حبيبتي المسترجلة

part 8

نازلي. عصبني بس من ضربتة ارتاحيت ذبيت كل قهري بي رجعت للبيت ذبيت الطوبة بالزبالة وخابرت ابوية وسولفتلة اللي صار للعصر اجة ابوية جايب ويا طوبة وصاح ع احمد رزلة كدامي واجة احمد باسني واعتذر مني حسيت بالانتصار وعدة كلشي ع خير
علي. صار الليل حضرت الحديقة حبشكلات ونركيلة ووصيت دلفري عشا من برا لان ماعدنة احد يطبخ بس امي ومرة جبيرة متكدر وخابروني الولد جايين سوة ورحت جبتهم واجيت تسامرنة وسولفنة ومدري شنو راح حسين وخليت احمد يبقة يمي ولعبنة طوبة وبلي
كل شوي يريد يروح وما اخلي اريدة يبات يمي
احمد. يمعود باجر دوام وحتة ملابسي مجايبهة وياي
علي. البس مني ماكو اعذار
احمد. 😂😂 ولك دشوف جسمك باع ضخامتك وعضلاتك واني معصعص جني عصفور وين يصيرن علية
علي. لا عندي كل الاحجام والله يصيرن واذا متريد نكعد من الصبح سوة ابدل واتحضر ونروح سوة البيتكم تبدل انتة ونطلع للدوام سوة
اكلك احمد ليش متسجل وياية بالجم جسمك مرتب تتعب علية شهرين ٣ يصير يخبل
احمد. والله خوش فكرة
علي. ماشي لعد باجر ورة الدوام العصر اجي عليك واخذك نروح سوة وهسة يلا تعال خلي اسحلك شوي لعبنة فيفا بالبلي
احمد. طبعا تفوز لان باللعبة اني بالواقعي اقوة منك وافوز عليك
علي. تعال لعد جبت طوبة وخرت الكراسي والنركيلة من الحديقة ولعبنة هم فزتة ها ولك
احمد. انسحب انت اقوة بس مستحيييل تفوز ع نازلي
علي. ههههه وداعتك افوز ع اكبر واحد
احمد. لو تموووت لك عمرهة ٥ سنين تلعب طوبة بالشارع وغالبة زعاطيط المنطقة كلهة
علي. نتراهن
احمد. ماشي نتراهن بس شلون تلتقون وتلعبون
علي. عكب باجر تعال انت واهلك كلهم اعزمكم يمي ونلعب بالحديقة ونخلي اهلك وامي جمهور
احمد. ماشي اتفقنة نمنة وكعدنة الصبح بدل علي ورحنة البيتنة بدلت ولكيت نازلي هستوهة دتطلع
احمد. نازلي نازلي اوكفي جبتلج تحدي بشدة اريدج تفوزين وترفعين راسي
نازلي. شنوة
احمد. البارحة صديقي تحداني كتلة نازلي تخسرك كال مستحيل متكدر عزمنة ع باجر ببيتهم ورح يكون عدكم جمهور وتلعبون شنو رأيج
نازلي. بفرح طبعا افوز علية شحاسب نفسه هو حتة يفوز عليك الا اخذلك حقك
احمد. كفو منج يالذيبة والله طلعت تفيد لك اموري
نازلي. ها بدينة
احمد. لالا جا غير انتي خيتي ها صدك تعاي اعرفج علية هو بالباب
نازلي. طلعنة للباب وجان اشوف الغثيث كبالي ضليت ابلعم هذا شجابة هنا لا بس لا يفضحني عزااا بس اني شمسويتلة هو ضربتة كم مرة بوكس ع طابوكة ع رزالة قابل شمسويتلة شوي واجة تقرب ع احمد انصدمت هذولة يعرفون بعض يعني اصدقاء ياااا
احمد. لك علي هذا اموري اقصد نازلي اختي الا تسحلك باجر متأكد اني
علي. اهلا اموري اتحداج الا اني اسحلج واخليج تتخلين عن الطوبة ومتلعبيهة كل حياتج
نازلي. نسيت كل عرايكنة والتهيت بالتحدي حجيت لا عيني اتخلة عن الطوبة شنو هسة تشوف شلون اسحلك واخليك تبجي ورجولتك تضيع
علي. اخخخ لك هاي شنو اختك مو لسان كلاشنكوف قصفتني وطشرت جبهتي
احمد. ههههه لعد شعبالك يلا اموري روح ع صديقاتك رح تتأخرون عالمدرسة
علي. ا أ احمد ليش منوصلهم بطريقنة
نازلي. نطيت لاعيني الحمدلله متكرمنة عدنة رجلين نروح بيهن
علي. لك اموري نخاف ع رجليك لتتعب اليوم توصيلة علية صعدي خلي نروح نجيب صديقاتج
نازلي. حتة انتةةة لتصيحولي اموري انتة شعرفك بهالاسم
علي. مو هسة احمد صاحج بي صدك شنو قصة هالاسم
احمد. امشي ولكم تأخرنة بعدين اني اسولفلك
صعد احمد بالصدر يم علي واني كعدت ليورة رحنة ع مريم وسمر مصدومات شنو الموضوع بس ميكدرن يحجن الحد موصلنة وهنة لزمني دك اسئلة
نازلي. ولجن صبرن خلي اخذ نفس ارتاح
سمر. اي مو جنتي تركضين هاا لا طبعن تفرفحين وينكطع نفسج اذا حبيب الكلب ديوصلج للمدرسة
مريم. 😂😂
نازلي. انجبن كافي خل احجي
هو صارلة فترة يوكف يم فرعنة ومرتين شفتة وو........... سولفتلهن كلشي وهسة صار صديق احمد شلون ماعرف لا ونوب عازمنة ع بيتهم باجر ومتحديني العب طوبة ويا
سمر. الله شلون قصة حب كيوت نيالج عفية اريد احب شو بس اني بقيت حديقة
نازلي. اول شي انجبي وثاني شي هاي اني ومريم هم مثلج حدايق
نطت سمر ولج مريم مكبلة اخخخ عضيت شفتي نسيت مريم موصيتني
نازلي. شنوووو
مريم. تقصد انو اني هم رح اكبل وتبقة هي وحدهة حديقة
نازلي. معبرت علية بس الايام تثبت 😒
مريم كرصت سمر. انتي متعرفين تضمين سالفة شبيج جان فضحتيني اني هم مو عاجبني ابقة ضامة عليهة بس استحي لان هو اخوهة
سمر. والله انتي خجولة وجبانة اني منج اكلهة هي صديقتي
مريم. الله كريم احاول اكلهة بس مو هسة
نازلي. مو كافي تتهامسن 😒
الكل. اي اي يلا امشو نشتري جوعانين
خلص وقت الدوام وكلمن رجع ع بيتة مشافتة اليوم جانت بداخلهة مزيج بين الفرح والضوجة ساعة تكول ليش ما اجة وساعة تكول اي احسن ما اجة همزين خلصت منة رجعت وكالعادة فلشت البيت بالطوبة وصارت تتدرب اكثر الثاني يوم حتة تفوز علي راح علي واحمد وسجلو بالقاعة وكملو تمرين اول يوم رجعو مر اليوم عادي وخلص بملل وتشويق ال نازلي وعلي اجة ثاني يوم الكل كعد بنشاط راحو عالدوام هم مشافتة ما اجة كلش ضاجت حست انو تعودت علية خلص الدوام عادي بالطلعة من رجعت جانت مأيسة بانو تشوفة بس لا انصدمت ولكتة كبالهة
علي. خليت الفون ع اذاني وسويت نفسي اخابر بس اني اسمعهة الهة لك ها اموري اشتاقيتلك حب مو تنسة التحدي اليوم اسحلك حبيبي باي غمزلهة وضحك ورجع فونة بجيبة وراح
نازلي. اول مرة اضحك ع تصرف من تصرفاتة دائما جان ينفرزني بس هالمرة كلش ضحكني
سمر. لج باعي عزااا سوة نفسة يخابر ويسمعج بعدين هو شمعرفة بلقب اموري 😂
نازلي. دسكتي هذا احمد فضيحة يصيحلي اموري كدامة عوفينة منة هسة الخميس نعطل بعد ماشوفكم شهر كامل ☹
مريم. لا ليش خلي نتجمع كل يوم ببيت وحدة من عدنة حتة هم ندرس سوة وهم نتشاوف يومية
سمر. اي والله خوش فكرة
نازلي. اي هم صدك ماشي لعد بما انو مريم طرحت الغكرة اول يوم يمهة
مريم. اي اوك
نازلي. باعي لج اريد حبشكلات وببسي واكل واندومي وكلشي
مريم. يدلل اموري شعدنة غيرة
نازلي. انجبي يلا روحي البيتكم وصلنة
مريم. ههههه احبج
نازلي. واني هم احبج
سمر. واني هنا رجل كرسي محد معبرني
نازلي. صخام بوجهج ولج انتي مو وصلتي البيتكم شجابج ويانة
سمر. هااا 😨
مريم. هههههاي لج انتي مطفية عبرنة فرعكم امشي رجعي 😂
سمر. عزااااا خرا بيكم تلهون الواحد بالسوالف
الكل.😂😂😂
سمر. امشي وادردم عليهن سوالفهن تسطر حتة بيتنة عبرتة هفف نوب اني اكره الطريق الطويل وامشي بي وحدي الله يساعدج نازلي شلون تكملين الطريق وحدج توبة بعد لازم انتبه دامشي وشايلة كتبي بيدي والجنطة بضهري ثكيلة وحال الضيم حالي ميتة تعب وادردم عالبنات وما احس الا اني كاعدة بالكاع والكتب مطشرات بحضني اخخخخخخ رفعت راسي
انت شبيك اعمة متشوف متكول هاي ناس تمشي حقهة نازلي من تسترجل عليكم مو مال احترام انتو انتبه الطريقك من تمشي يااااا شبيك صافن خرب حضي هذا يمكن مخبل يمة هسة يركعني بطابوكة يخلي دمي بطولي بوياااي وين عفتيني نازلي لميت كتبي بخوف وسكتة اريد بس افلت لان هذا صافن بوجهي جنة مطي متأكدة مخبل خل افلت 🏃‍♀️🏃‍♀️