بعد ما تلاقينا 💔

الجزء العاشر

رواية #بعد_ما_تلاقينا

الحلقه 10

علاء قاعد يحكي في قصته لي اروى ويحكيلها كيف ان خوه كان مع الجيش و مات تحت القصف بتع الناتو 😓 وكيف هو بعدها اطوع وخش مع الجيش وبعدما تمت الحرب قعدو يدورو فيه واطر انه يطلع من ليبيا شهر 10 ومعاش قدر يرجع تاني 😥 وكيف ان حتى ماليه طلعو منها وهما مشو لي ايطاليا وهو مقدرش يقعذ في بلاد اوروبيه ويبي بلاد عربيه وقعد متنقل بين المغرب وتونس
علاء : وهدي قصتي ياستي 🤗
انا : جديات اسفه مكانش قصدي نقلب عليك مواجع وحاجات زي هدي وربي يرحمه خوك بادن الله من الشهداء 😢😢
علاء : لالا مدوري شي هدا شي عايش بيه انا منسيتاش ومستحيل ننساه 😉
انا : علاء عمرك حبيت ؟؟
علاء : انا كل خمسه دقايق نحب وحذه حتى من شويه حبيت وحذه كانت خاطمه غير منتبهتيش 😂
انا : بطل تسهويك 😂 نحكي بجديات انا جربت شعور الحب ؟؟
علاء : حبيت وجربته الحب بس للاسف نهايته كانت زي النهايات الكلاسيكيه 🤷🏻‍♀️
انا : كيف ؟
علاء : اللي حبيتها يا ستي بوها كان راس كبير في العهد الجديد ولان احنا عيله معروفه وانا شخصيا العبد للله كنت مطوع وهكي فقلها نجوم السما اقربلك منه 😓
انا : باهي وهيا محاولتش دير حاجه علي خاطرك 😫
علاء : لادارت الحق
انا : باهي حلو شن دارت من محاولات 🤷🏻‍♀️
علاء : تزوجت واحذ من بوه يخدم في البرلمان 😂
انا : 😱😱😱
علاء : متستغربيش 😏 البنت ذارت الصح وشافت حياتها وربي يهنيها 🤷🏻‍♀️
انا : انا اسفه علي التدخل لكن مدام حبيتها وحباتك مفروض حاربت حتى شويه 😢
علاء : لالا حربها خاسره اصلاً 🤷🏻‍♀️ وهيا مكانتش حابه تخش حرب مع بوها وتتغرب معاي 🤷🏻‍♀️ هدا الكلام الي قالتهولي رغم انها توا ليها 5 سنوات في استراليا عايشه يالله دنيا نصيبات ونصيب حد ماياخده حد 😉
انا : علي قولتك الدنيا نصيبات وكل حد ونصيبه في هالدنيا 🤷🏻‍♀️
علاء : الي مكدرك هو نفس الموضوع الي سالتيني عليه صح؟!
انا : اي صح 😔
علاء : وخيره حبيبك معاك ؟
انا : هو مش حبيبي كان حيكون حبيبي بس طلع واطي 😒
علاء : خلاص معناها انت قاعذه في بر الامان انزلي من القارب ودرجحيه للبحر 😂🤷🏻‍♀️
انا : مش واجعني هو علي قد ماوجعتني روحي 😓
علاء : كيف 🤷🏻‍♀️
انا : انا انسانه ماعنديش حظ لا في علاقات لا في حب مستحيل نحب حذ وتكمل معاي 😩 لدرجة بديت نخاف نحب وبديت نخاف نتقرب من حد خلاص جتني فوبيا منه الموضوع 😓 لي توا اهو اخر موضوع سبحان الله ربي بعتلي من بينلي حقيقه الولد الي قريب حبيته 🤦🏻‍♀️
علاء : كيف صار
انا : منعرفش كيف صار المهم اكتشفت ان الراجل الي قريب ارتبطت بيه يخذع فيا وطلع متزوج 🤷🏻‍♀️
علاء : تقصدي انس ؟؟
انا : وانت كيف عرفت ؟؟ 🤦🏻‍♀️
علاء : نعرفه انا علاء احنا هنا كلنا نعرفو بعض وحتى هو يعرفني بس ديمه احنا الاولاد نديرو في جو ان مش منتبهين لي بعض من هدا ومن هداكا
انا : انت تعرف انه متزوج حق ؟؟ 😳
انس : اي متزوج وحده تونسيه عندها جنسيه فرنسيه يوم في تونس وعشرا في فرنسا 😉
انا : زعمه علاش دس عليا حاجه زي هدي حرام عليه انا سلمت روحي ليه 😔😢
علاء : متظلميشي الولد مرات قصده شريف معاك وعجبتيه ودس عليك لان ميبيش يخسرك 🤷🏻‍♀️
انا : مش مقنع السبب مفروض مقربش مني بكل مدامه هو متزوج 😔😢
علاء : عنده صاحبه صاحبي هلبا تبي نكلمه نزيد نقصقصه عادي 🤷🏻‍♀️
انا : ترا اتصل بيه 😔
علاء : الوووو دوله ت وين يامعفن مش بنسهرو مع بعض
الدوله : والله الا ظروف يامعلم بنكلم ومعاش فضيت
علاء : شن داير وشن امورك
الدوله : ماشيا يامعلم شن اخبارك انت
علاء : والله الا في نعمه ،، امس قابلني صاحبك ذاير الحوله والشحطه قوله ارتخى راهو الاعصاب كان تقطعو معاش في شن يربطهم 😂😂😂
الدوله : من مني صحابي كلها تفشك علي بعضها ياخوي الله غالب وخلاص 😂
علاء : ت هداكا الي متزوج التونسيه المتجنسه
الدوله : اهااااا انس
انا هني زدت تاكدت تقول في حد غرس موس في نص قلبي 😓😓
علاء ؛ اي هو هذا شن اموره هو وياها خلي نخشو علي تونسيه حتى احنا كان هدا
الدوله : والله الا مسافره هيا الفتره هدي قال قاعذ بروحه امس في الليل كنت ساهر عنده شكله مكبد علي وحذه والا مش عارف خيره طول الليل شادلي النت والتليفون حتى بنات مخلاناش نجيبو ليله فاتت نكد في نكد 😏😏
انا ردت فيا الروح شويه 😅 وخليت علاء قبل ما يكمل مكالمت بعتت لي انس عالفايبر بسلامتنا احنا البنات قداش ما خفاف : اسمع نسهرو الليله كانك فاضي :؟؟
اتصل بيا يجري فصلت عليه وبعتله منقدرش نرد ابعت مسج
انس : اكيييييييده ت انا مستاحشك وقريب يضربني الاكتئاب في جرتك 😔😫
انا : خلاص موعدنا زي كل مره الساعه 12