حبيبتي المسترجلة

part 2

محمد. طبيت للبيت صحت وجدان حبيبتي جودي وينج حبيبي طبيت جنت اسمع صوت بجي بالمطبخ طبيت وياريتني ماطبيت لكيت وجدان مددة بالمطبخ وغركانة بدمهة وعلي وسامر كاعدين يمهة يحاولون يكعدون بيهة بكل براءة ويبجون شمرت الغراض اللي بايدي وصرخت وجدااان شلتهة واني اركض صعدتهة بالسيارة وطلعت تلفوني خابرت يوسف الحك جيب نور للبيت يم جهالي فدوة وحدهم فرفحو من البجي ع امهم وجدان انتحرت ماخذهة للمستشفى اني كال اي ماشي هو بيتهم كلش قريب ع بيتي ف مطمئن من ناحية الجهال طرت بيهة للمستشفى واني ميت خوف جانت جثة نايمة لاتحرك ايد ولا رجل رحت رأسا ودوهة للطوارئ احتاجت دم عبولهة بطلين لان خسرت هواي دم كعدت ع كرسي برة الطوارئ وايدي ع راسي هاي انتي العاقلة الفاهمة والواعية تلجأين للانتحار شجاج خفت عليهة وع الطفل كلش طلعت الدكتورة ورة شوي رحت اركض ها دكتورة
الدكتورة. خيطنة جرحهة جان مو كلش عميق بس من ناحية الشريان شاكة ايدهة ديربالك عليهة وهي حامل همزين ما صار شي بالطفل وصحتة تمام الله يحبكم تشكرت منهة ودخلت شفت وجدان جانت نايمة بكل براءة وجوة عيونهة اسود من التعب والدم الخسرتة بدت تفتح عيونهة ولزمت راسهة
وجدان. اخخخخ اني وين فتحت لكيت محمد كاعد كبالي ومقهور مني تذكرت اللي صار بعد ماطلع محمد رحت للمطبخ دا اريد اسوي غدة الجهال يلعبون بالصالة دا اثرب البصل وتذكرت الراجدي والحمل انقهرت بالزايد وبطريقة هستيرية اني ماريد هالولد خليت السجينة ع ايدي وضربتهة بعد محسيت بشي الا اني بالمستشفى ومحمد يمي
محمد. ليش هيج سويتي بنفسج ليش مكلتي هذا اللي ببطني شنو ذنبة ينقتل وهو بعدة مجاي للدنية تقتلين روح قبل لتنولد وتقتلين نفسج وين تروحين من الله زين مفكرتي باطفالج عندج اربعة بركبتج وبعدهم صغار مفكرتي بية ليش هيج ليش انتي اللي اعرفج واعية ومثقفة شنو اللي تغير اربع اولاد ولدتي ع امل البنية وكلشي مابيج ولدتيهم بكل حب وربيتيهم شمعنة هذا المسكين عذبتي وبعدة مجاي للدنية
وجدان. دنكت وبجيت متندمة كلامة صحيح وين جان عقلي ضليت ابجي واردد اني اسفة سامحني مجنت بوعيي حالة نفسية وهستيريا شوي بعد ما اسويهة اني اسفة اني اسفة وضليت ابجي اجة حظني وراضاني وكال خسرتي هواي دم لازم نعوضة رايح اجيبلج معلاك
محمد. ضلت تبجي وتردد اني اسفة نقهرت عليهة وحضنتهة وبست راسهة وكتلهة اجيبلج معلاك خسرتي هواي دم لازم نعوضة رحت جبت نفرين معلاك وخليتة يكثر كرفس وصمون حار وطماطا شوي وجبتلهة عصير برتقال طبيعي ومي ورجعت وكلتهة غصب مقبلت تاكل نص بالصمون وبعد مانترست بطنهة وكلتهة الباقي بلا صمون وشربتهة العصير ورة كم ساعة طلعنة من المستشفى رجعنة للبيت لكيت يوسف ومرتة كاعدين ولامين جهالي وجهالهم وديلعبون وياهم اجينة اجت نور سندت وجدان وخليناهة تنتجي عالتخم راحت للمطبخ جابت مي واجت وترخصو توسلت بيهم يبقون مقبلو كالو غير مرة تشكرت منهم وكتلهم تعبتكم
نورة. تعبكم راحة شعدنة غير وجدان احنة نحبل نجيب ضحكت وبستهة من خدودهة احبهة اعز صديقة عندي وترخصنة وطلعنة
محمد. رحت للمطبخ اغسل لكيت نور خطية منضفة المطبخ وطابخة غدة فتحت الجدورة لكيت مركة بامية ولحم وتمن جايين كرار واحمد ومغديتهم ونايمين اني هم تعبان وعلي وسامر من اللعب وي جهال يوسف هم تعبو ونامو شلت وجدات تتكسر عالتخم اخذتهة فوك الغرفتنة وشلت الجهال الغرفتهم ونيمتهم ونيمت وجدان عالجرباية اني هم تعبان لفيت راسي ونمت
وجدان. كعدت العصر فتحت فوني باوعت الساعة ب  ٧ المغرب حييل اني شكد نمت نزلت لكيت محمد ديدرس ب كرار واحمد وعلي وسامر ديلعبون بالعابهم اول مشافني اجاني
محمد. ها جودة خوما بيج شي متأذية
وجدان. لاحبيبي كلشي مابية بس ليش خليتني نايمة هلكد ماكعدتني خلي اسويلكم عشة داروح للمطبخ
محمد. تعاي تعاي لتسوين كلشي ارتاحي انتي طلبت دلفري هسة يوصل وبعدين انتي مريضة شفتج نايمة بعمق وتعبانة محبيت ازعجج تدرين جايبلج هدية وخربتي الاول والتالي انتي بانتحارج حتة الهدية مادري بيهة وين 😂😂
نور. الهدية بالمطبخ فوك الكاونتر 😎
محمد/وجدان. هاي انتو من شوكت هنا 🤣
يوسف. هستونة اجينة وانتو حايرين تتناقشون بالهدية يلا لك جبت طاولي تعال مشتاق اسحلك
نور. تعاي جودة خلي نحضر الاكل بالمطبخ
وجدان. حضرنة الاكل جانو يوسف ونور جايبين وياهم بيتزا ووصل الدلفري مالتنة كرسبي وصاج ومقبلات حضرنا وحضرنة فواكه وحبشكلات واجينة كعدنة جانو يوسف ومحمد مندمجين بالطاولي محمد كالعادة الا شوية يبجي لان يوسف فاز علية بالطاولي واني ونور كاعدين عالتخم ناكل ونضحك عليهم الجهال كلهم كاعدين مسوين دائرة وديبنون بيوت بالمكعبات واني ونور كضيناهة سوالف وضحك شكد احب هاي اللمة ولا كانو اصدقاء عبالك عائلة لل ١١ بالليل يالة خليناهم يروحون بالدفرات شردو لان مجلبين بيهم
محمد. معلية ماكو طلعة تباتون هنا اليوم الا افوز عليك 😤
يوسف. عمي ع هاي الخالة اني اعيش يمكم لان عمرك مراح تضوك طعم الفوز 😜
محمد ضرب يوسف دفرة خفيفة بالشقة وكلة
محمد. خاب دنجب نافخ ريشك علينة هي بالاخير تبقة لعبة بعدين يجي يوم وافوز عليك الا اسجلة بالتاريخ 😁😂😂 ........
مرت الايام والوضع عادي ايام متشابهة ومرت الشهور وطبيت بشهر التاسع وانتضر ولادتي حضرت ملابس للطفل وجرباية وكلشي وحتة اسم قررنة نسمي امير فد يوم نايمة بالليل بس مو ع بعضي من العصر بطني توجعني وتجيني اوجاع مرات قوية ومرات تهدأ كلت تقلصات كعدت من النوم عركانة وحالتي حالة ولزمت بطني من الوجع وعرفت دا اطلك خليت ايدي ع بطني وصرخت محمددددددددد
محمد. نايم وما احس الا صرخة زرفت اذني وكعتني من الجرباية رأسا كمت من الكاع شكو منو عصابة عوفو مرتي ولكم
وجدان. ولك ياعصابة محمدد دا اطلك رح اموت يمااااااا
محمد. عرفت دتطلك وكانما اول مرة وكلشي ماعرف ضليت امتمت هاا تطلكين وين نروح هسة شسوي كليلي ولج خلي اجيب الغراض رجعت لالا خلي اخذج لا لعد والغراض نجيب الطفل للبيت مصلخ
محمد. خرا بالغراض ولك خابر نورة انت مابيك فايدة عندك اربع جهال وماتعلمت اخخخخخخخ
محمد. من عاطت كمزت اي اي حخابرهة خابرتهم اجوي يركضون يوسف حضر السيارة ونورة راحت جابت الجنطة واني نزلتهة صعدتهة بالسيارة يوسف انزل انت روح يم الجهال هاي صالة ولادة ونحتاج نور انت منريدك
يوسف. مو ناطور مال خلفوكم اني 😑 بس يلا الخاطر جودة حروح بالتوفيق ترجعين بالسلامة جودة
رحنة للمستشفى ودخلت وجدان الصالة الولادة بعد تعب ساعة وطلوكة نور امير لحظة 🤤 امير منو تعالو تعالو خلي نشوف شنو صاير كاعد برة ومنتضر اجتني الممرضة سئلتهة كالت الف مبروك اجتكم بنوتة تخبل تشبهك
محمد. دقيقة دقيقة خلي استوعب يمعودة الله يخليج احنة اللي منتضري ولد مو بنية خاف غير مرتي هاي
الممرضة. ههههه نفس صدمة مرتك من عرفت بنية وخليناهة بحضنهة اضاهر اكو غلط بالسونار اللي جانت ماخذتة عادي تصير
محمد. بعدني مصدوم بنية ؟ اني اجتني بنية حتصيحلي بابا ورح ادللهة ياربي شكرا شكرا وسجدت بالكاع من الفرحة هسة استوعبت اللي صار بعدين تذكرت وجدان 🤤 وجدان يمعودة شنو حال مرتي هسة متحملت الصدمة وتخبلت بوياااي اريد مرتي لتودوهة المستشفى المجانين مرتي مابيهة شي بس شوية مصدومة بوياااي
الممرضة. استاذ مرتك مابيهة شي وذيج هي شوفهة حاطة الطفلة بحضنهة ومتقبل تنطيهة ال احد وفرحانهة بيهة توزع ابتسامات
محمد. توزع ابتسامات اي يعني تخبلت مرتي تخبلت خلي اروحلهة الحك عليهة جوديييي انني آتي
الممرضة تباوع وتضحك هاي شنو عائلة مجانين انت تحتاج مستشفى مو هي 😂😂 ........... يتبع