بعد ما تلاقينا 💔

الجزء التامن

روايه #بعد_ما_تلاقينا

الحلقه التامنه

نلقا واحد من جماعه ايه مقعمز علي الدرج بتع العماره 😳😳 شفته وليت لي الشقه خفت ضبح عليا تجمدت في مكاني 😰
هدا واحد من اللي تعرفهم ايه وكان يموت فيها والمشكله انه مش حد ساهل بكل مليشياوي معروف هلبا وراس كبير 😫 هو اسمه حسن لكن ملقبينه بالقياده 👨🏻‍✈️
حسن : اروى تعالي وين هربتي 🤨
انا : اااااه اااه لالا مهربتش نعم خير شن في 😰
حسن : غير قولي كيف حالك بعدين قصقصي 🤨
انا : لا مش قصه قصقصه غير انت خلعتني الحق 😰
حسن : شن قالولك غولى انا 🤨
انا : لاااا لااا حاشاك مش هكي القصد 😰
حسن : وين اختك ليها تلاته ايام متردش عليا تبيني نهبل هدي والا خيرها 🤨😡🔥
انا : ايي اييي ايي اييه طالعه مع ماما وبابا 😰😰
حسن : وخيرها متردش عليا يا اروى انا نحبها اختك هبلتني في جرتها نجري وماندري مخلي البلاد قايمه حرب وانا جاي نجري وراها زي العيل 😫😓😤 راني راجل عندي وزني وكلمتي في البلاد عيب اللي دير فيه اختك عييييييب 🔥🔥
انا : والله ياحسن مانعرف خيرها ومدوتليش فيه بكل الموضوع 😰😰
كنت كيف نكلم في انس وقلتله اهو نازله ويتصل مقدرتش نرد عليه ولما عطلت عليه ومنزلتش ومعاش رديت ركبلي ولقاني واقفه عليه 😫
انس : اروى خيرك عطلتي  😤🔥
انا فرحت وفي نفس الوقت قلت شن بيحزها معاه هدا توا بيقولي من هدا ومن وين تعرفيه وعالم لكن المهم نقدني قبل لا يتفجر عليا القياده 😫
حسن : مستحييييييل انسسسس 😳😳
انس : قياده 😳😳
انا هني مازال شويه ونشخ علي روحي (( عيله كلنا نخافو نشخو 😂😂)). هدو كيف طلعو يعرفو بعض غباره 😫
حسن : تي وين وين ياباشا 😃😃
انس : قاعدين ياقياذه عاد انت الباشا توا الدوله ليكم احني خلاص معاش بشاوات 😄😉
حسن : ت والله باشا وتقعد باشا لين تفنا الدنيا 😉😉
انس : حبيبي واللهي احلى قياده 😘 كيف حالك وشن امورك وشن صاير في البلاد شني منعت منها وخليتها خايضه والا كيف 😂😂
حسن : ت عيب ياراجل راني القيااااده مش اني اللي نرخيها 😉 غير عندي مواضيع هني نتم فيها ومولي حاجة يومين بس البلاد عالقه طواريء زي ماتعرف 😫🤯
انس : ت لالا والله ماك مروحها يياقياذه اقل شي اسبوع في ضيافتنا ياراجل متجيش عيب في حقي 😡🤬
انا في خاطري انس غير راك تسكت وتهنيلي الرجل البدوي اللي طلع فيك توا وتبي تبنيله خيمه وتبيته عندك وتدبحله خلي البلي ينزرف يروح من علينا 😫😫
حسن : ت نقول البلاد عالقه طواريء ياراجل واقفين علي رجل وحده الشباب هربت منهم هروب باش قدرت ناخذ طياره ونجي هني 😩😫 نوعذك حاجه شهر تاني نجيك والله ياغالي 😉😘
انا هني ارتحت اطمنت انه مش معطل 🙂
انس : اروى وين سرحتي 😜
انا : لالا مسرحتش نسمع فيكم كيف تهدرزو ☺️
انس : مقلتليش قياده مأجر هني انت والا شن جابك ☺️
انا همزت لي حسن قلتله قول اي 😰
حسن : اي ماجر هني ولقيت البنت هدي قعدت نسال فيها علي مكان قريب من هني ناكل منه 🙂☺️
انس : ت من عيوني احلى مكان اليوم ياكل فيه احلى قياده لي الصبح 😉
حسن : لاالا والله ماني متعبك تو نمشي بروحي 😃
انس : والله ماك متحركها الا معاي ت عيب ياراجل راك ضيفنا😡🔥
بعتت لي انس مسج : تقدر تفكنا منه دور البدو الي عايشه وتخلي الراجل يمشي علي حاله ونطلعو احنا علي حالنا 😡🔥
رد عليا : اسكتي انت مش فاهمه شي هدا طاحلي من السمي 😉🤤
طلعنا انا وحسن وانس وانا طول الطريق ساكته ونبلع في ريقي وخلاص 😩😩 بعتت لي ايه مسج كتبتلها : يابتعت البلي الاسود ارزيني فيك كان تشوفي شن صاير 😩
توصلها المسج من هني ومعاش تبطل مكالمات بكل مقدرتش نرد لانهم جنبي قاعدين 😩
وصلنا لي المطعم وقعمزنا شويه ونضت
انا : نستادن انا شويه بس ☺️
انس : اوك رورتي ادنك معاك ديري بالك 💋🤤
فرحت وحصلت فرصه باش كلمت ايه
انا : الوو ياغبارتي وغبارتك السودات النودات الحرفات الغبرات 😫
ايه : خيرك شن في طيحتيلي قلبي 😰
انا ؛: هو انت تخافي والا عندك قلب باش يطيح يابتعت العمل 😡😫
ايه :هيا قوليلي  يابلوه شن في 😰
انا : حسسسن 😫
ايه: من حسن 😳
انا : القياده يابلوه 😫
ايه : ووووووه عليا مات عرفته بيموت في الجبهه غباره ليا تلاته ايام منردش عليه مات زعلان مني 😰😭😭
انا : ياريتك انت الميته قولي امين اما مات عدا جاك هني لي تونس وتوا مقعمز ياكل معاي انا وانس يتسمسم يعطيه سم في بطنه 😩😫
ايه : قولي انك تكدبي قولي حاجه غير هدي حيييي عليا بطني توجع فيا نبي نروح جاي بيقتلني هدا 😭😭😭
انا : توا اقلبي وجهك انس خاش عليا انتظار عطلت عليه يحسابني موتت 😫
فصلت علي انس الخط ورجعت لي الطاوله قعمزت
انس : خيرك عطلتي نحسابك رحتي 😂
انا : لالا كنت نكلم في ايه تعرفها دوتها هلبا ومواضيعها ميتموش 😒
انس : لا وين بيتمو مواضيعها هيا والاستاد محمذ وكل يوم قصه جديده وخلعه جديده في جرتهم 😂😂
حسن غص بالماكله لين شرق وقعد يكح وقت سمع اسم محمد معناها ايه في حد تاني في حياتها 😰😫
انا قعذت نهمز لي انس بتع اسكت خلاص سادك فضايح مفهمش شي لكن سكت بعد مافلق البيعه 😰
حسن : انا نستادن عندي موعد ضروري توا معاش نقدر نقعد 😡🔥
انس : ت غير بالشويه ياقياذه نروحو مع بعض ياراجل 🤨
حسن : لالا والله مافيها كيف معاش قاذر بنروح 🔥🔥🔥🔥
طلع حسن وخلانا انا وانس انس مش فاهم شي من الموضوع
انس : تعرفي هدا كان نملكه في صفي ليبيا نروحلها اليوم قبل غدوا تحت حمايته كبيرهم ميقدرش يقول معاي بغ 😌🤨
انا : اهو صحاب انتم كيف كان تملكه 😒
انس : لالالا لاصاحب لا واحد انا نصاحب حرايمي عايش علي الاعتمادات ومص دم الناس زي هدا ولا عمرها تصير انا انس ليا مكانتي شخص متعلم متقف 😌😌 شن جابني لي بتاعين الشوارع الي ماشافوش ورقه الخمسين الا بعد 2011 😏
انا : باهي كيف بتملكه كان مش حتصاحبه 😫
انس : ت لا مش هكي هيا يامهبوله لازم ندير معاه جميل ويشبحلي بيه بعين كبيره باش يدير علي خاطري حاجه زي هدي 🤨
انا : اهاااا فهمت عليك باهي هيا نوض روح بيا انا خلاص اعصابي توترت من ايه اختي نفختلي راسي 😩
انس شدلي يدي وبصوت واطي : تعالي نديرلك مساج ونرخيهولك اعصابك 🤤🔥
انا : مش وقته انس جديات نبي نروح 😩😫
انس ضبح علي السيرفيز بيخلص قاله الحساب خالص 😳
انس : شفتي كيف ميبينيش ندير عليه جميل حتى في عزومة مطعم صاعبين هدوووووم ميقدرهم حد 🤬
انا : هو اصلاً القياده من يومه هكي بنداق وميحبش من يدفع عليه وهو يمشي وفلوسه يمشو قبله 😒
انس : 😳😳😳 وانت من وين تعرفيه
انا تزرطت معاش عرفت شن بنكدب 😩
انا : هدا راجل معروف في ليبيا وكلهم يهدرزو عليه وصيته عالي يعني شخضيه مشهوره مش فرد عادي 😒
انس رغم انه مقتنعش بكلامي لكن هز راسه بي باهي باهي
نضنا وروحنا واول مفتح الاصانصير لقيت حسن مقعمز نفس التقعميزه علي الدروج ويستنا 😨😨
انا كيف بنخش الشقه وفوته 😩
حسن : شني مالا شفاف متشوفيش فيا والا شبح 😡
انا : اسمع مشكله بينك وبين ايه تنحل بينك وبينها انا ملياش دخل 😭😭
حسن : كيف مليكش دخل انت اختها وانت صنذوق اسرارها ولازم تفهميني توا من محمذ هدا 🤨😡😡🔥🔥🔥 راني نغلي اختكم بنقتلهالكم راه فاهمه بنقتلهااااااااااا 😡😡😡😡🔥🔥🔥🔥🔥
قعد يعيط عليا وصوته مسموع في الدنيا كلها انس يتصل ومنبيش نرد عليه 😰 تحملت العياط والتهزيب المهم انس ميعرفش ان ايه علي معرفه مع الشخص هدا بدات بعد محكالي عليه 😔
علي جيت الولد الي ديمه نلقو فيه لقاني واقفه نبكي 😭😭😭😳 وحسن يعيط وكانه في ذوامه مش قادر حتى يسيطر علي روحه  😡😡😡😡🔥🔥🔥
الولد : اروى خيرك شن في خيرك تبكي 😨😨
انا نشبح لي حسن ونرعش 😰😰
الولد : ت خيرك انت عياطات وعار وييييييين تحسااااااب روحك في ليبيا بتاعك يتاع المتقربعين 😡😡😡😡
حسن : انت عارف روحك مع من تتكلم والا نعرفك 😡🔥
الولد : تفحيجك هدا ديره في ليبيا لما تبدا راكب المصفح ومعاك تلاته صبيان وكلاشن لكن هني مافيش الا التريس 😡🔥
حسن : نحي من قدامي خيرلك راهو اقسم بالله مندير فيك طيب 🔥🔥😡😡
الولد : كانك راجل حق انزلي لوطا 😡🔥 وبعدين كانك راجل راك مش جاي لي المسكينه هدي بروحها وتتمرجل عليها 😡🔥
حسن : ماعندكش علاقه بالقصه ياراجل اطلع منها 😡🔥
الولد قعد يكركر في حسن من سوريته وينزل فيه ويقوله انزلي انزلي متدويش دوه بس
الولد التفت عليا وقالي خشي انت لي الشقه ومعاش دوري شي
خشيت نجري لي الشقه نبكي رجليا مش قايميني 😰😰😰 رديت علي انس يعيط هو التاني : خيرك مترديش 😤
انا : كنت في الحمام 😒
انس : خيرك تبكي والا شن 😳
انا : لالا منبكيش وخنقتني العبرا وقعدت نبكي بصوت عالي 😩😭😩😭😩😭😩😭
انس : ت خيرك يابنت شن فيك ادوي من جاك في العماره والا في اشقه خليتك مافيك شي 😳😫😰😰
انا : مافيا شي ولا جاني حد مريضه بس ظهري نحس فيه قاتلني من الوجع 😭😭😭
انس : قولي هكي من الاول خلعتيني تو نبعتلك دواء وحاجات تانيه 😜 وان شاء الله لاباس عليك ارورتي 💋
انا : لالا متعبش روحك تو ناخد بنادول ويمشي حالي 😒
انس : قلنا تو نبعتلك انا دوا يالله بري توا ريحيلي روحك ولما يروحو خواتك تو يوصلك الدوا معاهم 💋
خشيت لي دار ورقدت تحت البطانيه بحوايجي وانا نبكي ومش مبطله بكي بعدين نضت بدلت حوايجي ورجعت لي مكاني قعدت نبكي 😭😭😭😭😭
علي خشت ماما و ايه وايات 😫 مخلوعين حتى هما 😰
ايه : اروىىى وينك 😳😳
انا مرديتش عليه خشت عليا في الدار لقتني نبكي ومكلمتهاش ولا شبحتلها 😒
ايات مش فاهمه شي 😓 تبدل في حوايجها وتهدرز وجوها مليح
ايات : حيييي كان تشوفي يا اروى لقينا زوز ليبيين يتعاركو لوطا 😱 بابا قعد معاهم وقلنا اركبو 🤷🏻‍♀️
ايات قاعده تهدرز بروحها ماحد يرد عليها 🤷🏻‍♀️تعرفي العركه بين مني ومني جارنا هداكا الي خشيت لي حمامه واحد تاني لكن مش عارفه وين شايفاته التاني 😏