حبيبتي المسترجلة

part 4

محمد. هههههه لك تعال دنشاقة وياك
رحت جبتة واجيت تعال يمعود صدك جذب غير رجال البيت انتة
احمد. بعد لتضحكون علية اني اكبر واحد هنا بالبيت
وجدان. اي حقك حبيبي يلا روح اخذ البلي ودزلنة هالفصعونة كوللهة ابوج حيطلع ويعوفج هي تجي ركض
محمد. يمعودة انتي تذبين علية اشاعات هسة تجي ركض تريدني اطلعهة واذا رادت شي كن فيكون
وجدان. هههههه غير من ورة دلالك
نازلي. باباااااا يلا امشي دنطلع
وجدان/محمد. 😮😮
محمد. ها شحجينة هاج شوفي شايلة حذائهة بيدهة وتركض شحيخلني
وجدان.😂😂
محمد. يلا امشي نروح نشتري سيارة ع عنادهم
اخذتهة رحنة اشترينة سيارة واشتريتلهة حلويات واجينة
مرت السنين وسجلت نازلي بالمدرسة اخوانهة كبرو علاقتنة بيوسف ونورة تخبل كأنما عائلة وحدة منا بدت مشاكل نازلي وبدت تسترجل عالعالم مثل مكالت امهة 😂 يومية جايبتلنة مشكلة حتة اخوانهة ما سوو مشاكل بكدهة فديوم كاعدين العصر دنشوف تلفزيون ونسولف جانت عطلة نص السنة ندكت الباب كلش قوي
محمد. فتحت الباب منو
اني ابو عبدالله جيرانكم
محمد. ها ابو عبدالله  خير خوما اكو شي
ابو عبد الله. يمعود يا ابو احمد بس كلي هاي بتك عليمن  طالعة هيج مسترجلة نوب متتعارك وي بنات كلة ولد وفوكاهة تكتلهم وميكدرولهة
محمد. حكيت راسي بخيبة واسف واني خجلان من الرجال جايب ابنة جفنة مورم وحلكة كلة دم وشعرة مكفش حالتة حالة
اني اسف ابو عبدالله احسبهة علية والله تعبت من هالبنية شسويلهة بعد ما اخليهة تطلع وان شاء الله متتقرب من ابنك بعد واعتذر مرة ثانية
ابو عبدالله. تسلم ابو احمد مع السلامة
الله وياك عيني سديت الباب وطبيت انتضرهة تجي من الشارع النهار كلة دايحة عبالك ولد ذولة اخوانهة يلعبون بالبيت وهي دايحة سولفت الوجدان واحنة دنحجي طب امير اقصد اميرة
محمد. اهلا وسهلا شرفتنة اموري
نازلي. بابا شنو اموري تحاجيني بصيغة ذكر اسمي نازلي لتصيحولي امير
محمد. متكولين الروحج لعد تصرفاتح مال ولد ويومية جايبتلي مشكلة يابنتي المشاكل تجي مو من البنات تجي من الولد اني اول مرة بحياتي اشوف بنية وراهة هيج كومة مشاكل ليش كاتلة الولد هيج مدميتة تلعبين ملاكمة انتي ودتدربين بوجهة جابة ابو حالتة حالة مزورك ومكفوش صار وجهي هالكدوتة هسة لو احمد متعارك نكول ميخالف ولد لج بابا انتي بنية انوثتج وين
نازلي. بابا مسويتلة شي هنة كم بوكس ليش يعيب علية ويكلي انتي مسوية نفسج ولد روحي لعبي وي البنات ليش تلعبين طوبة ويانة
محمد. زين انتي ليش تلعبين وياهم غصب ميريدوج تلعبين وياهم شلون بلة
نازلي. لا مو غصب برضاتهم العب وياهم
محمد. مو الف مرة يومية يجيني واحد عمو بتك تجينة لو تخرب اللعب وتشك الطوبة لو نلعبهة ويانة ويتبجبج ماخذة عالمنطقة انتي
نازلي. 😂😂 بابا والله همة كم واحد يكرهوني ويغارون مني لان العب طوبة احسن منهم وبس
محمد. يلا امشي طبي بعد ماكو طلعة
نازلي. اي اوك بكلبي كلت هو انت يومية تكلي بعد ماكو طلعة بس اباوعلك بعيوني البريئات اقشمرك وتخليني اطلع 😂😂
نازلي. اسمي نازلي عمري ٨ سنين مثل متشوفون قصة حياتي هاي اني مو مسترجلة بس احب عيشة الولد وسوالفهم احلا من البنات مرت السنين وايامي متشابهة خلصت الابتدائية بخير وسلامة ( ماعدا فد ٣٦٠ مشكلة جنت اسوي بالسنة مو هواي ابد 🙃) نجحت من السادس ومنتضرة المتوسطة بحماس بس عرفت انو المتوسطة بس بنات مو مختلطة ضجت يعني رح اكضيهة العب وي البنات اييع لو يضل اخر يوم بعمري ابوية من خلصت سادس جان كلش فرحان ومنعني من الطلعة والطوبة عود صرت جبيرة شرطت عليهم العب طوبة بالبيت اذا تمنعوني من الطلعة وافقو اكيد ويومية كاسرتلي شغلة بالبيت من ورة الطوبة بدت المدرسة وبدت مرحلة جديدة بحياتي شفت العجايب البنات وتصرفاتهن والمياعة ايييع جنت اضوج كوة اروح للمدرسة احس نفسي صدك ولد ودخلت بنص البنات شوي شوي بديت اتعود بس ماعندي صديقات ما اتقرب من اي وحدة ماحب تصرفاتهن
سمر. نازلي هاي صار  شهر وشوي انتي دتداومين وكاعدة يمي بس متحجين لا وياي ولا وي اي وحدة من الصف ليش
نازلي. ما احب اختلط
سمر. لاعفية ترا الصداقة شي كلش حلو ومقدس وحلو من يكون عندج صديقة تشاركيهة افراحج احزانج يومياتج وتتبادلن الاخبار تسون مغامرات سوة والله جربي وشوفي محلو هيج تعتكفين تصير بيج حالة نفسية
نازلي. اممم لج هاي شنو كلامج حلو والله رجال انتي كفو وذيبة
سمر.😱 عزا بعينج شنو هاي المسطلحات 😂
نازلي. ها بدينة اني الهالسبب معتكفة ماريد احد يكتشف شنو معدني
سمر. لالا اسفة والله هسة شنو كلتي نصير صديقات لج تدرين اني بيتنة قريب من بيتكم بس انتي ممنتبهة لان منعزلة
نازلي. صدك
سمر. اي والله بما انو صرنة صديقات خلي نرجع سوة ونجي سوة بعد ومريم هم كلش قريبة عليكم اقرب مني شعجب متجون سوة وهي اهلهة اصدقاء عائلتكم بس احسج انتي وياهة كانما غرباء انتن بنفس الصف ومافد يوم شفتكم حجيتو سوة او مشيتو سوة
نازلي. مو كتلج مو اجتماعية اني بس هسة خلي نروح نسولف وياهة ونتعرف عليهة
سمر. اي يلا امشي
نازلي. من بعيد صحت مريمممم جانت هي بالساحة واني بالصف
سمر. اششش ولج صوتج خرا بيج ليش هيج عالي انوثتج وين
نازلي. خاب دنجبي كال انوثة كال تريديني اتموع مثل ذني ايييع
سمر. هههههه والله سوالفج تضحك مكتلج تموعي بس شوي خلي بتصرفاتج انوثة
استنتجت من خلال كعدتي وياهة هالكم دقيقة انو نازلي منعزلة بسبب هالشي ومتحب البنات وتصرفاتهن ونكدر نكول مسترجلة
مريم. كاعدة بالساحة وي نسرين صديقتي وما احس الا اجاني صوت عالي يصيح مريم لحظة هاي نازلي عزاااات انصدمت صدمة عمري سنين احنة العائلتين اصدقاء ونروح الاهلهة وهمة يجونة بس نازلي متختلط ومتقبل تلعب وياي جانت تلعب كلة وي الولد وهاي اول مرة بحياتهة تصيحني رحتلهة
مريم. ها حبي
نازلي. تعاي خلنسولف شوي وها اليوم نطلع سوا
مريم. مو هيج تكفخيني بالاخبار صدمة ورة صدمة مراح ارجع الاهلي اليوم راح انجلط كبل للمستشفى زين انتي خاف بيج شي لو مصخنة
نازلي. 😂😂😂😂 ما مصخنة ولا شي تريدين تصادقيني لو اتراجع
مريم. لا يمعودة ع بختج شتتراجعين اكيد اصادقج
نازلي. خلص اليوم بسوالف كل ما تصير الفرصة نكعد بالساحة ندك سوالف حجيت قصتي ال سمر وبدينة نتعرف ع بعضنة كلش حبيت الشعور واول مرة هيج احس المدرسة حلوة حتة ماجنت اريد ارجع للبيت واستمرت الايام ع هاي الحالة الطريق جان جنة كلة سوالف وضحك وتحشيش لحد منوصل المدرسة احنة ميتين ضحك وبالرجعة هم ومن يبدي الدرس احسب دقيقة دقيقة حتة يخلص ونسولف ونلعب بس بقت تصرفاتي مال ولد جانن البنات يحاولن يعلمني بس اني ما اسمعلهن وازيد بتصرفاتي بس كلش حبيتهن لا مو بس حبيتهن عشقتهن ما اتخيل حياتي بدونهن ابد حتة من نرجع للبيت نتخابر مكالمة جماعية ونضل ندك سوالف فد يوم كاعدين ودنسمع شلة مال بنات يسولف لفت انتباهي دينصحن بنية شلون تخلي ابن خالتهة يحبهة لان هي تحبة ف كلت للبنات نروح نكعد يمهن كعدنة يمهن رحبن بينة ومدري شنو سالت اني
نازلي. بنات لحظة شنو يعني حب يعني قصدي شلون تحبون والمن تحبون وليش تحبون وشيصير بقصص الحب وانتو بعدكم صغار عالحب
بنين. لج الحب يخبل يخبل شعور يجنن انتي صغيرة عالحب بعد كم سنة يالة تكبربن احنة مو صغار
طبعا جانت مدرستي ثانوية بيهة متوسطة واعدادية ف البنات اللي كعدنة يمهن بالخامس اعدادي واحنة جنة اول متوسط خلصت المحاضرة عن الحب ورحنة كل وحدة البيتهة ........ يتبع
يمعودين جنت متحمسة اول مكتبت القصة بس ماكو تفاعل خاب املي تفاعلو وصوتو حتة تحمسوني اكمل