حبيبتي المسترجلة

part 18

تسريع احداث .....
وافقو الاهل وخطبو علي واحمد بنفس الوقت الايام هادئة وحلوة بقت بس سمر اجلت خطوبتهة هم تتعرف ع عبدالله اكثر وهم يكمل عرس احمد وعلي ونوب هي وراهم ماشاء الله ع حضنة اربع اعراس بسنة وحدة 😂😂
مبقة شي عالدوام دنجهز حتة نداوم كلنة علي مرحلة اخيرة واحمد مرحلة ثالثة وباري مرحلة ثانية وعلي اخوية مرحلة اولى اني وسمر ومريم خامس   بعد ١٠ ايام نداوم كلش متونسة ومرتاحة وي علي مدللني دلال عبالك طفلتة ويومية نجتمع شلة كاملة مرة ببيت اهلي ومرة يمي اهلي واهل مريم وام سمر واحنة للصبح سوالف ولعب قررو خطوبة احمد شهر الجاي وعلي ويا نفس يوم الخطوبة ونفس يوم العرس
مرت الايام بسرعة حلوة وهادئة ومليانة حب ولعب اجة اليوم الموعود اجا الدوام 😂😂
نازلي. بنات باجر دوام
سمر. اي اجة طياح الحظ
مريم. والله اني مليت من الروتين القاتل اشتاقيت للدوام
ناز/سمر. 😒😒
علي. ناااااز
نازلي. يلا بنات رايحة اني بعدين اخابركم خل اشوف الوحش شيريد
.....
هااااااا شكو تصيح
علي. لج هاي شنو مو قبل ساعة اجيت وكتلج صبيلي اكل ميت جوع
نازلي. نسيت يعني شلون
علي. لج شبيج شو تصرفاتج غريبة صارلج يومين ومطنشتني وبس نايمة وفوك ما انتي مفجوعة عالاكل زادت الفجعة مالتج
نازلي والتفاح مالي حلكهة. شبيك حبيبي غير جوعانة هسة تحاسبني عالاكل
علي. ما احاسبج حبيبي ما احاسبج بس كومي صبيلي مو حبيبج ميت جوع متنقهرين علية
نازلي. اوووي انقهرت يلا كايمة رح اصب اني وياك
علي. ليش ليهسة ممتغدية انتي
نازلي. لا تغديت 😐
علي. الله واكبر لا انتي مو معقولة روحي صبي روحي
نازلي. 😒😒 ماملة من جدرك اني
علي. لعد من جدر امي روحي ولج مو رح اتخربط 😂😂
نازلي. رايحة رايحة ....
نزلت كوة امشي عزا هاي شبية صدك مدري شبية ٢٤ ساعة اكل وبعدني جوعانة وبس اريد انام نحلانة شني هاي
علي. راحت تجيب الاكل لا ساعة ولا ثنين وين صارت وليمة هي ولج نازليييي
نازلييييي !!! يااا متجاوب وين اختفت نزلت دا اشوفهة شبيهة اكيد حطت راسهة بالثلاجة وكعدت تاكل ونستني نزلت للمطبخ هدوووء اباوع نازلي ممددة بالكاع جنهة متخربطة صخام الصخمك علي ولج ناازلي نازلي جبت مي ذبيتة ع وجههة وضليت اضرب بيهة راجديات يمعودة يا ام الغيرة بطلت ماريد اكل كعدي شبيج
نازلي. ااااخ
علي. كومي حبيبي كومي شبيج متكليلي
نازلي. ماعرف علي عفية نعسانة وجسمي مكسر دا اصبلك الاكل والمطبخ كام يركص ودخت ووكعت
علي. 😂😂 هسة احنة بوضع تحشيش امشي خل اخذج للمستشفى المطبخ يركص 😂😂
نازلي. ماروح مستشفى ماا ذولة الدكاترة يمضرطون حتة لو الواحد كلشي مابي يعلكولة مغذي ويزرفون ايدة بالتحاليل واني علاقتي مو زينة وي الابرة تعرف كلش زين
علي. اي اعرف اتذكر من رحنة نحلل اني وياج قبل لنتزوج شهرتينة بعياطج علمود الابرة هاي رجولتج كلهة وتخافين من الابرة امشي امشي
نازلي. امشي 😒
رحنة للمستشفى سجلنة وكعدنة طلبو تحاليل شرح يقنع نازلي عالتحاليل 😂😂
اجتني فكرة تعاي ناز نريد نقيس ضغطج
طبينة الدكتورة دتحظر بالابرة 😂
نازلي. علي هاي شنو بيدهة ابرة مو ع اساس تقيس ضغطي
علي. اي ولج تقيس ضغطج تعاي دكتورة مو تقيسين ضغطهة وغمزت للدكتورة جنهة الدكتورة غبية بس لا تفضحنة
الدكتورة. تحليل دم
علي. لااا دكتورة يا تحليل دم قياس ضغط قياس ضغط واغمز للدكتورة وميفيد جبت نازلي كعدتهة عالكرسي كتلهة ناز طلعي ايدج دتقيس ضغطج
نازلي. اي
علي. تعاي اشاورج درت وجههة علية وضليت احجي خرط مادري منين والدكتورة اخذت راحتهة اول مغرزت الابرة عاطت نازلي 😂😂
علي. كمشت وجههة لتخافين حبيبي هي عالسريع هاااا اها كملت
نازلي. ولي بعد نا احجي وياك قشمرتني اخخ يمة ايدي انشلت اخخ بعد بيمن اضرب بوكس وبيمن اكل اخخ يمة
علي. 😂😂 هو هذا الهامج دتعاي خل نطلع اوكلج ع ما يطلع التحليل
نازلي. اييي اكل يلا امشي
علي. ها مو هسة جنتي مشلولة سمعتي بالاكل صارت معجزة وصحيتي 😂😂
نازلي. امشي ولتقلد بما انو احنة طالعين صارلي هواي مماكلة ببتزا امشي ناكل
علي. والله عفنتي بطني معدتج متمل من البيتزا اول البارحة اكلتي وتكولين صارلي هواي لو تحبيني بكد ما تحبين البيتزا جان هسة اني ملك زماني
نازلي. امشي عاااد ذكرت اسمهة هواي وزيدت شوقي الهة
....
رحنة اكلنة ورجعنة اخذنة التحليل حتةةنطب للدكتورة تشوفة
الدكتورة. انتة زوجهة
علي. دكتورة انتو استفساراتكم تموت الوتحد من الرعبة رح تموت جطيهة وكولي رح تموت ليش هالترقب اللي يموت عالبطيئ اي اني زوجهة
الدكتورة. ولك انطيني مجال احجي كلشي مابيهة اصلا الخبر حلو
نازلي. انت بس تريدني اموت
علي. لا حبيبي اسم الله عليج يصيبني ولا يصيبج
الدكتورة. خلصتو رومانسيات كملوهة بالبيت وراكم خبر حلو الف مبروك مدامتك حامل والخبر الاحلا توأم
علي. هاااااا 😮😮😮😮
لج نازلي حاملللل وفوماهة تومم يمة تعاي سمعي يمة حصير اب والتوم
نازلي. عااااا اني هم رح اصير ام وهلا هلا كمت اكمز
علي. ولج لتكمزين مو زين ع زعاطيطي تعاي تعاي حبيبي حضنتهة وشلتهة من الفرحة توأم يارب توأم 😍😍
علي. نازلي كرصيني خاف دا احلم
نازلي. لا مدتحلم شوف ...
علي. اخخخخ علكيفج
نازلي. انت كلت كرصيني
امشي خلي نكول للاهل
علي. اي يلا امشي
........
بالسيارة
علي. يلا مو جنتي مرايدة تداومين هاي اجتج من الله ماكو دوام هالسنة
نازلي. لا والله خاف ماعندك اني صح ما احب الدوام بس بنفس الوقت ما احب اتركة
علي. حجي يفيدج هذا اخاف ع جهالي نوب توأم شبية مخبل اخليج تداومين وتضيعيهم مني
نازلي. ماااا شنو اريد اداوم ☹️
علي. ماكو حبيبي عالسنة الجاية اهتمي بية وبجهالنةة الحلوين 😍😍❤
نازلي. اممم ماشي ☹️
علي. لا كلشي ولا يزعل الحلو والله هسة اوديج للبيت وارجع اجيبلج بيتزا للعشا
نازلي. ايييي والله مشتهيتهة صارلي هواي مماكلة
علي. 😮😮 مصارلج ساعتين من اكلتي وحدة كاملة وحدج يمة بس لا تصيرين برميل ع هاي الحالة اموتج غير
نازلي. لتخاف لو اكل براميل مال اكل ما اسمن هاي طبيعة جسمي وبعدين لتنسة اكو زعاطيط ببطني من اكل يبوكون الاكل وياكلو واكول اني ليش ٢٤ ساعة جوعانة
علي. لا انتي مفجوعة ولكيتيلج خوش حجة 😂😂
نازلي. 😂😂
علي. رجعمة للبيت ومخلينة واحد مكلنالة الفرحة مو سايعتنة ندك ونركص من اول مرجعنة اجوي الاهل باركولنة وضلينة نسولف ونحشش ونركص وناكل كلش حلوة اللمة
مرت الايام بدو يجهزون كطعو مهر وكملو النيشان  علي واحمد ومبقة شي للحنة ٤ ايام نازلي يم اهلهة واني سكنت بيت اهلهة بسببهة باقي يمهة واخاف عليهة من الهوا بس اشوفهة تشيل صينية مال اكل اكلب الدنيا عليهة كملو تجهيز واجا يوم حنة الشباب البنات من الصبح راحن للصالون ناز وسمر ومريم وباري واني اخذت الشباب ورحنة للحلاق ورحنة للحمام جلفتهم جلف الله وكيلكم 🤷‍♀️😂😂 رجعنة بسرعة للبيت بس العرايس بعدهن طبعا اذا هنة وحدتهن اربع ساعات تلبخ شدعوة 😂 خابرت نازلي وكالت تعال اخذنة
علي. هو قابل اني العريس غير يجي العريس ياخذ عروستة
ناز. لتنسة عدنة عريسين ومنكدر نختار واحد تصير حزازيات والثانية تزعل تعال انتة احسن حل وسط يلا عالسريع ترا بطني كامت توجعني من الوكفة
علي. اشتعلت عشيرتك علي ولج ليش واكفة اجيت اجيت اكعدي
نازلي. تمام يلا
سديتة منة وضليت اضحك خوفة مو طبيعي 😂😂 ..........
يتبع لاتنسون التصويت والمتابعة وتعليق يحفزني 🖤
والله حاولت هواي اختم عالسريع واسرع بالاحداث بس ماكدر جمال القصة يضيع ف رح اكملهة ع كيفي تحملوني بطيئة 😂 هو مابقة شي ان شاء الله كم بارت بعد واختمهة