الـ جـــــزء 21
(1)
معليش على التأخير
قبل مانبدأ الرواية
عندي فضول اعرف كم اعماركم*-^
-----------------------------------------
وحانت اللحظة ..
وصوول ابو راهي وعايلته ..
ام خـالد التفتت لـ مشاعل وهمست لها بسرعة : مشاعل حبيبتي .. روحي صحي سحر لها أكثر من ساعة نايمة .. قومي خليها تصحى وتجي تسلم عالضيووف يكفي نووم..
مشاعل : ان شالله
:
دخلت للخيمة .. وعلى طول ناحية سحر المتغطية ببطانية تصحيها..
هزتها : سحووور قومي.. جوا ناس برااا قوووومي..
فتحت عيونها "المرهقة".. اللي الهالات السودا بدت تتضح تحتها : وشو مشاعل كم الساعة ؟؟
مشاعل بعجلة : قومي الساعة وحدة .. وانتي من 11 نايمة.. قومي فيه ضيووووف برا ..
فركت عيونها .. وبتقطيبة نعسانة .. باهتمااام : ضيوف مين ؟؟
مشاعل : ما أدري..ابوي وابوك يعرفونهم زيين .. قومي غسلي وتعدلي لا تطلعين عليهم بهالوجه المنفوخ ... شكلهم ناس كشخة مرة .. بسرعة أمك قالت لي اقومك..
سحر باستغراب.. وهـدّة حييل : طيب طيب الحين جايه ..
قامت وهي تتمطط والنعاس في جفوونها .. هالنوومة البسيطة أحلى من نومة الليل اللي ما نامتها أمس مثل الناس. والسبب بندر !
طاحت عينها عالوردة الصفرا .. جنب المخدة ! .. ابتسمت بنعووومة وهي تشيلها وتدخلها بجيبها
:
خذت لها جينز أزرق من الشنطة .. وتي شيرت أصفر بيـاقة ماركة لاكوست .. وعلى طول على دورة المياااه .. تغسل وجهها وتبدل ملابسها المنعفسة من النوم..
عقب ما لبست .. لمت شعرها ذيل الحصان ورتبت قصتها على جبينها بشكل مايل .. كحلت عيونها .. ولونت شفاتها الوردية بـ قلوس زهرري لامع .. نهااري ..
حطت النظارة الشمسية على جبينها .. وطلعت وهي تسأل نفسها مين هالضيوف اللي شكلهم .. من كلام مشاعل.. مهمّيـن !!
وصلت للبساط وهي تتخيل فـ راسها ..إنها بتلقى عدد كبير من الضيوف .. ما يقلوون عن خمسة .. لكن اللي صادفها .. حرمة وحدة .. جالسه مع أمها ، ومرة عمها ، وأم محسن "أم أروى" اللي شكلها توها جايه ..
ليه تخيلت ان الضيوف نوون كثااار ؟؟.. ههههههههههههههه.. مشيعل كالعادة وأسلوبها اللي يلف راس الواااحد !
تقدمت بهدوء ..وقدمها توطي عالبساط .. ماشية ناحية "الحرمة" .. اللي شكلها أكبر من أمها.. بمنتصف الأربعينات .. لا .. بآخر الاربعينات .. مو نحيفة ، .. بس ماهي سمينة .. يعني مكتنزه !!
هاديـة الملامح .. بس صوتها واضح .. وواااثق..
وصلت وهي تاخذ هالانطباع الأولي عن هالمرأة .. وقالت بصوتها الناعم : السلام عليكم.. يا خالة
ارتفع عينها لـ سحر.. وابتسمت ترد التحية .. صافحتها وسلمت عليها وخذت أحوالها ..
قالت أم خالد بابتسامة : وهذي عاد .. سحر بنت أبو خالد..
أم راهي وهي تقيّمها : ما شاء الله تبارك الله .. هذي بنـت الشريك .. الله يحفظها .. مبين عليها كبر بنتي .. كم عمرها ؟
أم خالد : 20 سنة
أم راهي : ايييه ما شاء الله .. أبد حوول بنتي تقريبا ..
تلفتت سحر يمين ويسار ما شافت أحد ..
قالت أم خالد : البنات توهم قايمين من عندنا .. مدري وين راحوا
سحر بهدووء : بروح أدورهم ..
تجاااوزت المخيم للخلااا المفتووح .. ما لهم حس .. راحت عند الشجرة .. ما لقتهم ..
فـ دقت على جوال شادن : شدون !
ردت شادن بصوت مرررح : هههههههههههه هلا سحر.. ما شاء الله صحيتي
سحر وهي تحك راسها تبي تصحصح من النوم اللي مثقل جفونها : اييييه وينكم لفيت المخيم ما لقيت أحد ..
شادن : ههههههههههه يا عوومري رحنا عنك .. وينك انتي ؟؟
سحر : انا عند الشجرة ! ، انتوا وين؟
شادن : اتركي الشجرة وتعااالي سيدا ..
سحر وهي تتلفت بحيرة .. وماسكه الجوال : وين سيدا فيه .. ما اشووفكم..
شادن : احنا تركنا المخيم ورااانا .. رحنا بجولة استكشافية صغيرة..
سحر تنشطت : مااالكووم دااااااااااااااااااااااااااااعي.. مصآآخة
شادن : بتجين والا طسسي
سحر : هين شدين اوريكم .. أهم شي وقفوووا .. انتوا النقط الصغيرة اللي هناك < لمحتهم صغاااار مرة من بعيد
شادن : ههههههههههههههههههههههههههههه ايه احنا النووقط الصغيرة .. يلله اركضي.. لك دقيقتين فقط لا غيييير ، بسرعة عشان نعرفك عالـ بنوووتة الجديدة
سحر باستغراب : بنوووتة مييين بعد..لا تقولين لقيتوها بالصحرا مثل الخبلتين اروى ورهف ؟!!
شادن : هههههه بنوتة الضيوف .. بتجين ولا شلووون؟؟
:
/
لبست الكاب والنظارة الشمسية.. وطااارت تركض ناحيتهم .. ناحية النُقط الصغيرة البعيدة ..
