترررم هاي شنو
علي: تره هيا الي سبت مو اني
دفعت هند ووخرت من يمها
قدر: كافي عاد ادافعييله دشو قندددره وقندددره واقصد على حمزه ايييي حمزه القننننندره
علي: عفيه عفيه هيج صيري قويه
هند: والله انتو مخبلين بله سمعكم شيسوي بيكم
علي: عن نفسي احده يطخني اما قدر فا هيا متزوركه عادي مراح تحس بشي
هند: علييي شكاااك دكافي
قدر: ههههههههههه عوفي حجي مثل الشكر على كلبي احجي احجي فدوه الك
علي: هسه اخر كلام عندج متنزلين تاكلني ويانه
قدر: لا
علي: تمام امشي هند
هند: وين ابقى وياها
علي: هسه بس دمشييي

سحبها وطلعو رجعت تصطحت اريد اريح راسي بس بقيت اصفن بالسقف
هيا دقائق وما احس الا انفتح الضو وصوت علي وهند ديهوسون فوك راسي
تعدلت لكيتهم جايبين صينيه ومخليين بيها العشى
قدر: هاي شنو والله ما اشتهي
علي: انتي مو كلتي متاكلين معانه لحتى هذاك القندره يروح هياتنا جبنالج الاكل لي يمج وجايين ناكل وياج اخاف ماتشتهين احنا نفتح شهيتج
قدر: ههههههه مخبل والله ما اشتهي
علي: هند ذبي الصينيه يلا وكومي خلي نسحب هالارمله حتى ناكل