بعد ما تلاقينا 💔

الجزء السادس

روايه #بعد_ما_تلاقينا
الحلقه السادسه

بعتله :  توا هدي ؟؟ 😳
انس : اي😂
انا : تبصر انت شن جابك هني 😳
انس : جبتوني انتم 😂
انا : وين انت ترا 😳
انس : اشبحي وراك 😉
تلفتت لقيته هو ومعاه صحابه وانا ميته رعب 😓
مشيت نجري لي ايه
انا : ايه تعالي شوفي من في هني 😳
ايه : حي هدا انوسي الصاروخ ومعاه زوز صواريخ تانيات وين يدسو فيهم القطع هدي🤤
انا : انا وين وانت وين مفضاك ياحماره شن جاي يدير هني هدا 😩
ايه : جاي يشم في صنتك عن بعد 😂
انا : تعرفي قتلك من الاول منبيش نزيد معاه الجو اهو شوفي جو المراهقات الي بيبدالي فيه 😒
ايه : بلا كدب شن مراهقات نعرفك اختي تموتي فيه الجو هدا ردي بالك تجي تقوليلي حبيته يا أيوو ياوخيتي 😂😂
انا بعتله مسج عالواتس
شن قصدك بيها الحركه هدي 😡
انس :???
انا : علاش متبعني وجايب صحابك معاك 😡
انس : اه طلعت نتبع فيك توا !
انا : اي كان هدا شن جاي دير هني !!
انس : عادي مرات مستاحشتك🤨
انا : اطلع منها البيبان هدي جو قديم هدا 😒
انس : اهاااااااا تمام تمام 😡🔥
طلع انس من المكان و واضح انه طلع متتعفلق حط غله في السواقه نسمع في صوت التصطريب بتع السياره ونقول ياربي استر 😫
روحنا لي الحوش وانا نادمه علاش قلت هكي وبعتله عالواتس مردش 😒
بعتلي الساعه 10 مسج : ترا ابعتيلي واتس اب اختك ايه لو سمحتي
بعتتله الرقم ومزدتش عليه حرف 😏
ايه : شن يابنات مش بنطلعو 🤷🏻‍♀️
انا : لالا ماعنديش جو اطلعو انتم 😒
ايه : تي غير هيا بلا جو انوس قالي الساعه 12 نخطم عليكم 🤗
انا : ترا احلفي ☺️ باللهي ☺️ وااااو ☺️
ايه : خيرها هدي 😩
انا : واللي بكري يسطرب عليا وميردش تبيني نطلع معاه توا ☺️☺️☺️
ايه : غير بلا جو الزفت متطيريهاش النيه من الطلعه 🤦🏻‍♀️😫
انا : انا مش طالعه 🤗 بتطلعي انت هوينا قدامك 🤗 خودي ايات واطلعو 🤗
ايات كانت غاطسه في تليفونها ولما سمعت كلامي قتلي : لالالالا رجلي علي رجلك بتمشي نمشي متبيش قاعده حتى انا 🤗
ايه : اصلاً في ناس يجري في دمهم النكد 😒 خلاص اهو بنبعتله مصارلناش ونعتدرله 😒
انا نحسابها بتزيد تشد فيا لين نرتخا ونقول. باهي تمشي تعفس فيا 😂😂😂😂
ايه : باهي خلاص نطلعو بروحنا وخلاص وجوه نكد انا بنوض نطلع شن نلبس 😩😒
انا : باهي تمام حتى انا نوض نحط ميك اب 😑
جوي تلخبط كنت عابيه علي سهره مع انس نمشي نعفس في الدنيا كلها 🤦🏻‍♀️ ايه ولت لي فراشها وبدت تصور 😳
انا : مش بتنوضي توتي روحك 😫 شن خطر عليك توا 😒
ايه : نصور لي محمد يابنتي عارفتيه بعد مايروح من الخدمه بيقولي ابعتيلي صورك احتياطات امنيه 😂
انا : اقسم بالله الا واجعني يحساب روحه كابس عليك 😫 ميندريش عليك ترقصي ليبيا علي رجل 😫
ايه : علاش واجعك نحبه ونموت فيه وهدا كله ميعتبرش خيانه راه 😅
ايات : اه شن يعتبر كسكسي بالحوت 😃
ايه : نا نا نا نا 😒 يعتبر طريحه رباش قبور بنجي نعطيهالك توا 😡🔥
انا : هيا باهي خفي روحك 😑
وتينا روحنا ولبسنا ونزلنا لقينا الولد جارنا واقف لوطا الولد هدا طالعلنا في البخت كل مانركبو والا ننزلو نلقوه 😒😳
طلعنا من البوابه بتع العماره نلقى انس مدرس و واقف جنب باب السياره فاتحلي الباب وشاد زوز وردات حمر لابس سوريه بيضا وسروال اسود وبطمه السوريه الفوقيه مفتوحه 🤤🔥
ايه تشبحلي وتضحك : خيرك 😂
انا : شخيت 🤤🔥
ايه : هيا باهي تعالي اركبي بنغيرو المكان اليوم 😩
انا : اكيده مش حنركب بناخد تاكسي 😑
انس قرب جهتنا وقربت معاه صنته حيييييييي عالبرفيوم الي حاطه زدت ذوبت🤤🤤
انس : باتركبي معاي والا بتركبي لي الشقه اختاري 🤨🔥
انا : ايه انا بنمشي بتمشي معاي ؟؟ 😡
انس : بتمشي وين علي خير 😂
انا : انت مدخلكش 😡
انس فنص فيا انا خفت تعفلق واضح عليه🔥😡 مسك اعصابه واهدي شويه وهو ضاغط علي سنونه 😡🔥
انس : اروى بتركبي والا كيف توا 🤨🔥
انا استغربت هدا كيف جاب اسمي 😳 لان علي قد ماعترفت بي كل شي مقلتش اسمي 🤷🏻‍♀️
انا : كيف نركب وانت حتى واتس متردش عليا 😏 مش متبيش تكلمني خلاص خليك ع موقفك 😑
انس: والله كان وحذه تانيه دارت هكي ماعاد تشم صنتي 😡 وقرب من ودني وصوت واطي لكن معاك مقدرتش سحرتيني 🤤🤤
انا منحكيلكمش عالشعور في اللحظه هدي لحمي كله ناض شوووووووك اااااااه ياقلبي يامسكين وخلاص 🤦🏻‍♀️
ايات كالعاده غاطسه في تليفونها قامت عيونها فينا 😃
ايات : بديرو حل توا والا بتستنو لين ماما والا بابا يطلو من روشن الشقه 😂😅
ايه : هيا اركبو وانتو ساكتين 🤗😃
انا بعتت لي ايه مسج : تو نوريك يا مشايخ القبايل انت يا بتاعت المصالحات الوطنيه يابتاعت حقن الدماء 😫
ايه بعتتلي : زعميته مخاطركش حتى انت 😂😜
ايه : هيا مسجل لو سمحت ☺️
انس : فكينا من اغانيك ماعندكش حل وسط ابداً
ايه : سمعنا علي دوقك انت 🙂
انس : بنسمعك اغنيه يا ايه ونبيك تركزي فيها كويس 🙂😌
ايه : مركزه حتى انا يا انوس متخافش 😂😂
طبعاً هما الزوز يلقحو عليا وانا دايره الحوله 😃
فتح الاغنيه وبدت
ياقمر نزل علي الارض كرمال تسأل لحالك سؤال من هيا الاجمل منك 🎶🎵
بأكدلك محلك راح تعطيها 🎶🎵
وبدك تاخد رضايي تتححاكيها
هلق شوفا حدي هيييي ومخبيا راسه فيا 🎶🎵
لكيا مستحيييييي 🎶🎵
بي ربك حادا قدي بيحببببببك 🎶🎵
حتى القمر علي الارض بنزلللللللك 🎶🎵
انس يغني ويعيط مع الاغنيه هو وايه 😂
وانا الشعور الي جاني مش مفهوم كأنه نصيف يغني عليا وجديات شعور مش طبيعي جاني تجاه انس 🤤🔥
من اغنيه لي اغنيه وجو حلو ومره مره نلقا روحي سارحه في انس 🤤 لين وصلنا 😌
انس : يالله برنسيسات تفضلو ☺️
انا قصدك حني بنخشو هني 😳
انس : جايا هني من قبل ؟؟
انا : لالا نسمع بيه بس 😅
ايه : وووووووووووه انوس اقدع واحد فيك يا ليبيا 😌😫
ايه فاتحه فمها قداش ليها خاطرها تجيه 😳😨 تمشي تعيط عيطه وحده نحسابوها هبلت 😱🤯ومعاش بطلت وهيا تعيط وتشكر ودايره العار
انا بعتلها مسج ارزني ياجعانه درتي العار😡🔥
ردت عليا بصوت ونست روحها خليني في حالي وبطلي الجو 🤤🔥
انس استغرب انا شن قلت باش هيا ردت هكي 😅
خشينا لي المكان كان يهبل الحق دنيا شايشه 🤤الداخل اول ماخشينا وشافو انس قاموها بينا تقول الا رئيس دوله خاش عليهم 😅 طول رفعونا لي جهة vip 🤩⭐️
اغاني ودنيا مقلووووبه وناس تتراقص والحكايه نايضه اول مره ايات تلوح تليفونها وتركز في حاجه غيره 😂
جت اغنية مدايم والووووووو بديت انا وخواتي نغنو فيها وخلاص معاش طاقنا صبر 🔥🔥
ناضت ايه ترقص ماحذ يقدر يشذها 😂 لحقتها ايات مش لانها بترقص من باب الفضول بس تتفرج مش فاهمه شي 😂 انا كيف بنلحقها شدني انس من يدي 🤯
انس : وين 🤨
انا : بنمشي نرقص هيا حتى انت نوض 😃
انس : وكان قلتلك لا 🤨
انا : العفو خيرك جايين بنغيرو جو احنا والا بنتعاركو تاني 😃😂
انس : قرب مني وشوشلي في ودني كان علي تغيير الجو انا نشوفك يتغير جوي ياجوي 🤤🔥
لحمي شوووووووك لين رعشت سكتت وقعذت واقفه في مكاني 😫
انس : ارقصي هني جنبي خليك متنزليش 🙂
انا : لا نبي ننزل باللهي عليك 😫😰😭 شويه ونركب 😭
انس : انت شايفه روحك شن لابس وجسمك كيف طالع نار 🔥😡
نسيت مقلتلكمش شن لبست 😃 ليقن لونه اسود وعليه كت ابيض وصندل احمر وروج احمر ومركبا ظوافر طوال حمر  الدنيا احمر في احمر 😂🔥 وشعري مخلياته مفتوح 😌
انا : باهي خلاص قعذنا ها 😒
انس : اهو بطرم شواربها 😫 هما مطرمات مش لازم اطرميهم اكتر من هكي 😂 خلاص هي تعالي ننزلو 🤨😃
انا فرحت ونزلت قعدت نرقص انا وايه نص الناس عيونهم علينا😳🔥 تقول اول مره يشوفو زوز يرقصو انس طارتله خداني من يدي 😡🔥
انس : هيا تعالي خلاص سادك 😡🔥
انا : مش فاهمه شي اوك هي 🤗
قعمزنا علي طاولتنا جي واحذ وقف علينا
ادم : اووووو انوووس تي وين ياغالي 🤗☺️
انس : قاعدين ياباشا تو ندورك ياغالي ☺️😉
واضحه توزيعه من انس لي الولد 😀🤣 احي محرها جاته سنون 😁
ادم : معرفتناش من السنيورا 😀
اما في ناس مبرد وجهها وزعه وقاعذ لاصق 😫
انس : قتلك تو نذورك يا حبي مدورش شي بالك ناقصاتك حاجه 🤨🔥😉
ادم عرف ان انس تعفلق عطاه بوسه من بعيد وغمزله ومشي وخلانا
انا : عيب علاش درت هكي للولد 😇
انس : والنبي وجعك 🤨 الحقيه راضيه هوينا 😡🔥
قعد يضبح يا ادددددم تعالى يا اددددددم طبعاً هو يضبح وعارف ان الصوت مش حينسمع من الاغاني ال ي قالبه الدنيا لكن دمه محروق فش غله في العياط بالاسم وخلاص 😂😂😂😂😂