أخي الغيور

﮼البارت،السادس،عشر

: خابرت بابا گال ساعة أن شاء الله و أوصل
تريگت صعدت وحضرت جنطة ملابسي ونزلت ساعدت خاله بالمطبخ ، بس اشتغل وبالي يم عزام ، وسكوته الحيرني ، بس اكيد ضاج لان عرفت ، لأن صعد و محچه ولا كلمة ، هسه اني ليش گُتله  ، من القهر للفجر يله گدرت أنام ، دامسح بالكاونتر وسمعت صوت الباب الخارجي ينفتح ، اكيد هذا بابا ، باوعت شف بابا دخل سيارته ، طلعت
:هلا بحبيبة ابوها
: هلو بابا والله شتاقتلك
(حضنها ابوها وباس راسها )
: هلا أبو عزام
: هلا بيچ حجيه شلونكم
: بخير ورحمة

عزام
ما ودرتها تعرف هسع ، ردت  انه أگلها من تفض الحسبه البراسي ، و تأكد من كلشي ، والگه هناء واعرف الحقيقة يله ، كل يوم أكرهك يا برزان اكثر من الگبلو ، للفجر يله گدرت انام ، بس كل ما اذكرها وهي بين اديه ، صوتها وعطرها ، أيدها من لامست جسمي الحسيت بالحظتها جسمي صار نار عليها ، عايش احساسين هسه الأول اتمنى ادحگ عيونها وهي بين اديه اريد اعرف ، هي حاسه بالبگلبي الها ، والثاني خايف ما تحبني وكل التحسو اتجاهي مشاعر اخويه ، انه شسوي بگلبي إذا ما تقبلتني ، لو متقبلتني ما صارلها چم يوم تتهرب مني وتعاملني ابرود ، والله حسيتها ذابت وهي بين اديه ، اووووف راح اتخبل من التفكير
قصي : عزام ، عزام
: هاااا
: يخوي شو صافن صار ساعة أصيح عليك
: وياك گول
: أبو حاتم هسع يمر حتى نروح ويا للگاع الراد يشتريها انت تروح لو انه
: لا انه اروح ويا انت قفل المكتب وروح لبيتك

هزار
رجعوا اخواني وننتظر عزام حتى نتغده ، نزل ليث گال
: يمه عزام عندو شغل گال لا تنتظروني
أبو عزام : يول احنه ورا الغده نطلع عجل ما يجي حتى اشوفو ، هزار بابا شو جيبي تليفوني من الغرفة
( راحت هزار جابت التلفون انطته لأبوها )
الوو
هلا يابه وين انت ليش ما اجيت
ول يابه انه اطلع ورا الغده عجل ماتجي
الله يرزقك يابه ،يله انه السبت ارد هين وعندي شغله وياك حتى نفضها
من اجي السبت نحچي
الله وياك
( خلص مكالمته ويا عزام وگال )
صبولنه الغده عزام ما يجي للعصر

هزار
: تغدينه وشربنه چاي وبدلنه وطلعنه لبغداد ، بس لو بيدي بقيت ما اعرف شبيه ، عبالك تركت روحي هناك
ما شفته قبل ما اروح معقولة تعمد ميجي للبيت وهو يعرف احنه ورا الغده طالعين لبغداد ...

عزام
رجعت قبل الغروب بشويه ، دخلت للبيت محد بي بس امي گاعده بالصالة
هلا يمه الله يساعدك
( راح باس راس أمه )
هلا بيچ حجيه ، راح ابويه مو
:اي يمه طلعو ورا الغده
:الله وياهم
: يمه جوعان احطلك اكل
: لا يوم مأكل بس دايخ من النعاس راح اسبح وأنام لا تگعدوني
: روح يمه رتاح
: نمت ما گعدت إلا للخمسة الفجر اول شي اجه على بالي هي

هزار
وصلنه للبيت المغرب لگيت بنت خالو رقية تنتظرني بالبيت مثل ما اتفقنه وتبات يمي بقينه سهرانين اني وياها ثاني يوم الجمعة مطلعت مالي واهس طلعه خلصته بالبيت نلعب بلي اني وحيدر ماما توسلت بيه حتى نطلع ما قبلت هي راحت جابتلي الأشياء المحتاجتهم وأريد بس اليوم يخلص وارجع

عزام
السبت رجعت من وكت ادري بيها اليوم ترجع مدري شلون تعلقت روحي بيها بهل سرعة بـِ ١٢:٠٠ وصلت البيت لگيت سيارت أبوية بالگراج دخلت للبيت بعدني بالطرم اجت هي تركض ودايره وجهه شارده من وليد يركض ورها وبيده چك مال مي وصوت ضحكتها واصل لسابع جار عصبتني
:هزارررر
( ويا صيحت عزام هزار وگفت و وليد بقى بالباب مال المطبخ بعد ماتقدم ولا خطوة )
بالله ماتستحون انتو تركضون مثل الجهال ، وانتي حيوانه صوتج واصل لآخر المنطقة ( يحچي بعصبيه وهو يخزرها )
( وليد انهزم وهي بقت واگفه ومبتسمة بوجهه ولا عبالك هذا الحچي عليها )

: رزلتها وهي باقيه واگفه بمكانها ومبتسمة ، فدوه لهل وجهه ، والله هسه مال اطلع ضيم گلبي كله بيها ، فتت منها ودخلت وهي تمشي وراي
:گول
: شكو
: تره السلام لـ الله
: المخبيل ما عليهم سلام ههه
: ههه قصدك وليد مو
: امشي يول مالي خلگچ
: تره بيناتنه مصالح مشتركة وانت دتهدم مصالحنه
: هههه الله ليعوزني الچ
( دخل للصالة سلم على أبو وصعد )

: خالتي تصب الأكل واني ارتب بالسفره گعدنه نتغده ، بس احس نفسي هسه يله رتاحيت من شفته وحسيت بي مزعلان مني ، بهذا تفكيري رفعت عيني اريد اشوفه لگيت عينه عليه من لتقت نظرانته أبتسم ، اوي فده لهل وجه، يوم واحد ماگدرت افارگه ، والله ما اعرف شلون حبيته بهل كم يوم ، بس الي متأگده منه اني احب عزام
مشاعري مالها غير تفسير وأحب هو اني حبيته ....

٤:٠٠
اخواني طلعوا هما و ابويه راحو لجدو بقيت بس اني و خاله
اني گاعده ع التلفزيون وخاله بالمطبخ سمعنه جرس البيت يندگ طلعت خاله شويه وسمعت صوتها بالاستقبال ،
فتحت بالباب الداخلي الاستقبال گالت
: يمه هزار يمنه خطار ، رتبيلنه ضيافه
: ماشي خاله گايمه
: اخذت عصير وبتفور ومي ودخلت ، هاي نفس المريه الشفناها بالعيادة مال الدكتور سلمت عليها وخليت الصينية گدامها وطلعت ورا ساعة راحت المريه
خاله راحت توضت وبدت مثل كل يوم تقرا قران لحد ميأذن المغرب
رجعو اخواني و أبويه سوينه العشا اني وخاله تعشينه
وگعدنه نشرب چاي خاله گالت
: أبو عزام اليوم اجو ناس يخطبون هزار وماطول كلكم مجموعين انتو شفوا شتگولون حتى نرد خبر للناس
( عزام من سمع عيونه صارت بگصته ما گدر يتحمل حچه بعصبيه )
عزام : يمه شتحچين لخاطر الله يا خطابه بعدها طفلة هي مو اليوم تركض بالبيت مثل الجهال )

هزار
اني انصدمت من الخبر بعدني ممستوعه السمعته حچه عزام ويگول عليه طفلة
اخواني گامو يضحكون ، اني نقهرات يعني يشوفني طفلة ؟!!
أبو عزام : بسكم ضحك خل نفتهم
: شتفتهم يابه شنو تريد تنطيها
: ول يابه شبيك عصبي خل نشوف منين هذول
: اجتني ام يوسف جوارينه گبل شافتها وياي بالعيادة من رحنه للطبيب وعجبت الولد واجت على حسب الأصول تخطبها لبنها يوسف يمه هو مو هم مهندس مثلك
: عجل هيچ خل عينه عليها والله الا افگس عيونو
: ول يابه صدگ تحچي شنو متعجب انت ؟!!! شي طبيعي الناس دحگوها وياكم واجو عليها عليش هل عصبيه
: أم عزام رديلهم خبر گليلهم زغيره مامفكريلها بزواج
( لتفت أبو عزام لولده وانتو أسبوع الجاي من اجي احاچي عمامكم على بناتهم هديل لليث و سمر لعزام ، كافي أمكم تعبت من خدمتكم

#أخي_الغيور
للكاتبة _مهرة
@mohra_9_30
مساء الخير أحبائي هسه يله كمل البارت البارحة مگدرت أكمله ،
🥀دمتم في أمان الله وحفظة 🥀