بعد ما تلاقينا 💔

الجزء 15

روايه #بعد_ما_تلاقينا

الحلقه 15

محمد شاد علي سنونه ويقول : في من نكلم انا 😡😡
انا : خيرك محمد كنا هني في السوق 😅
محمد : اروى منكلمش فيك انا خليها هيا تجاوب قلتي بتروحي. خديتي تاكسي و محطكش في الحوش 😡
انا : ماهو انا قلتلها استني بنخطم عليك 😰
محمد : من هو الي ركبتي معاه في السياره ردي 😡🤨
ايه قاعذه ميته 🙁 وانا ناقش في محمد ونحس فيه بيضربني بعتت مسج لي انس كانك قاعذ قريب ارجع بسرعه
بعتلي انس : شن في ؟؟
معاش رديت عليه فهم بروحه ورجعلنا
محمد : ايه باللهي عليك ردي عليا من خطم عليك من هو اللي مشيتي معاه قوليلي 😣
انا : والله يامحمد الا انا خطمت عليها 😩
محمد : ياودي اللي يسوق ولد متفوتاش عليا 😡🤬 امتى بتعقلي وبديري عقل مش تحبيني انت 😖😩
ايه : انحبك وحق ربي واللي ركبت معاه كان خطيب اروى و اروى
محمد : خطيب اروى من امتى هدا 😫 معاش تزيديني يا ايه جاوبي والله لما نسامحك 😫
علي خشت انس علينا حمدت ربي 😫
انس : خير شن في يابنات ؟؟ 🤨 تفضل ياخوي ؟؟
محمذ : انت اللي تفضل شن تبي ؟؟
انس : انا خطيب اروى من حضرتك تكون هي 🤨
محمذ : يشبح مستغرب 😳
انا : هدا محمد يا انس 😫 شافها وقت خطمنا عليها وركبت معانا في السياره يحسابها راكبه مع ولد 😣
انس : اهاا محمد هو انت اللي مدوخنا سبع دوخات في جرتك 😂
محمد مش فاهم شي واروى همزت انس اللي استمخ في الحديت 😳
محمد : تعرفني انت ؟؟
انس: ياعيني عز المعرفه كبيدت ايه ومنعرفكش 😌
محمد ؛ وانت من تكون مقلتش ؟؟
انس : قلتلك خطيب اروى 🤷🏻‍♀️
محمد مش مقتنع بالاجابه : باهي 😒
ايه : شفت كيف ديمه ظالمني 😫😔
محمد : ياحبي نحبك انا ونغار عليك نتصل بيك ومترديش عليا وركبتي مع سياره وعطلتي وانا هني من بكري نغلي 😰😰😰🔥🔥🔥
ايه : انت مش تغار عليا انت انسان شكاك وذيمه شاك فيا حرام عليك انحبك انا وماعمري حبيت غيرك 😫😫😫😫
انا و انس قريب صدقناها  ((( خاليه قضيه الملاك الطاهر 😂😂))
محمذ : سامحيني حبي انا اسف 😔
انس : خلاص حصل خير ياودي هيا محمد مشينا خلي البنات يركبو 🙂 دنيا بدت ظلام عليهم

انس كيف خدي محمد وطالعين وانا وايه نستنو في الاصانصير ينزل يخشو ماما وبابا (( اااه لو لعبت يازهر 😀))

بابا وقف سلم علي انس : كيف الحال ؟؟
انس : الحمدلله كيف حالك انت ياعمي 😀
بابا شاف محمد : اوووووو حميدا 😀
نسيت مقلتلكمش محمد كان يسكن قبلنا قبل وهو ايه حب من الطفوله وبابا يعرف محمد ويعرف عيلته 😀
محمد مات 🙂 : الحمدلله عمي عماد كيف حالك انت 😀؟؟
عماد : بخير ياولدي في نعمه كيف العيله كلها ان شاء الله بخير وخيرك في تونس ان شاء الله مافيش باس 🙂
محمد ؛ لالا جاي سياحه يومين ومروح
بابا مركزش ان احنا واقفين وان الاولاد الزوز واقفين ومربطش الاحدات بكل لكن ماما طبعاً 😌
جتنا واحنا نستنو في الاصانصير
اميره : الله يبارك علي بناتي بتاع المواعيد 😳😡🔥
انا : موعد شن اللطف ياربي احنا راكبين والولاد نازلين علي حالهم 🤷🏻‍♀️
اميره : محمذ علي حاله صار مش جايك انت ويتبع فيك 😡 تحسابي بتفوتي عليا ومنعرفش انك تكلمي فيه 😡
ايه : سبحان الله ياربي ديمه وانا الصايعه وانا الي مننفعش في هدي العيله اووووف 😤😤
اميره : لا مشاء الله عليك مش جايبا ولد الناس وراك لي اخر الدنيا 😡😡😡
جي بابا ومعاه محمد وانس 😳
عماد : الشباب الليله متعشيين معانا ☺️
اميره : مرحبتين بيهم الحوش حوشهم وليداتي هدو 😄😄
ايه في الوقت هدا بعتت لي محمد مسج
ياريته عشي فضانيتنا 🤤
بعتلها محمد ضحكه 😂
تضحك قول الفال لي عشي فاتحتنا 🤤🔥
محمد : ان شاء الله ياحببي 😄
ركبنا لي الشقه مع بعض وخشو معانا الضيوف ☺️
(( بابا دايرها مرسا الشقه كل يوم عزومه موسع بالها ماما 😂))