عند البنات .. اللي وصلوا لمكان بعيييد
رهف اللي وقفت مع شادن تنتظر والبقية كملوا طريقهم : هههههههههههه وراها طه ؟؟
شادن بضحكة : هههههه أنا قلت لها استعجلي ولا بنختفي عنك هههههه خليها تتنشط
وصلت لهم سحر وهي تللللهث .. انحنت وهي حاطه يدينها على فخوذها وأنفاسها بتت من الركض !
قربت شادن اللي كانت جادله شعرها جديلة فرنسية على جنب بشكل جذاب وخصل قليلة متطه حول وجهها .. وهي تضحك : هههههههههههههه وش هالنووووم بغينا نروح عنك
سحر بقهر وهي تستقيم واقفه عقب ما هدت انفاسها : ليه ما انتظرتوووني ولا حتى فكرتوا تدقون علي !
شادن : هههههه تعاااالي بس البنات سبقوووونا ..
رفعت سحر عينها ناحية أروى ، ومشاعل ، وبنت ثالثة ! كانت يمشوون بعيد وسابقينهم !
سحر بفضوول : مين هي البنت ؟؟؟
قالت رهف وهم يمشون عشان يلحقونهم : تراك شفتيها من قبل يا سحر !
ناظرتها باستغراب : أنا شفتها ؟؟؟؟ متى ؟؟؟ (تحمست)
رهف : ههههه الحين بتتذكرين .. بس مدري ان كانها بتعرفك ..
سحر بحماااس : تراني تحممممست !
لحقووا البنات اللي وقفوا يتأملون شي بالأرض ..
قالت شادن بصووت عالي : انتوا هيييييييييييييييه لحظة شوووي ..
التفتوا لهم ثلاثتهم بلحظة وحدة .. وطاحت عين سحر على البنت اللي كانت تطالعهم بنظرات .."هاديـة" .. من غير أي تعابير على الوجه !... حست بـ هالة مجهولة تحيط فيها ..
ابتسمت سحر بوجهها وهي تقرب لكن كان ردة فعلها انها نزلت عيونها بالأرض ..ورجعت تطالع باللي كانت تطالعه من غير اي ردة فعل !
ما استغربت ... زادت ابتسامة سحر .. البنت منحرجة يمكن !!
وصلوووا ..
قالت أروى : وينك يا شييييخة !!
ابتسمت سحر بنعومة : كنت نايمه توني صحيت ولحقتكم على طووول
أروى بضحكة وهي تأشر على البنت الواقفه بصمت : سحر تتذكرييينها ؟؟؟
ناظرت سحر في البنت اللي كانت تطالع فيها "بهدووء وبرودة أعصاب" .. وتفحصتها بسررعة ثم قالت يوم حست انها شافتها قبل هالمرة : اييييه صح أحس شفتها من قبل !
أروى بضحكة : كانت حاضره للعزيمة اللي في بيتنا .. تتذكرين؟؟؟
رجعت سحر باستغراب تناظر فيها .. وضحكت باحراج : هههه يمكن .. مع اني مو قادره استرجع اشكال كل اللي حضروا ..
اروى بابتسامة : سحر .. هذي بسمة .. أكبر مني ومنك بـ سنة.. تو كنا نقول انها كبر شادن بنت عمك !
قربت شادن بوناسة : خخخخ أخيرا لقيت وحدة بعمري.. خلاص انتوا بزرران مابيني وبينكم أي شي !
ابتسمت سحر وهي تتأملها .. وقالت : تششرفناااا بسمة !
أخيرا ابتسمت بسمة.. ابتسااامة احراج وارتباك : شكرا ! تشر..تشرفت أكثر !
/
:
عند الشباب ..
داخل الخييييمة.. وعقب التراااحيب اللي ما وقـفت ! ، والحفااااوة اللي كانت حااارة جدا !
أبو خـالد بتررررحيب مستمر .. وهم يجلسون : حيا الله من جانا .. تو ما اسفرررت يا ابو راهي !
ابو راهي بابتسامة عرريضة وصووت جهوووري وهو يسند ظهره للمسند ، وسبحته بيده ، بالنسبة له ما يتوقع أقل من هالحفاوة لانسان مثله : الله يسلمك ويخليك .. مسفره فيكم يا ابو خالد ..
ابو خالد : ما بغيت تجي الله يهديك.. ليتك معنا من الأول والله ما تحلى الجلسة الا بوجودك الله يطولنا بعمرك!
ابو راهي ضحك : هههههههه مشاغل يا ابو خالد.. زين اني قدرت اجي.. المهم بشرنا عن الجو والله سنين ما طلعت مثل هالطلعة الزينة !
ابو خالد : الجوو يرد الروح .. وان شاء الله هاليومين تمطر ودنا نشوف المطر من زمان عنه
والتفت للشاب اللي كان جالس جنب أبوه وابتسم : شلونك يا راهي عساك بخير
رد الشاب اللي كان على مشارف نهاية العشرينات : بخير طال عمرك بشرنا عنك
ابو خالد : بخير .. وينك الله يصلحك ؟؟ من عرفت ابوك ما شفتك الا اليوم..
ابتسم ابو راهي بـ زهو من طبعه ، وكمل عن ولده : قايلك هالولد ما يقر بالديرة أبد .. من ديرة لـ ديرة .. توه راجع قبل يومين وحلفت عليه يجي دامك تبي تشوفه
أبو خالد : ههههههههه الله يصلحه.. مسافر لـ دراسة؟
ابو راهي : ليته لدراسة .. كل يوم في ديرة تسميها دراسة..هههههه خلها على الله
كان محمد مشغول بتقديم القهوة للضيووف .. قام بندر يساعده وهو كاره من جوا نفسه وجود هالانسان اللي اسمه ابو راهي !.. ما توقع يكون شكله كذا !.. واضحة عليه القوووة والسلللطة والشخصية الحديدية ! ، ما ينكر انه أوول مرة بـ حياته يشوف رجل مثله بهالهالة من العظمة اللي تحيط فيه ! ، توه ألحين يعذر محمد .. وتوه يفهم شعوره يوم كان يقول ان الوضع صعب جدا..
لكن؟؟
ابتسم بندر لـ نفسه .. والشيطان لقا له طريق !
يمكن ..يا بندر !.. تكون هذي فرصتك !
عشان تزيح محمد عن طريقك !
محمد
اللي واقف حجر عثرة بينك وبينها !
محمد
اللي حاجب مشاعرك عن سحر
وحاجب عيونها عنك !
وعى على عمره وهو يلعن الشيطاااان... الله يلعنك الله يلعنك.. الله يلعنك
بدا يكره نفسه على هالشي اللي بدا يحسه .. ناحية محمد !
الغيرة ليش قامت تقتله!
ليش قامت تتلاعب فيييه !
ليش يحس انه بدا يتغير ؟؟
ناحية محمد؟؟
ما يبي ولا يتمنى هالشعور ! ، شعور كرررييييه ان حالة محمد هذي .. بدت تروق له !
استغفر رببببه ! ، ثلاث مرات
وتذكر وعده لـ نفسه !
وعده انه ينساها ..
وهو فعلا بدا هالخطوة .. ولا يمكن يتراجع فيها .. أخذ خطووة كان يخاف ياخذها من زمان.. وهذا هو خذاها بعد ما تعب .. وبدا يحس ان سحر لا يمكن تحس فيه.. اخذ الخطوة انها ينساها ويقسي قلبه ناحيتها ..
انتبه لـ محمد يحط الدلة على جنب .. ويطلع من الخيمة بصمت ... بملامح ضييق وحزن !
نسى بندر مشاعره "الكريهه".. وعشان يحافظ على مشاعر الأخوّة "المتزعزعة" داخله .. اتخذ الخطوة وقااام يلحقه .. ما يهم مشاعره .. ما يهم الألم .. اللي يهمه انه يظل مثل ما هو .. يحافظ على الباقي داخله ناحية محمد .. مهما كان!
هروول لـ برا .. لناحية ملعب الطائرة .. لقى محمد جالس تحت العموود ومسند ظهره عليه .. وحالته يُرثى لها ! .. كان عايش مع سحر هاليوم أحلى لحظات عمره ، عاش بسعادة لا تضاهى ذيك الساعات .. لكن جية أبو راهي زادت الألم لأنه يحس بالعجز والضعف ... وده يعللللن رفضه .. وده يتراجع ..لكن مين بيساعده ؟!!
حس في بندر .. يجلس ويتربع بكل حنية قباله : محمد ؟
ما رد .. ووجهه للأرض بصمممت مطبق
بندر بمرح حزين : حمودي !
رفع محمد راسه أخيرا .. وعيونه تلمع من الحزن : شفته ؟؟
ابتسم بندر : شفته ... وتبي الجد .. تراه ما يخوووف .. أقدر بنفسي أروووح الحين واقوله ترا حمودي اخوي ما يبي بنتك دوّر لها أحد غيره .. ياخي العالم مليانه مافيه الا انت اللي بتضف بنته..
ابتسم محمد بشكل ساخر ممزوج بالحزن : أحيان يا بندر اقول لنفسي ليتني كنت واحد فاشل عالأقل ما تطيح عين ابو راهي علي ويختارني !
بندر وهو ويلكمه على خفيف بصدره : هووونها وتهووون .. ليتك تجرب وتحاول تصارحه .. قلت لك من قبل كلمه يمكن يفهمك .. حاول هالمرة لا تكون ضعيييف
قال محمد وهو يتنهد : قلت لي.. وقلت لك اني متوتر من هالخطوة !.. مدري وش بيصير من وراها !
بندر بأللم (وهو يتجاهل مشاعره الشخصية) : توكل على الله.. وصدقني اذا حسيت انك ما تقدر قووولي انا بفجججرها ولا علي من احد
ضحك محمد يغالب قلقه : هههههه عارفك وعارف تهوورك... وعارف انك تخفي شي ما تبيني أدري عنه !!!! ( قالها بشكل مفاجئ)
انصدم بندر من كلامه المفاجئ.. وتوترت ملامحه.. ولا قدر يخفيها رغم انه حاول ،.
محمد بحزن : من متى تخفي عني شي يا بندر.. من متى بس أبي اعرف !
بندر بنبرة أكثر حزن .. وهو يبعثر نظره بيديه اللي في حضنه..وببراءة طفل : لا تسألني يا محمد لأن اللي فيك مكفيك.. اللي فيني بيزيدك صدقني.. عشان كذا افضل لك ما تعرف
ضاقت عيون محمد .. وقال بصوت واطي : وعلى بالك بكلامك هذا انا برتاااح.. انت زدتني قلق الحين
ضحك بندر يقاله بيغطي على شي بدا ينفضح من داخله .. شي بدا يظهر لـ محمد : ههههه ياخي ارتاح وخلنا بمشكلتك ..انساني الحين تكفى ولا عاد تسأل
محمد باصرار : انت مقلقني ذا اليومين منيب مرتاح من ناحيتك ابد.. عشان كذا اذا عندك مصيبة طلعها وخلني اعرفها من الحين
مصيبة!
مصيييبة !!
بالنسبة لي هي أكبر من مصيبة !!!
دايم اسأل نفسي يا محمد ؟؟
دايم أتخيل ؟؟
وش راح تكون ردة فعلك؟؟.. اذا عرفت عن اللي أحسه ناحية البنت اللي تتمناها انت..مثلي !
دايم اتخيل..
عجزت اتخيل طبيعة ردة فعلك
ولا أدري وش بتسوي اذا دريت !!
محمد : بندددر !!
رفع عينه لأخوه بصمت .. وكمل محمد : تكلم علمني !
ابتسم بندر : واذا قلت لك ما عندي شي اقوله
محمد : وتحسبني بخليك ؟؟؟؟
بندر : مصيرك بتمل لأني مارح أقول شي...
وقام واقف : وقووم الحين صحصح واضحك ومشكلتك مصيرها بتنحل .. كلمة من عمي لأبو راهي ذا وكل شي بيصير تمام
تنهد وقام محمد واقف معه : قلت لك عمي خله برا الموضوع.. الوضع حساس الحين مابـي اي شي يوتر العلاقة بينهم فاهمني ؟؟
بندر : هههه طيب طيب خلاص انا عطيتك نصيحتي وانت تصرف
محمد وفكرة كلامه مع ابو راهي بدت تسيطر عليه لأنها هي الحل المتوفر قدامه ، هذا غير حنة بندر عليه على هالحل : يصير خير .. بفكر هاليومين .. ويمكن اكلمه
بندر صفففر : هذا محمد القوي اللي اعررررفه .. ياخي مو لايق عليك الضعف انت ما يلبق عليك الا الشخصية القوووية
محمد مشى وهو يضحك : ههههههههههههههههههههههههههه لا تكبر راسي
بندر لحقه وهو وده يززززنطه .. مشكلتي انك اخوووي هذا بلااااي ولا من زمان قالعك من طريقي ..
:
×
في الخيمة .. عند الرجال ؛
الشباب طلعوا ما عدا تركي !
تركي كان جالس بصمت وهو يتأمل أبو راهي اللي كان يسولف... منصدم من الشخصية اللي جالسه قدامه .. نفس الشخص ونفس هالته اللي تتبعه.. ثاني مرة يشوفه على الطبيعة.. لكن هالمرة عن قرب ... يعرفه بالاسم.. وقرا له مقابلات في مجلات وصحف أجنبية لما كان يدرس برا .. كان يهتم باقتناء المجلات المتخصصة بمجال التجارة والأعمال .. وقرا كثير مقابلات تمت مع هالشخص اللي اسمه أبو راهي.. مجلات اقتناها ولا زال يملكها للآن ! ، بس ما صدق انه جالس قباله الحين وقررريب !
أبو راهي شخصية فولاذيـة ..نادرة .. وفريدة !
ثقة !
سطوة !
صوت جهووري !
عقلية تجارية .. واستراتيجية خارقة للعادة !
عشان كذا له اسمه بالدول الغربية قبل العربية !
ابتسم تركي بخبث ..واستمتااااع... وهو يتأمل ابو راهي بـ جلسته ووضعيته وسواليفه .. غروره وسطووته والعظمة اللي هو عايش فيها !!
خصصم ماهو سهل !!.. صعب صعب يعترررف بهالشي .. لكنه قرر ياخذ الطريق الصعب وأبو راهي رح يكون له أصعب اختبار.. طبعا بعد ما يتخلص من أبو خالد !.. ويرجّع أمجاد أبوه وأمجادهم.. يكفي الفترة اللي عاشها بعز عمّه وأهل أبوه .. 15 سنة عاشوها بعز صحيح !.. لكن ماهو عزه وعز أبوه ، بل عز عمّه اللي وقف معهم ولا زال طول ذيك الفترة !!
رجعت الحررررة تملا قلب تركي وهو يشوف ابو راهي وابو خالد يتبادلون السواليف وضحكهم وااااصل لآخر الدنيييا .. حرررررة كل يوم تزيد وهو يشوف ابتسامته .. ضحكته.. سعادته... وأبوه طايح هناك نسى طعم الفرح بالدنيا ..
أكررررررررررررررهك يابو خالد
أكرررررررررررررهك ونفسي أقتلك اليوم قبل بكرة !
أكرررررهك وودي أنهيييييك هالساعة .. هالدقيقة !!
انتبه تركي من هواجيسه على أبو راهي يأشر عليه بيده.. وهو يشاور ابو خالد : مين هالزين ؟؟؟
محى ملامحه المحتقنة بالكره والغضب .. ورجع لوداعة صار يتقنها بجدارة .. وابتسم
ابو خالد بابتسامة : هالزييين ماهو مثل غيييره !
ابو راهي : ما شاء الله ما تعرفنا ..
رد تركي بثثثثقة جاااااامحة عرف انها رح تلفت نظر الهامور "ابو راهي" ، وهذا اللي يبغاه : معك ولييييد يا عم .. واحد من معجبينك
رفع ابو راهي حواجبه باستمتاااع : معجب ؟؟ ههههههههه لا يكون تبي توقيعي ههههههه
صحيح هامور وداهية.. بس فيه ثقالة طينة شوي .. ضحك تركي وهو وده يوطاه برجله : هههههههه ليش لا.. طال عمرك قريت عنك كثيييييير
استانس ابو راهي وعجبه الموضوع : وين قريت عني ؟؟
طبعا لا يمكن يقول مجلات اجنبية.. لكنه استغل الفرصة عشان يحسن صورته في نظر ابو خالد ويلمح له انه ماهو مجرد واحد على باب الله بالعكس صحيح فقير لكنه عنده خطط لمستقبله .. بس يبي الفرصة !
قال : من المجلات والجرايد ..
قال ابو راهي باستغراب : انا اغلب مقابلاتي بالمجلات الاجنبية ..قريتها ؟؟
ضحك تركي واستدرك قبل ينتبه ابو خالد : ههههه لا وين... قريتها بوحدة من مجلاتنا.. يترجمون لك مقابلاتك طال عمرك..
ابو راهي قام يقيّمه بصمممت .. وقال بهدوء بعد لحظات وكأن وليد بدا يسترعي اهتمامه : اها ... الا ما قلت لي يالشيخ.. وين تشتغل ؟؟؟
جاوب ابو خالد هالمرة : يشتغل عندي هالفترة ...
تركي كمممل : بس مو شي كبييير .. يعني سايق على قد الحال هههه.. وقبلها مراسل ههه
وضحك شوي يقال منحرج .. وابو راهي قام يهز راسه من الكلام.. وناظر بأبو خالد : الحين هالولد يشتغل عندك سايق !!؟
ابو خالد : اييييه مبدئيا ..
"مبدئيا".. تراها كلمة وراها شي ؟؟؟
تركي ركز في أبو خالد اللي قام يناظره وهو مبتسم : انا قايله قبل نجي هنا..اذا وافقت عالشي اللي بقوله لك .. بتتحسن أحوالك.. أبيه عندي بال.. لكن قبل يجي لي بال وراه مشوار طويل !!
رفع تركي حاااجب لأن ابو خالد لـ ثاني مرة يلمح له مثل هالكلام ... وابتسم وهو يحس ان فيه بش خير من ورا هالكلام ..
قال ابو راهي وهو يختبر هالولد اللي قدامه .. كجزء من طبعه .. وحركة اعتادها اذا لفت شخص اهتمامه : الا يا وليد .. مدامك تقول انك تقرا مجلات الاعمال وتطلع عليها .. اكيد عندك معرفة بهالعالم ولو كنت على قد حالك..
بدا الموضوع يحلو بدا هههههههه..
قال بثقة ونبرة مبطنة : اعرررف اللي يمكن ما تتوقعه انت طال عمرك !
رفع ابو راهي حواجبه ورمى على ابو خالد نظرة استعجاب.. ورجع يناظره بتحدي خفيف : هههه متأكد ؟؟؟
تركي وهو كاتم الضحكة ومستمتع بهالحوار : جربني طال عمرك .. اسأل اللي تبي رح أقدر أجاوبك.. انا صحيح غلبان .. بس فيه كثيييييييير أشياء عمي ابو خالد ما يعرفها عني ( ورمى نظرة على ابو خالد )
تقدرون تقولون اختار الوقت الأنسب عشان يتّخذ هالخطوووة اللي كان يبيها من زمان !! .. صحيح في نظرهم فقير وغلبان .. لكنه بالنسبة لنفسه شخص مليان مفاجآت... وكل اللي يبيه يستخدم أسلوب المفاجأة مع أبو خالد عشان يمشي الخطوة التالية ! ، ابو خالد اللي كان يظنه شخص غير متعلم ومحدود الفكر.. لكن لا.. هو كان يبي يفاجئ ابو خالد ويعكس توقعاته .. ويخليه يكتشف ان وليد رغم فقره .. الا انه شخص مطّلع .. وعدم دراسته كل المراحل الدراسية.. ما منعه من القراءة والاطلاع.. وتوسيع أفاق عقله ! ، رح يفاجئه رح يخليه مستحيل يفكر يستغني عنه !!
أبو راهي بصوته الجهووري المسيطر : واثق من نفسك يا وليد
ضحك تركي ضحكته العذبة اللي تلفت كل من يشوفها : هههههه نقاشي معك يزيدني ثقة بنفسي يطولي بعمرك .. من حقي ولا شرايك
كلمات المديح تنفع مع ابو راهي كثييير .. اللي ضحك وكمل : هههههه زيييين بعطيك سؤال بسيط .. يعني من اساسيات ادارة الاعمال.. بشوف وين ثقافتك وصلت مدام تقول انك تقرا ؟؟؟
تركي بثقة لفتت نظر ابو خالد .. تغيّر وليد ..الثقة هذي حولته لانسان ثاني : واسأل ولك اللي يجاووبك طال عمررك !
ابو راهي ابتسم : طيب يا وليد ... وش الفرق بين الية واللا ية بأي ؟؟
ههههههههههههههههههه .. من جدك انت ؟؟؟.. سؤاااال سهل يا ابو راهي توقعت شي اصعب هههههه ما أصدق اني أجاوب على سؤال سخيف مثل ذا !!
بس ابو خالد عجبه السؤال لأنه بيطلعه على مدى ثقافة وليد اللي الظاهر يخفي كثير اشياء ما اظهرها للحين ..و بتعتمد على اجابته.. أمر يفكر يسويه مع وليد لما يرجع الرياض ويعتمد قراره على وليد نفسه !!
رفع تركي عيونه فوق يقاله يتذكر.. رغم ان الجواب في مخه !!
قال بعد ثواني وهو يناظر ابو راهي : طال عمرك كلهم يعتمدون على الهيكلة التنظيمية .. يعني اللي اعرفه ان الية معناها تركيز السلطة بأي على مستوى معين وأي قرار يتم مهما كان.. يتم عن طريق السلطة مثل رئيس ال مثلا او المدير التنفيذي.. أما اللاية.. تكون المهام موزعة بشكل أشمل مافيه سلطة مركّزة على مستوى واحد.. الكل يشارك باتخاذ القرار كلن على حسب مجاله .......
قالها باسترسااااال وسلاسة غير معقولة بالنسبة لشخص مثله .. كان عارف اللي يقوله ..وقاله بثقة غاااامرة خلت ابو خالد يطالعه مو مصدق ...
ابتسم تركي وحك راسه يقال منحرج لأن ابو خالد نظراته مبهوته : هههههه هذا اللي قريته... ايه ترا عندي ذاكرة قوية عشان كذا اذا قريت شي احبه مستحيل انساه بسهولة او يطير من مخي ببساطة
ابو راهي ضحك : ههههه جوااابك مثالي ! .. اجل قلت لي تحب الادارة ؟؟؟
ابتسم وهو يرمي على ابو خالد نظرة اللي ابتسم غصب عنه : اييه و"أتمنى".. اصير مثلك ومثل "أبو خالد" بيوم من الأيام ..
ابو خالد فهم تلميحه : بتصير ان شاء الله توك العمر قدامك
تركي استانس : يعني بتساعدني يا عمي ؟؟
ابو خالد : اييييه مو قلت لك انت صرت مثل ولدي خالد... ودي اساعدك ومنها انت بعد تساعدني
قال ابو راهي باستمتاع : طيب سؤااال ثاني .. عشان نتأكد ههههه ؟؟
تركي بونااااسة لأن ابو خالد كان مشدود له لآخر حد.. وهذا اللي يبيه ويشكر الله ان ابو راهي جا اليوم واختصر عليه الطريق.. وساعده بالخطوة الجديدة اللي كان يحتري الفرصة عشان يوصلها : اسأل وبعصر مخي عشانك ههههه !!
ابو راهي : هو أصعب من اللي قبله يعني يبيله تفكير وثقافة أشمل بهالمجال..
هههههههههههه .. يا حليلك يابو راهي.. تراك ما عرفت منهو اللي قدامك
ابتسم : بحاول !
ابو راهي بخبرررته الوااااسعة بدا يتحدث : لكل لازم لها نظام محدد تمشي عليه أمورها.. هالأنظمة الحديثة تختلف عن بعضها والمدير الذكي اللي بيعرف يختار الأنسب لمؤسسته.. عشان كذا وانا ابو راهي فيه امور اساسية تعتمد عليها اختيار النظام .. وش هي حسب وجهك نظرك ؟؟
سكت تركي..
ضحك ابو راهي بصوته الجهوري والمرتفع : تبيني ابسط لك السؤال كان ما فهمته..
جواااابه السريع على هالسؤال يمكن يثير الشكوك حووله هههههههه... بس وش وراك يا وليد.. قولها هم اصلا مصدقين انك غلبااان وفقير ..
قال بهدووء مفاجئ .. وثقة : تبيني أقولك وش هي الأنظمة قبل ؟؟؟؟
ابتسم ابو راهي على ثقته : قول !
تركي وهو يحك دقنه يقال يتذكر : اللي اعرفه انهم ثلاثة.. الوظيفي .. والقطاعي ...و........نسيت الثالث..
هههههه ما نساااه كذاب بس لازم يخليهم يحسون انه مكتسب هالمعلومات وما درسها !!
كمل باستمتاع وأسلوب شرح وجهة نظر ..وهو يناظر ابو خالد اللي كان مرككز معه : اللي انا فاهمه ان اختيار اي نظام منها ..يعتمد على اربعة اشياء لها تأثير مباشر على المؤسسة ..اذا ما خاب ظني الأولى البيئة والمتغيرات حول ال أو المنظمة لأن اللي افهمه انا ..ان هالشي له تأثير مباشر على الاستراتيجية وكيفية التعامل مع هالمتغيرات ، الثانية امممم..... الاستراتيجية أتوقع لأنها تلعب دور مهم وهي اللي ترسم سير خط العمل ! أما الثالثة أظنها ... حجم المؤسسة وبرضو تلعب دور اساسي !!... الرابعة اممممممممممممممممممم ............ ( ما نساها بس تناساها ) ..
وناظر ابو راهي وهو يقول بحرج مصطنع : هذا اللي اذكرهم الرابعة نسيتها هههههه !! ، طبعا قلتها حسب اللي انا مستوعبها
كمل ابو راهي باعجاب : والله ثقافتك جيدة بالنسبة للي مثلك .. الرابعة من وجهة نظري هي الـ Technology .. بالعربي التكنولوجيا اللي تشملها ال .. لأن عشان ابسط لك اياها .. التقنية تلعب تأثير قوي وهذا اللي يخليني اركز عليها في بعض ي .. فهمت؟؟؟
تركي ببلاهة مصطنعة : ايييه صح ههههه .. كلمة صعبة عشان كذا ما ثبتت براسي !
قال ابو خالد فجأة : وتعرف شي عن الاستراتيجيات يا وليد ؟؟؟؟
ابتسم تركي وقال بنية مقصوودة .. يعرف هو وش يبي من وراها : ايييه طال عمرك .. ما تصدق اذا قلت لك اني من الحين مجهز لاستراتيجية خاصة فيني اذا كتب الله وتحسنت ظروفي .. ولقيت لي الوظيفة الزينة اللي بتساعدني ابدا بشغلي الخاص ! ، كانت لي استراتيجيتي البسيطة بسوق الخضار لما كنت اشتغل وابيع مع عمي .. بس الحين طورت من طموحي ههههه << هالحقيقة مزيفة اختلقها من وحي اللحظة سالفة سوق الخضار !!
ابو خالد بمفاجآة : أقدر اشوووفها ؟؟؟؟
ضحك تركي : عمي كل اللي عندي شخابيط .. وكلها فيها من قراءاتي واطلاعي على الكتب والمجلات المتخصصة بهالمجال ,, ومن مقابلات الناس الناجحة مثل ابو راهي .. استفدت كثييير
ابو خالد بابتسامة : ايييه زين اقدر اشوفها يمكن اساعدك
هز راسه ايجاب موافقة..... وطبعا هذا اللي يبييييييييه.... ما قلت لكم انه يعتمد على المفاجآة وبيخلي ابو خالد يعكس كل توقعاته من شخص مثله !!.. واللي محد كان يتوقع منه شي ! ،، أما أبو راهي ذا ..... لازم يستفيد منه !!!
/
:
