بعد ما تلاقينا 💔

الجزء 11

روايه #بعد_ما_تلاقينا

حلقه 11

انس : ارورتي خودي تليفوني وخشي عالواتس تلقي اسم مسجل الدوله ابعتيله اللي بعتاته ايات 😓
انا فتحت تليفون انس وخشيت عالواتس لفتني اسم لكن مدورتاش لان مش وقته توا بعتت وكملت
انس : اكتبيله تلقا قهوه درس جنبها متمشيش  لي المكان طول 😩
انا : باهي كتبتله 😰
الاسم الي لفتني قعد يتصل حطيت التليفون ومبيتش نتكلم عاود اتصل قام انس التليفون وجهه تغير 😰 فصل الخط عاود الرقم هو يفصل والرقم يعاود 😡😡 في الاخير رد 😡
انس : مش فاضي انا تو نكلمك وقت نفضا باي 🤨
انا : خيره من الي يتصل 😏
انس : واحد نفاخ مدوريشي 😒
ايه متلوحه من تالي وتبكي لين خلاص فشلت من البكي وتقول في كلام مش مفهوم  😰🤯
انا انصلت بي ايات : اسمعي طلعي بيجامت ايه اختك وطلعي معاه وايبس حطيتهم قدام باب الشقه 😰😰😫
ايه : مش حنركب فوق انا قلها تنزلهم وتستنانا لوطا نبدل لووووطااااا رجليا مش شايليني باش نركب 😫😫😫
انا : خلاص ايات نزلي البضاعه لوطا واستنينا 😓
ايات : مش حنقدر يا اروى نخاف تعرفيني دنيا فااااضيه 😰
انا : انزلي من بيجيك مش وقت نقاش بكل اختك بتموت والا بتهبل وانت شوفي روحك 😒😫
ايه فكت مني التليفون وكلمت ايات
ايه : ايووووته وخيتي كانك تحبي وخيتك راني في نااااااار والله رجليا ماقايماتني باش نركب 😫😫😫
ايه تبكي وتكلم في ايات مدتلي ايه التليفون لقيت ايات تبكي هيا التانيه قتلي تلقوني نستنا فيكم 😭😭😭
وصلنا درسنا جنب السياره نزلنا ركبنا فيها نزلت ايه لانها جديات مكانش عندها جهد تنزل ركبناها انا وانس في السياره وخدي الولد السياره
انس : توا بنخش لي عماره تعالي وراي تلقا ولد واقف لهيه لين اطلعه من بوابه العماره ونزل البنات لي العماره المهم منبيشي يشوفهم 🤨🤔
خالد : ليا الموضوع اعتبره تم ياقايذ 🤨
انا : ترا ابعتي لي محمذ شوفي شن جوه 😓
ايه : بعتله من بكري نلهي ماما وبابا ونكلمك قالي نستنا فيك 😓
انا : باهي تمام ماشيه صح 👌🏻
ايه : كان ماشيه صح واهو مش هدي حالتي 😫😰

درس خالد علي محمد الي واقف تحت الباب بالزبط 😏😒
خالد : السلام عليكم ☺️
محمد : وعليكم السلام 😊
خالد : ليبي خوي ؟؟ 🙂
محمد : ان شاء الله تفضل ! 🤔
خالد : تسكن هني انت ؟؟ 🤨
محمد : لا واللهي منسكنش هني غير نستنا في ولد صاحبي 😅
خالد : اها انا نسكن هني وكيف مروح اهو والحق  اول مره نشوفك 😏
محمد : حتى صاحبي ماجر هني مليشي هلبا 😅
خالد : باهي تعالي اركب في السياره ياراجل شن تستنا تحت العماره 🙂 والا اركب معاي لي شقتي 🙂
محمذ : لالا تو ينزل ميعطلش 🙂
خالد : ليك هلبا هني مالا 🤔
محمد : لالا والله هدي الوصله من العظمي ياخوي 🙂
خالد : معناها ضيفنا انت انا ليا 8 سنين هني ياحسره استاحشناها واللهي 😏
محمذ : والله افتكيتو منها مافيها حاجه باهيا احنا قريب نهربو منها 😩
خالد : غير والله تركب ياخوي في قهوه في نهايه الشارع نعزمك علي طاسه قهوه باهيا ونردك 🙂
محمد : باهي زي ماتبي ياودي مش رادك 🙂
ركبو مع بعض وطلعو من الباب
في الوقت هدا كانت السياره بتنقلب بعياطات ايه 😩😩
انا : خير دعوته مطلعش صاحبك من العماره هدا غير تم وعندي 😩
انس : اصبري شويه خيرك انا عندي فيه تقه خالد 😒🤨
ايه : تحسابوه ساهل محمد 😒 ويفوت عليه هدا دااااهيه راهو شوفتو شن دار فيا 😫 خلاني نجري وماندري ياحليلي وووووووووووه 😭😭😭
انا : اسكتي بلا عياط وعار خلاص 😫
وصلت مسج عالواتس من خالد : اهو كيف طالعين احنا حاجه ربع ساعه ونرجعو 😏👌🏻
انس : اهو طلعو هيا خطوه ونوصلو ☺️
انا : به الحمدلله 😬
انس : هيا يابنات انزلو اجرو اهو وصلنا 🤫
ايه نزلت تجري رسمي بدون عقل لقينا ايات واقفه ميته رعب وتستنا بدلت ايه تحت الدروج حوايجها ومسحنالها وجهها 😢😢
وطلع انس من العماره واول ماطلع قام التليفون نحسابه بيكلمني مكلمنيش 😳عاودتله نلقا فيه مشغول وعطل المشغول معاش سكر بكل 😅😰
كلمت ايه محمد : الو حبيبي وينك انا نزلت وين مشيت ؟؟
محمد: اهو جاي هي 😅
خالد : شكله صاحبك نزل وملقاكش 😅 سامحنا عطلناك 😅
محمد : لالا عادي سامحنا انت عالتعب وشكراً عالعزومه 😊
محمد يفكر كيف بينزل هو والراجل للعماره وهو قاله صاحبي و ايه تستنا لوطا 🤯 ميعرفش ان خالد بروحه يفكر كيف يهرب من كدبته انه يسكن هني 😰خالد شغل دماغه وبعت لي صاحبه مسج اتصل بيا اتصل بيه وشرين التليفون خالد رد 
خالد : الو ايوه ،،،،،، تمام اهو جايك هيي مسافه السكه 😩
خالد : سامحني يامحمد مش حنقدر ندخلك لي العماره داخل جتني مكالمه وضروري نمشي 😅
محمد قريب باسه من الفرحه ومن اللي سمعه 😂
محمد : لالا مدور شي ياباشا صحيت ☺️
خالذ : هاك سجل رقمي مدامك ضيفنا معناها لازم نوجبوك 😊
محمد : والله زايده معاك يا باشا اهو سجلته الرقم ورشرينت علي رقمي باش نزبطه 😊
خالذ : هي ليلتك سعيده منور ياخوي 🤨👌🏻
محمد : هانيا وليلتك اسعد ياباش 🤨👌🏻
محمد اتصل بي ايه ومشالها يجري
محمد : الو ياحبي وين 🤤
ايه : اهو نستنا فيك انت اللي وين سنه باش تجي 😫
محمد تلاقا مع ايه وكان فرحان قريب يطير 😍 ايه تبكي من الفرحه ومن الخلعه ومن انها قدرت تنقد الموقف 😂
محمد : خيرك تبكي يامهبوله 😌
ايه : مستاحشاتك ياحبي اول مره يفوتو عليا ايام هكي بدون منشوفك 😥😢
محمد : وانا اهو جيتك ومخليتيش هلبا ايام يفوتو منغير متشوفيني 💋
ايه : باهي وانت كيف جيت ومن جابك 🤷🏻‍♀️ و وين قاعذ 🤷🏻‍♀️😳
محمد : جيت في طياره وقاعذ عند وليد صاحبي عنده شقه في تونس
ايه : حبيبي انت علاش متعب روحك وجاي وحق التدكره مش رخيص وتعرفتي منحبكش تصرف 😢
محمد : ت عادي ياحبي فداك اقسم بالله وفدا هالضحكه الي تهبل هدي 🤤🔥
ايه : باهي معاك مصروفك يسدوك فلوسك لي امتى بتقعد ؟؟؟
محمد : والله مش معروف مرات نروح مرات نقول مدام خسرت حق تدكره نقعد وخلاص
ايه : اي اقعذ علاش مروح مستاحشاتكً اصلا انا 🤤🔥
محمد : ياحليلي عاللي مستاحشني نموت فيه انا 🤤🔥
محمد كان ولد علي قد حاله يخدم باليوميه باش يطلع حق مصروفه وايه كانت ديمه ساخفه عليه في موضوع الفلوس حتى هدايا متطلبش منه ولا عمرها طلباته في دينار رغم انه مكانش قفاص معاها ويعطي فيها اللي يقدر عليه لكن كانت ديمه ترفض ومتحبش تاخذ منه لانها متبيش تاخد تعبه وتصرفه هيا عالبارد الحب 🤤🔥
كملو ايه ومحمذ هدرزتهم واحنا نستنو فيهم زي الحراس 😩
جت ايه : قيموني يا بنات معاش قاذره نوقف كان مجانيش السكر اليوم معاش يجيني 😫
انا : هدا اللي يلعب بي ديله كانك مهنيه عمرك راه مش هدا حالك 😒 لا وفوقها توزعلي في اللوكيشن بتاعها فرحانه بيه ريت هالشنزليزي الي قاعدين فيه طايحه توزعيلي فيه 😩
ايات : ايه مشاء الله عليك مازالت السراج بس مجبتيهولناش لي تونس باللوكيشن بتاعك من خليتي وخيتي 😂😂😂
ايه : جديات يابنات شدوني 😫
وطاحت ايه علينا وداخت  😳 جاب ربي في شنطتي في برفيوم قعذت نبخلها منه لين فاقت
اتصلت بي علاء من تليفونها
انا : علاء انت في شقتك ؟؟
علاء : اي شن في 😳 ان شاء الله خير
انا : من معاك 😰😰
علاء : حد بروحي مكسد
انا : باهي افتحلي الباب توا ضروري 😩
علاء كانت شقته في الدور الارضي ذخلت ايه لي شقته فيقناها وصحصحت وطلعنا
وعلاء مش فاهم شي 🤷🏻‍♀️
علاء : خيركم شن صاير 😳
انا : تو نحيكلك غير خلي نروحو توا والصباح رباح 😩
انس بعتلي مشت الامور قلتله 100‎%‎ صحيت 💋
روحنا وماحد فينا رقد هديكا الليله خفنا علي ايه تصير فيها حاجه قعدنا ساهرين لي الصبح الساعه سته بالزبط كيف بنحط راسي توصلني يبعتلي انس عالواتس كلام تقول مقاله 😳 طويل هلبا
وانا من كترت ماوخد فيا التعب مقدرتش نقراه عطيته تم العرض ورقدت بدون منقراه
نضربها نومه من السته لي السته 😫 نضت من مكالمات انس ومسجاته مش ناقص غير هو يطلعلي من التليفون 😳
رديت عليه انا : الوو
انس : حتى كان خديتي قرار المفروض كنتي تقوليلي عليه مش تقري ومترديش تحرقيلي قلبي 😓
انا : قرار شن وكلام شن انت شن تقول ( فايقه دايخه ناسيه حتى انه بعت كلام ومقريتاش 😫
انس : لي الدرجه هدي اروى قلبك قسي عليا لي الدرجه هدي ديري في روحك متجاهله الكلام
انا النوم الي يرقدو فيه الناس مشفتاش انا معاش قادر نفكر الا فيك انا نحبك اروى فاهمه شن معناها نحبببببببببك نحببببببببك 😫😩مرات تقولي هدا يكذب وتسرع وكيف حبني لكن انا نحبببببببك 😫😩واقسم بالله نحببببببك 😩😫ورحمة بوي الا نمووووووت 😩😫في الوطا اللي تعفسي عليها ومنبيش تخليني ولا تباعدي عليا وسكر الخط عليا 😳
مشيت نجري فتحت الكلام الي باعته عالواتس اب
انا من كلامك ليا وسؤالك ان مش داس عليك شي عرفتك عارفه بموضوع زواجي وانا موضوع زواجي والله الا ليه سنين منتهى غير عالورق قاعذه مرتي باقي انا قداش ليا مباعد عليها ومعاش راغبها لكن هيا مهددتني كان نسيبها بتمشي لي امي تقوللها وبترفعلها بنتنا وانا مخليها معاي علي خاطر الشرط هدا و يعلم الله من يوم ماشفتك انت قلبي اول مره يجيه الشعور الي جاه وقت شافك وانا توا مستعد نخسر الدنيا كلها علي خاطر عيونك مبيتش نقولك لان خفت تخليني وانا ماصدقت لقيتك ولقيت عيونك اروى بازم تعرفي ان انا مش حنخليك ولا حنسيبك ومستحيل نرخيك لو يصير في الدنيا هدي اللي بيصير انت ليا ومافيش عنذك خيار تاني غير الخيار هدا فهمتي انا مستحيل نضيعك من يديا 😡🔥
انا نقرا وفاتحه فمي 😳 ليل كامل وهو يبعت في مسجات واصوات واغاني و معاش فهمت شي انا معقوله يطلع كلامه ليا حق ؟؟؟ معقوله يبني ويحبني 😓😓