حب من فجوة الضلمات

البارت الثالث والثلاثون

حضنت عمتي حيل واني ابجي

جوري :- عمه مااريد ازوج فدوه فهميهم مااكدر انسه كرار ليش ميحسون بيه

ام كرار :- يمه كرار راح وانتي بعدج زغيرونه شفوي حياتج يابنيتي

رسل :- اي جوري عيشي حياتج جان حلم كرار يشوفج فرحانه  واسفه لان غثيتج بحجي بس والله من حركه كلبي

حضنتهم حيل عمتي راحت كعدت يم النسوان ورسل ومريم طبو اجتي تقى وهيه جايبه بدله كلش حلوه البنات ضلو صافنين عليهه

جوري :- هاي منو جابهه اني ماحاجزه

تقى :- هاذه ايهم هسه دزهه بيد ابن عمه

مريم :- اي عمي والله وذوقه يخبل  والدليل اختياره الجوري 

انتباهي كله جان لرسل جانت بس تباوع وكلشي ماتسوي ادري جان عليهه صعب بكد ماهوه صعب عليه واضعاف هم بس شلون عرفو ملجتي اليوم ومنو الي جابهم

لبسوني البنات ومكيجني هنا نزعت الاسود بس هم راح انزع احزاني ويه الاسود لو راح يرجع لحياتي خلصو واني ماريد اشوف نفسي اجتي امي اخذتني

اول ماطبيت الجكليت كام يطيح عليه مثل الحجاره حته النسوان كامت تهلهل

كعدت وبدت العالم تركص عمتي ورسل راحو اول ماطبيت شكد حسيت اني خذلتهم همه الي وكفو وياي بااصعب ايام عمري واني بيمن جازيتهم

شويه وكالو اجه السيد وراح يعقدلهم اهنا ذكرت كعدتي اول مره هنا وبهاذه المكان ويه نفسهه هاي دموعي بس جان العكس رايده ايهم وكرار الي كارهته

وكفت وره الباب ودموعي ابد ماوكفن شكد اتحملت وشكد راح اتحمل راح اكدر اصبر عله انتقام ايهم مني وكرهه اليه لو ربي راح ينجيني شو ضامتلي دنيتي بعد وشنو الي راح يصير

نطقت بكلمه نعم وانت وكيلي صارت الهلال والجكليت انطش واني بغير عالم الناس تباركلي وحسبالهم سعيده بحياتي واني اريد اكول مجبوره غمضت عيني وصار كرار كدامي بجيت كدامه وهوه ابتسملي

فتحت عيني والكل يسأل شنو هاذه البجي والي يكول فرحانه والي يكول ماتريده والي يكول لان راح تعوف اهلهه

كعدت واني كلبي يبجي من جوه شويه ودخل ايهم وهوه فرحان ويضحك ضحكت الانتصار كدرت ياايهم تكسرني واثبتلك هاذه الشي شنو الي وراك ليش عفتني باصعب ضروف حياتي وهسه رجعت اذكرت

شنو الي بالك وتريد تفذه كعد يمي باوعلي وحجه بصوت ناصي

ايهم :- ليش تبجين منو الي زعلج

جوري :- ايهم انته اخر واحد تسأل هاذه السؤال بس اريد اخلص واكوم

ايهم :- ليش كارهتني ياجوري اني ايهم لونسيتي

جوري :- اي ياايهم نسيت بيوم الي عفتني ورحت بيوم الي مسألت شراح يصير بيه وانسحبت وعفتني محطمه