حبيبتي المسترجلة

part 5

نازلي. مرت الشهور والسنين وصرت صف ثالث متوسط وعلاقتي بمريم وسمر اقوة من قبل فد يوم جنة نمشي بالشارع بطريق الرجعة ف جنت دا اقلد ع الطالبة الجديدة اللي اجت نقل اليوم ونضحك
نازلي. لا ولجن نوب عود دتعرف نفسهة النة
عوجت حلكي وضليت اتموع بحركات ايدي وحجيت بصوت متنعوص هاي بنات اني اسمي بنين تكدرون تصيحولي نونة اجيت نقل اليوم  يعني ضيفتكم وماما مدرسة بمدرسة ابتدائية خصوصي وباباتي ديدرس ماستر وثانكس انننننن 😒 يربي جان بودي الزمهة اصمطهة راجدي افر وجهة واعدل حلكهة ورجعت عوجت حلكي تكدرون تصيحولي نونة ع اساس احنة ميتين عليج حتة نصيحج 😂😂😂😂 صرت اتذكر الموقف واضحك وسمر ومريم يضحكن وياي بس اني ملزمت نفسي صرت اضحك بصوت عالي
علي. طننننننن افسحولي الطريق بعدين اعرفكم عن نفسي خلي اشوف هاي منية اللي خطفت كلبي بضحكتهة المتميزة والغريبة مشيت شفت ٣ بنات اللي ع اليمين (يقصد سمر) جانت حنطية وقزمة  وملامحهة نازكة واللي عاليسار (مريم) جانت هم قزمة وبيضة كلش وملامحهة ملامح اجنبية عيونهة ملونة ازرك وبيهن خط عسلي اما اللي بالنص اخخخ اللي بالنص (نازلي) جانت ملامحهة تصرخ بالانوثة رشيقة وطويلة وسمرة وعيونهة كبار ورموشهة يسحرن مجانت لابسة حجاب شعرهة اسود ليل رافعتة ليفوك (ذيل حصان) وجانت تضحك بطريقة عفوية وضحكتهة هازة الشارع ماشفت نفسي الا واني دامشي من يمهن
علي. ترا فدوة شهالضحكة ياحلو نصي صوتك اسرت قلوب الناس بي
نازلي. لك ادبسز حقير سافل متستحي ماعندك خوات شنو من بشر انتة حيوان مو بشر دنكت لزمت طابوك صغار بايدي وضليت اضرب علية طاحت وحدة بكصتة لزم كصتة مصدوم وايدة كلهة دم اي يستاهل والله لوما عيب جان رحت ملختة حرامات ماسويتلة شي وريحت كلبي
مريم/سمر. 😮😮😮😮
سمر. لج شدتحجين رجال شكبرة شطولة خليتي دمة بطولة وتكولين كلشي مسويتلة لج مريم شفتي شلون جان مصدوم نوب كوة جريناج مناك تريدين تكبرين المشكلة احنة بالعادة من نسمع هيج كلام نغلس ونكمل طريقنة بس مرات يوصل الكلام ال اذنج وتسويلنة مشكلة بالشارع
نازلي. هو لان سمعكم كلام هيج سويت بي جان ودي اكسر راسة بعد ولجن ليش جريتني اخخخخ
سمر. عيني اموري الكلام مجان النة الكلام جان موجه الك
نازلي. انجبي لتمسلتين ولتصيحيلي اموري وبعدين (بتردد) ا...ااأني شعلية هذا الكلام جان الكم
مريم. سمر هو شنو كال كال نصي صوتك ياحلو شهالضحكة احنة منضحك بصوت عالي اصلا بس ترتسم ابتسامة ع وجهنة قابل مثلج فضيحة
نازلي. كافي لتحجون زعلت منكم بعدين نسيتو ميصير احب هسة بعدني صغيرة الا اصير بالخامس مثل شلة البنات اللي كعدنة يمهم ذيج المرة
سمر. 😂😂😂 ولج والله فطيرة انتي لج بابا اول شي الحب مابي عمر معين وثاني شي هسة قابل انتي حبيتي بس شفتي او هو حبج ممكن يكون معجب بيج وبمرور الوقت يحبج اذا استمر الاعجاب
نازلي. ترة دوختني شكد تلغن امشن ولن يلا وصلنة كل وحدة ع بيتهة
نازلي. راحن واني افكر شنو الموضوع يلا هو متحرش حالة حال ذولة المسقطين اللي بالشوارع شكو اهتملة المهم طلعت قهري بي ضليت امشي وافكر بالموضوع شوي ووصلت بيتنة طبيت اكلت ونمت
وجدان/محمد. وباقي الاخوة كلهم 😮😮😮😮😮 ولكم سجلو اليوم بالتاريخ ولكم اليوم بعد رجوع نازلي للبيت نامت وملعبت طوبة ومكسرت الغراض 😮😮
نازلي من غرفتهة ترا سمعتكممم لتتوقعون اعوف الطوبة بس تعبانة اليوم العصر من اكعد العب
وجدان. عبالي تغيرتي مامنج فايدة
نازلي اجة ثاني يوم رحنة للمدرسة عادي وكملنة يومنة عادي من رجعنة شفت سمر ومريم يتهامسن
نازلي. كمشتهن من اكتافهن من طرف الصدرية ورفعتهن ليفوك باعو هسة اذا متحجون اخزيكم بالشارع
مريم صارت حمرة من الخجل الناس تباوع علينة اموري ابوس ايدك عوفنة ولج انتي انوثتج وين متخجلين
سمر. اي امير حبيبي عوفنة والله نحجي ولج فشلتينة الناس تباوع زعاطيط احنة
نازلي. ههههههه طريقتي خاصة هنة يستحن واني مو مثلهن من اريد شي منهن اسوي هاي السواية بالشارع حتة يسمعن كلامي وينفذن الاريدة تركتهن
نازلي. يلا عيني بسرعة طكطكن شعدج تتهامسن مريم تريد تحجي جان اشوف الولد نفسة اللي ضربتة البارحة خال لزكة جروح ع كصتة صارت عيوني براسي جان منتجي عالحايط ومكتف ايدة ويباوع والابتسامة شاكة حلكة من الاذن للاذن وصافن رايح بغير عالم عفت البنات واتجهت علية
سمر. اكلج رح تكب شرح نسوي هاي مسترجلة متسمع الكلام
مريم. لج سمر عفية اني كلش خايفة خلي نجيبهة لايسويلهة شي
سمر. باع هاي اني خايفة عالولد مو عليهة هي زلمة خشنة مينخاف عليهة ولج جنهة رح تكتل الرجال بنص الشارع
مريم. هم صح كلامج
نازلي. وصلت يمة وطكيت باصبعي يم وجهة هيييي انتة شدتسوي هنا لازم ضربة البارحة مكفتك
علي. صافن عالصاروخ اللي يمشي وشايلة صديقاتهة من اكتافهن وصايرة بنصهن وهنة ميتات خجل يتوسلن بيهة تعوفهن ادري هاي ليش هيج تصرفاتهة رح تخبلني شايلة الخجل والانوثة بعملية لو شنو شو متشبه باقي البنات تصرفاتهة عكس شكلهة شكلهة انوثي وملامحهة كلش نازكة بس تصرفاتهة ابد ولايم الانوثة انوثتهة كاعدة بزاوية غرفتهة دتبجي يمكن اني صافن ومبتسم ع تصرفاتهة مدري ليش حبيت تصرفاتهة وهنة مابيهن ذرة انوثة صافن صفنتي وما احس الا جبار يحجي وياي اقصد البنية خرب حتة اسمهة ماعرفة بس شنو كانما رجال ديسولف سمعت الكالتة ضليت مصوفر يومية صدمة شنو هاي 😮
نازلي. شو هذا رجع صفن الوووو يمعود شبيك مو داحجي وياك شعندك هنا
علي. اتوقع الشارع عام وبكيفي انتي شعليج
نازلي. صرت نار شنو هذا يتحداني قبضت ايدي ورفعتهة دا انطي بوكس واجتني صدمة حياتي كمش ايدي اي كمش ايدي اول مرة بحياتي اضرب احد ويكمش ايدي ويمنعني
علي. كمشت ايدهة ضلت صافنة وفاتحة عيونهة ع وسعهن اخخخ شلون عيون شايلات براءة الدنيا كلهة متناقضات وي شخصيتهة والرمش لان عينهة مفتوحة طاخات بالحاجب وفاتحة حلكهة بصدمة شفايفهة ميتقاومن بلون الكرز تجبر الواحد يباوع عليهن ويتمنة يضوكهن رجعت من صفنتي بوجهة وحجيت بحدة
علي. انتي شنو مسترجلة عيب عليج انتي بنية وين خجلج وين انوثتج البارحة عديتهة الج من ضربتيني بالحجار لان اني جنت الغلطان وتحرشت بيج بس اليوم مافتحت حلكي ولا حجيت شنو اللي خلاج تجين وتتجرأين هيج تحجين وياي وفوكاهة تريدين تضربيني بوكس وين اكو بنية تضرب بوكس حصرتني الضحكة بس كوة لزمت نفسي وبحدة تركت ايدهة اللي جنت اتمنة ما اتركهة من شدة النعومة والنزاكة وعفتهة بصدمتهة ورحت
نازلي. اجن البنات صحني من صدمتي وضليت امشي وادردم علية الطريق كلة مسكتت صدعت روسهن اعيد بالسالفة وارجع ليورة مر اليوم عادي ومرت الايام الباقية عادية وتقريبا بديت انسة الحادثة هاي وانسة الولد اللي حتة اسمة ماعرفة
.......
علي. اسمي علي عمري ٢٣ مرحلة رابعة كلية طب اسنان اني الوحيد ال اهلي ابوية صايغ مال ذهب وامي جانت مديرة مدرسة بس تقاعدت لان كبرت وماكدرت ع المسؤولية بعد مامرتبط ولامفكر ارتبط فد يوم جنت دامشي من طريق ثانوية بنات وشفت الصاروخ اللي حتة اسمهة ماعرفة جنت اعرف اسماء صديقاتهة لان هي فاضحتهن من تحجي وياهن تحجي بصوت عالي وتصيحلهن باسمهن عكسهن هنة هادئات ويحجن بصوت ناصي ف مكدرت اعرف اسمهة اعرف مريم وسمر اول مرة شفتهة ذبيتلهة حجي مجان قصدي التحرش الكلام طلع لا ارادي انجذبتلهة بشكل مو طبيعي بس تفاجئت بردة فعلهة لعبت بية طوبة بالشارع وضربتني براسي وثاني يوم رجلي اخذتني النفس الطريق وهم تمادت ورادت تضربني بوكس صديتهة وصدمتهة من بعدهة كلت خلي تهدأ الاوضاع ماروح هسة ولازم اجمع معلومات عنهة مراح تصدكوني اذا اكلكم هذا الحب من اول نضرة بس الايام تثبت ....... يتبع صوتو وعلقو مو تنسون وسوولي متابعة هم