مذكرات القدر

البارت السادس

انهزمت منا ردت اطلع اجا جرني من شعري ويرج بيه
قدر: ااااااخ حمززززه الله يخليييك هدددنييي
حمزه: اهدج مووو
قدر: تره مسووويت شي غلللط اااااخ اختي تمرضت ووديتها للمستشفى
حمزه: لاااا ابد مو غلط
هم ردت اشرد بس هلمره لزمني من راسي وركعه بالكنتور يمكن خلايه مخي كلها اطشرت...
اباوع افترت بيه الدنيا
رجعت بالزاويه حاصرني ويضرب بيه من كل كلبه واني اشطت من الضربه اخر شي تعب وكع بالكاع من التعب
اني احس جسمي تبنج
وراسي يفر
اريد اتعدل بالكعده جسمي يون عليه
خنزر بوجهي وطلع
ااااخ يايمه هاي اخرت الي مالها لا اخ ولا اب ولا ام

طبت عليه عمتي وعمه طيبه
حنان: يمممه شجااااج اذاج سوالج شي
طيبه: باعي جسمها متزورك ودكليلها سوالج شي
حنان: سووده عليه يبعد عمتج سووووده عليه
سحبتني لحضنها طخت ايدها جسمي اذتني
قدر: ااااااخ
حنان: صخاااام هاي شنوو جسمج وارم
طيبه: والقران هذا متوحش مو بني ادم
حنان: دسكتي لايروح يسمعج ابويه
طيبه: حنان بشرفج لشوكت نبقى كلنا خايفين من حمزه افندي
حنان: شنو متعرفين ابويه شون عنده حمزه بالدنيا كلها كلنا نموت ولا حمزه يكول اخ من كل عقلج اذا حجيناله السالفه اكيد حيحط اللوم بقدر ويكبر راسه بالازيد حمزه
طيبه: لعد هيج هاي اليتيمه بيده صارت مكفخه

اني بحضن عمتي وابجي وانوح من صدك حسيت انو معندي سند....
حبقى طول عمري هيج بلا سند....
بلا احد يدافع عند....

قدر: الله يخليكم لاتبطلوني من المدرسه والله باقيلي بس اخر امتحانين
حنان: والله يا امي مادري حمزه هسه متعصب احجيلج وياه
طيبه: لتخافين اني اخلي عمج احمد يحجي وياه شنو هااي تره اني من عندي انزعجت دخلي يمد ايده على هند او واحد من جهالي والله العظيم اكلب الدنيا كلها

حجيها هذا جان ناقصني...
ناقص انو يزيدني وجع..
لو جان عندي ام او اب جان حيكدر يسوي بيه هيج؟
جان حيكدر يلعب بيه طوبه هيج؟
بعد شحتشوفيني يادنيا بعدني ببداية عمري وهيج اني لعد من اكبر بعد شراح اشوف

بالف يالله كوموني ومددوني عالجربايه وغطوني ونمت
الدنيا كبها داتفتر بيه
بس خليت راسي راسا نمت....
فزيت على صوت رغدا جايه تبدل تروح للامتحان جان اخر امتحان الها واني بعدلي امتحانين
مدري شون اجتني القوه واني هم كلت اروح للامتحان باقيلي بس ثنين واخلص ليش يروح كل التعب بسبب حمزه افندي
كمت تعدلت جسمي يون عليه من الوجع
رغدا: هاي وين دكومين
قدر: جايه للدوام
رغدا: وج حمزه والله يموتج
قدر: دخلي ينجب

كمت طبيت للحمام غسلت اباوع على نفسي
الشعر منتف....
ايديه متزوركين ....
راسي من صفحه احسه وارم من الضربه
بس همزين وجهي مو متأذي لان جنت مخليه ايديه عليه

طلعت بدلت بالف يالله ورغدا ساعدتني الصدريه ماكدر اضبها حيل جسمي يوجعني
شلت كتبي وغراضي وطلعنا
جان الكل نايم طبيت للمطبخ شفت علي كاعد يشرب جاي
علي: خررررب جفلتيني
قدر: وينه حمزه
علي: نايم
قدر: نامت عليه حيطه
علي: هاي شنو شمسويلج البارحه مجنت بالبيت
قدر: نكسرت ايده أن شاء الله
علي: والله لو جنت موجود مجان خليته يمد ايده عليج
قدر: تنهدت وكتله... هو اني صرت مكفخه اله شون حتكدر تحميني منا
علي: تخسه يولي لدكولين هيج لعد اني شنو
قدر: يمعوود يلا اني اروح
علي: اوكفي تره كال حيبطلج
قدر: دخلي ينجب احسن معليه بي
علي: كفووو منج انتي الوحيده الي شكلج حتكدرين عليه بس تكبرين
قدر: اكوول مع السلامه
علي: الله وياج