حبيبتي المسترجلة

part 19

علي. رحت جبت العرايس واجيت بدت حفلة الحنة طبعا المفروض حنة البنات وحد وببيتهم وحنة الشباب وحد بس احنة خبطنة كلشي الشباب يمي والبنات ببيت اهل نازلي من يكملون ركص اخذ الشباب ونروح عالبيت يحنون نسوانهم دك وركص واجواء حلوة شلعت كلب احمد شلع
علي. احمد كافي تحجي بالفون انطينيا هسة نروح للبيت تحنيهة وتشوفهة متشبع انتة
احمد. لك انت شكد خبيث شعليك
علي. كما تدين تدان بخطوبتنة اني ونازلي شلعت كلبي تتذكر لو نسيت
احمد. لك يامطي انتو جنتو بعدكم ممخطوبين رسمي بس حجي اني هاي حنتي يا ابن الناس وباجر عرسي
علي. معلية ملحكت انتقم بالخطوبة انتقم هسة جيبة يلا
احمد. الله لا ينطيك ع هاي الدكة 🙄😂😂
علي. يلا بلا حجي زايد حضرو نفسكم دنروح للبيت
..........
نازلي. يلا كايز حضرو نفسكم خابرني علي جايين بالطريق
اكلج يمة وين كيك الحفلة اني كلشي ما اكلت
وجدان. صخام ولج اكلتي الكيك كلة وبعدج جوعانة
نازلي. يمة غير حامل وب تؤام هاي مو اني اكل الاكل همة يبوكو من بطني وياكلو واني تبقة بطني فارغة ☹️
وجدان. 😂😂😂 لج شنو هالحجة حتة الطفل ميصدكهة روحي ام كرش روحي اكو بالثلاجة قطع اخذيلج قطعة واكليهة
نازلي. لا وين تكفي قطعة اخذ ٣ وحدة ووحدة ال جان ووحدة ال باريش
وجدان. جان منو وباريش منو
نازلي. هاي شبيج يمة غير جهالي
وجدان. وانتي شمدريج ولد بعدج بشهر الاول حتة بالسونار ميبينون
نازلي. اي يمة ادري بس هاي اذا طلعو ولد هيج اسمائهم واذا بنات علي يسميهم هسة عوفينة من هالسالفة رايحة اكل لتحنون البنات واني ماكو
وجدان. 😂 روحي روحي
........
نازلي. اخذت كيك من الثلاجة وكعدت جوة الدرج مال بيتنة ماكو هوسة حطيت الببسي وحطيت الكيك بحضني وكعدت اكل نوب الكيك بالككاو لا يقاوم امممم يخبل
علي. وصلنة للبيت حتة يحنون نازلي ماكو
عمةةة نازلي وين
وجدان. راحت تعلف طب شوفهة بالمطبخ
علي. رحت دورت بالمطبخ ماكو بغرفتهة ماكو دا ارجع اسئل عمتي وجان المحهة جوة الدرج حاطة كومة كيك بحضنهة وتاكل وحلكهة كلة ككاو واصل الخشمهة
علي. هسة عايفة العرس والعالم وتاكلين كيك نكول ميخالف جوعانة حاطتلج اربع كيكات بحضنج نكول مفجوعة وحامل حلكج وخشمج كلة ككاو نكول طفلة بس مال كاعدة جوة الدرج هاي واكفة شتسوين هنا ولج
نازلي. هاي شبيك حبيبي غير دا اكل وحتة اشرد من الهوسة ومحد يجي يكلي انطيني اكلهم وحدي
علي. 😂😂😂 كومي كومي ديحنون وانتي حايرة بالاكل
نازلي. طفرت شنووو اني مو كتلكم لتبدون خل اكمل اكل
علي. ولج امشي لا ابتلي بيج مو انتي الوزيرة حتة ينتضروج امشي
نازلي. هاي شبيك مشي بس اوكف تعال شيل الكيكات وياية اكملهن برا
علي. تمام مسحي حلكج صاير خريطة
.........
طلعنة للحفلة حنو العرسان وركصو وغنو واكلو وخلصت الحفلة واخيرااا بعد بس باجر ونخلص من التعب لازم باجر يكعدون من الصبح علمود يلحكون
نمنة كلنة من التعب البيت مليان هوسة حلوة هيج لمة بلا قيود نايمين واحد فوك اللاخ صايرة ملحمة 😂
كعدت الصبح رحت للمطبخ صباح الخير
وجدان. صباح النور حبيبي دا اسوي ريوك روح غسل ورح انطيك مهمة تكعد كل اللي بالبيت تمام
علي. مو تدللين احلا فقرة من تكعد واحد نايم تعذبة وميكدر يحجي شي 😂😂😂 يلا رايح
طبيت للصالة كلهة فاتحة حلكهة وتشوخر عبالك ميتين من ردح البارحة طبعا يتعبون جبت بطل وضليت امشي بيناتهم وارش واصيح يلا يانايمين اصحو يلا يا عرسان يمعودين كعدتهم كلهم شبعت مسبة عالطريقة الحلوة اللطيفة اللي كعدتهم بيهة 😂
علي. بعد منو ها نازلي نايمة هي وسمر فوك بغرفتهة
ماكدر اصعد اكعدهة سمر نايمة يمهة عيب راحت عمتي كعدتهم الكل اجتمع اريكنة وكملنة كالعادة سواق العائلة اني اخذت نازلي وسمر رحنة ع مريم ونوب ع باري وديتهم للصالون ورجعت ونوب اخذت الشباب للحمام هم رجعنة بسرعة نحضر وي الاهل اكل ع ترتيب ديكو ومن هالسوالف خابرت نازلي وكالت كملنة اخذنة السيارت ورحنة الهم للصالون حتة نزفهم علي ومريم بسيارة واحمد وباري بسيارة واني ونازلي وسمر ونور بسيارة وام نازلي وابو نازلي وكرار ويوسف وام سمر بسيارة واهل باري بسيارة والمعازيم كيات ثنين رحنة عليهم اخذناهم من الصالون افترينا بغداد كلهة وكل شوية واكفين ونازلين بالشارع يركصون نازلي كامت تبجي وتكمز تريد تركص وما اخليهة 😂😂 اخاف ع جهالي عيني 😜 شبعو فرران اخذناهم عالفندق وصلنة العرسان وكلمن راح البيتة خلص العرس واخيرا
........
علي ومريم
علي. هلا هلا واخيرا صرتي الي لج رح انجلط من الفرحة ممصدك
مريم. ههههه لا صدك صرنة البعض
علي. احبج
مريم. حبيبي واني اموت عليك وجوعانة
علي. 😂😂 افه عليج تجوعين واني موجود رايح اجيب الاكل واجي بدلي
مريم. تمام
..........
احمد وباري
باري. هفففف لك احمد تعال فك التسريحة شثكلهة هسة شكو بالعرس نسوي تسريحة نضفر شعرنة او نعوفة مفتوح ونطلع كبل
احمد. ولج غير عروس شلون نتسوين تسريحة
باري. زين اكلك ليش العروس لازم تلبس بدلة ونوب كوة امشي واسحول بيهة اني روحي ملازمتهة نوب الزم البدلة
احمد. اي لعد شتريدين نزفج بجينز تيشيرت وحذاء رياضي
باري. الله والله احلا ستايل
احمد. جنج حتشيبيني اني جوعان تعاي افكلج التسريحة واروح اجيب اكل عود بدلي ع ما اجي
باري. اي عفية والله اني هم جوعانة
..........
ثاني يوم رجعو العرسان عالبيت واجو اهل باري ومريم جابو الريوك وتباركولهم وراحو
نازلي. الو
مريم. ها حب
نازلي. سوي المكالمة جماعية وي سمر
مريم. تمام
سمر. وهاي الرادهة وهاي التمناهة بت الشيخ لابن الشيخ جبناهة كللللوش
مريم. حلوة تسجيل الدخول هذا
نازلي. اي والله 😂
سمر. اي عمي كلجن تزوجتن وعفتني واني بقيت حعنس
نازلي. اكلج ليش متنجبين تعنسين شنو كلج عمرج ١٧ سنة 😂😂 وثانيا حارس الاحلام اقصد فارس الاحلام عبدالله وين
سمر. ولج موجود موجود بس انتو يومية معرسة وحدة المفروض اني اتزوج قبل مريم وباري
مريم. شبيج مستعجلة تلحكين صبري 😂😂
سمر. اكلكم بنات نازلي الافندية انتي حامل ومتداومين هالسنة وانتي مريم متزوجة ومتداومين اني شعندي مداومة وحدي وهم رح اتزوج بس يعبر ع زواجكم فد شهر
مريم. اي صدك خلي ثلاثتنة نترك هالسنةة ونكمل السنة الجاية سوا
نازلي. اي والله احسن
سمر. عبدالله ديتصل حروح اني بايي
مريم. الله وياج واني هم حروح انزل اشوف شكو ماكو
نازلي. واني هم اروح اكل
مريم. انتي همج ع بطنج روحي روحي
نازلي. لج صاير عندي كروش صغير لاحضتة البارحة 😂😂
مريم. اي بعد وبعد رح توصل بطنج الخشمج يلا حروح
نازلي. تمام باي 😂
............
علي. نازلي اني حطلع
نازلي. وين الله وياك
علي. الجماعتي صارلي كومة مشايفهم
نازلي. ماكو طلعة امشي اخذني طلعني الية اني مرتك احسن من جماعتك
علي. لج حبيبي متفق وياهم ومعزومين
نازلي. مااااا تاخذني تطلعني يعني تطلعني
علي. باجر اطلعج والله وعد
نازلي. ماااااا
علي. هاي شلون ورطة زين عندي فكرة
نازلي. شنية اخذج هسة البيت اهلج وبالطريق اخذلج بيتزا وببسي تاكليهم هناك وتونسي شوية وي مريم وباري وتجيكم سمر ومن ارجع اخذج للبيت هاا
نازلي. اي خوش فكرة بس تعال اخذني بالليل خل اتونس وياهم شوية
علي. تمام يلا روحي بدلي عالسريع كروشك كبران ياحلو 🤤😍
نازلي. هههه اي اني هم لاحضتة البارحة
يلا حروح ابدل مو تشرد
علي. لا شنو اشرد منتضرج
.............. يتبع
لاتنسون التصويت والمتابعة وتعليق يحفزني اكمل ❤ طبعا ارجع واكول اعذروني ع اخطائي بالاعراس لان شكد ما اخذ معلومات عنهن واكتب مو كافية الاعراس بيهة اختلافات هواي بين ناس وناس واني ماعندي معلومات كافية عن الاعراس دا احجي اللي اشوفة وشيكرا 😁❤