بعد ما تلاقينا 💔

الحلقه الاخيره

روايه #بعد_ما_تلاقينا

الحلقه 20 والاخيرة

بعدما طقطق الباب
عماد : خشي يا اميره دخلي القهوه شن جد عليك ؟؟ 🙄
وماخش حد 🤷🏻‍♀️ بابا قعد يعاود يقول اميره خشي خيرك 😳😳 مارد حد 🤦🏻‍♀️
نضت انا بنفتح. باب المربوعه هو اصلاً كان مردود بس 🤷🏻‍♀️ نفتح الباب ويطلع قدامي راجل 😳
الراجل كان كبير شويه في السن شعره اسود و فيه شويه شيب لابس نظارات طبيه نازكات هلبا الوقار واضح عليه 🤩 و باين انه شخصيه قويه 🤷🏻‍♀️
بابا وقت شافه عيونه نفلتو و وجه بدي الوان الوان زي القناه لما تتشفر ايام قبل 💙💚💛🧡❤️💜
الراجل : السلام عليكم 😎
انا : وعليكم السلام تفضل ياعمي 😅
علاء فاتح فمه حتى هو في الراجل شكله يعرفه وانا قاعده مش فاهمه شي 😒
الراجل زاد قدم لي المربوعه خطوتين
الراجل : قلنا السلام ☺️😎
علاء : وعليكم السلام ورحمه الله وبركاته
وقفله وخداه بالاحضان وقعد يسلم عليه ويسال فيه
الراجل 😎 : استاد عماد ميبيش يرد علينا السلام شوره
عماد : لالا مش هكي وعليكم السلام
وسلم عليه وقعمزو اشرلي بابا بي راسه بي حركه اطلعي 😒
خشيت لي الصاله نلقا مراه مقعمزا 😅 انا تلخبطت قاعده نفكر من الراجل هدا وننخلع بي هدي 😳
المرا كانت حتى هيا نفس وقار الراجل تحسي عندها هيبه ولبستها بدله رسميه كحله فيها بروش فضي فيه زمرد عالجنب و خاتم مضنيتش دهب حسيته الماس 💎بحديدته و ساعه واضح انها نفس الشي مش حتكون الا الماس 💍💎💎وشاح حرايري كان عندي راهو معلقاته تدكار منلبسش فيه 😩😩😩
خشيت وانا متردده 🙄
انا : السلام عليكم 😅
المرا : وعليكم السلام
وقفت وسلمت عليا سلام تقول نعرفها ليا سنين لين استغربت انا 😅
انا : اهلاًوسهلاً بيك انستينا 😁
المرا : الله يأنسك ☺️☺️ انت اروى صح ؟؟
انا : اي انا اروى 😁
المرا : الله يبارك زي القمر احلى من الصور بي هلبا
انا تحشمت وحطيت عيوني لوطا وقلتلها تسلمي ياخالتي عيونك الحلوات ☺️☺️

واحنا مقعمزين نتناقشو انا وعلاء وبابا في قولت ادوي انت لا ادوي انت موليين زي عتمان بن نعمان وهدى بتع العربيه كانو الراجل والمرا هدو يطقو عالحوش وفتحتلهم ماما واستقبلتهم ودخلتهم 🤷🏻‍♀️🤷🏻‍♀️🤷🏻‍♀️
المرا قعذت تشبحلي ومبتسمه 😁 ماما عرفت اني تحشمت 😅
اميره : مرحبتين بيك ☺️ ليك هلبا مالا هني 😅
المرا : لالا والله ماليا هلبا ومش ناويه نعطل جيت علي خاطر الحاج عنده شويه امور بيتمها ومسافرين 😌
اميره : باهي ععلي خير ان شاء الله كيف حال وليداتك وبنياتك😁
المرا : حال اللي كل واحد في بلاد وانا ندور عليهم كل واحد في البلاد الي هو فيها (( نبرة تجكتير طبعاً )) 😌😌
اميره : ان شاء الله ربي يلم شملكم يارب ☺️
همزتني بتع نوضي ديري حاجه في الكوجينه 😩
نضت انا خشيت لي البنات قبل الكوجينه لقيتهم يبدلو وحايسيين 😳😳
انا : وين ماشيين عندنا مرا برا
ايه : ماهو احنا نبدلو علي حاطر المرا 😌
انا : مفلحكم انا زي الشغاله طالعتلها😒
ايات : عادي ياحبي جمالك طاغي 😜
انا: لا دكتاتوري ،، هيا من هيا هدي ؟؟
ايه : منعرفش حتى ماما مقالتش بيتنا عليها من باب الدار وخلاص 🤷🏻‍♀️
انا : ريتوها كيف 😳
ايات : تقول صافيه مرت معمر تحسيها مهيوبه هلبا المرا 😳😳
انا : اييييييي تعرفو كلها ماركه وصنتها قالبه الحوش كله 😩😩😩
ايه : هي خلاص انا بنطلع
ايات : استني ياحماره مطلعو مع بعض تعرفيني منحبش نسلم بروحي 😅😅
انا : اطلعو بالدور بالك تطلع خطابه 😂 حييبييي ماما قالتلي ديري قهوه 😳😳
طلعو ايات وايه سلمو عالمرا وقعمزو
المرا : انتم اكيده ايات وايه ☺️
خواتي شبحو لي بعض 😳 وجاوبو الزوز : اي صح 😳
المرا : تو خلوني نتوقع من ايات ومن ايه 😁😌 والا متحبوش من يغلط بينكم 😌
ايه : لالا عادي اصلاً الناس ديمه تغلط فينا عادي مرات ضبحي عليا ايات نقولك نعم و نمشي معاك 😅😅
المرا : مدامك تكلمتي معناها انت ايه 😌😁
ايه ضحكت 😂 : وكيف عرفتي
المرا : علي حسب ماسمعت. علي شخصيتك 😌
ايه : وانت من وين سمعتي ،، بعد ادنك يعني ☺️
جيت انا جايبه الصفره بتاع القهوه ونسمع في المرا تقول : من ولدي انس ☺️😌
انا خلاص نرعش باللي فيا جت ماما ونقضت الموقف وخدت الصفرا لان واضحه قعدت نرعش 😰😰😰
اميره : هاتي عليك ،، وتعالي قعمزي
انا : اااه ااااا خودي خودي بنمشي لي الدار شويه بس 😥😥
المرا : انا جايا علي خاطرك بتمشي وبتخليني ؟؟
انا 😩 : لالا حشاك
اميره ماده للمرا الصفرا : هي تفضلي ☺️
المرا : صحيتي ☺️
اميره : سامحيني في البدايه والله ماعرفتك وقعدت نخمم الحق 😅
المرا ؛ لالا عادي مش مشكله ☺️
ايه : شكله انس مهدرزك علينا بالتفصيل ☺️
المرا : اي بسلامته يحب يهدرزني علي كل شي
اميره : ربي يخليهولك ويطول في عمرك وعمره
المرا : سلمك ياربي ،، انا انس بالنسبه ليا دنيتي كلها وهو نفس الشي  ☺️
ايه : مشاء الله ،، ربي يخليكم لي بعض ☺️ تشبحلي انا وتقول الحق هو ليه وقت علينا معاش شفنها ☺️
المرا : اييي مشي لي فرنسا هو عنده مواضيع يتم فيها غادي 😌
ايه : حقااااا ريتيه ولا قاللنا ☺️
المرا تشبحلي وتتكلم : ماهو حلقه الوصل لللي بيناتكم نقطعت وين مازالت بتسمعو اخباره 😌
اميره : المهم حاله باهي هو النبي سلميلنا عليه ☺️
شرين تليفون المرا : عمره طويل بسلامته 😌
المرا : الو انووس كيف حالك ياعمري
انس ؛ الحمدلله ياغاليه ، كيف حالك وحال الحاج
المرا ؛ بخير في نعمه جايا انا وياه لي ناس اصحابنا نهدرزو عليهم
انس : ناس اصحابكم من هما منعرهمش انا غريبه 🤔
المرا : ايي تو نقولك عليهم بعدين 😌
ايه تأشرلها تقلها هاتي نكلمه 😌😌
مدتلها التليفون  😳
ايه : الووووو هكيييي معقوووووله الناس دييييير 😁😒
انس : الووو ايوه من معاي
ايه : اياااااه وناسي حتى صوتي شكلها فرنسا دارتلك سوفت وير 😂😂😂 وضحكت ضحكتها المتعارف عليها
انس يضحك : والله كان مضحكتيش راهو مزبطك 😂😂😂 وين يامعفنه شن الجو
ايه : اهو قاعده جوي مليح شن جوك انت مستاحشينك راهو 😜
انس : والله انا اكتر كيف حالك وحال امك وايات ☺️
ايه : حالنا باهي كلنا بخير ونعمه يسلمو عليك ماما وايات اهو جنبي ☺️
انس : كيف حالها أأأ هديكا ؟
ايه تشبح لي اروى : حالها باهي حتى هيا شن تبي تكلمها
انس : لالا مش وقته توا
وكيف هو قاعد يقول في كلامه تاخد ايه التليفون تمدهولي انا هكي قعدت 😳😳😳
انس : يا ايه الو وينك
انا ؛ ايوه
انس سمع صوتي طول عرفني 😩
انس : اهلا كيف الحال ؟
انا نزلو دموعي علي طول ومقدرتش نشدهم اول ماسمعت صوت انس قذاش ماكنت مستاحشاته قداش ماقلبي بذي يرف وقت سمع صوته ااااااه ياقلبي انا قداش ما مستاحشاتك ومستاحشه صوتك ونبرت صوتك وكلامك وضحكتك دموعي مبطلوش وماما بدو عيونها دموع حتى هيا متحملتش 😢😢😢😢
انا بنبره خانقتها العبرا : الحمدلله كيف حالك انت ؟؟
انس ؛ الحمدلله بارك الله فيك
حطيت التليفون وخشيت لي الدار نبكي معاش قدرت نقعد بيناتهم 😢😢😢😢
خدت ام انس التليفون وكلماته قتله نروح نكلمك
وستادنت من ماما وخشتلي في الدار 😔😔
انا نبكي وراسي في المخده وسمعت الباب نفتح ؛ اطلعو برا نبي نقعد بروحي 😩😩😩
ام انس : احم احم سامحيني 😩
انا قمت راسي 😳 😩😢
قعمزت جنبي حضنتني وقعدت تبكي معاي 😰😔
ام انس : انا مش حنقولك شي علي انس ولا حنشكره ليك ،، بس انس انسان طيب هلبا وكان حب يحطه في عيونه😔ويستاهل انك تحاربي علي خاطره 😔وميستاهلش بكل انك تتجاهليه 😔والا تباعدي عليه 😔كيف جيت بنتكلم قالتلي خليني نكمل 🤔
انا نعرف الي صاير بينكم بالحرف 😉 ونعرف قصتكم وكل يوم بيومه كنت معاه ويهدرزلي في جميع التفاصيل ونعرف اخر موقف درتيه انك قررتي معاش تشوفيه 🤷🏻‍♀️ بس اللي نبي نقولهولك دافعي علي حبك يا اروى لان مستحيل مازال تلقي حد زي انس 😉👌🏻 هي نخليك توا وفكري في كلامي 😌