#رواية بنت التونسية لكاتبه🌺 najah_alhaj (مكتملة)💚

40والاخيرة(الجزءالاول)

قربت منه وقعمزت ع فخده ولفت يديها ع رقبته_ تو انا نحبك. بناديك بالي يعجبني..مالياش علاقه لو انت ماتحبني وماتحسش في شي ناحيتني..المهم اني انحبك...
عادل_ من قال اني مانحسش في شيء اتجاهك لكن المسمى يختلف عندي اسمه موده ناتجه عن تعايش وتفاهم بينا..بسبب التعود..
هدايه_نحت يديها_يعني لو كانت وحده ثانيه حتحس بنفس الشيء ..
عادل_تردد ف الاجابه..مستحيل حيحس بالي يحس فيه لو كانت وعده ثانيه مكان هدايه_ اكيد..لكن لازم يكون فيه تفاهم بينا زي الي موجود بيناتنا..
وقفت هداية ومشت للحمام جري
هدايه_ اتكت ع الباب تبكي _ كلامه واعر ويوجع هلبا ..امغطيه فمها بيده عشان مايسمعها...
عادل_ يطق ع الحمام_هدااايه ...انتي كويسه...خيرك ..شن فيه...انتي تبكي.....ردي الزح...هدااااااااايه..افتحي المكسور...
هدايه_فتحت الباب وراسه ف الارض..._مافيا شيء..وفاتت شدها وحضنها من الخلف
عادل_علاش زعلتي..هالكلام حاكيهولك من قبل الحب كلامه مش ليا...انتي عارفه من الاول ووافقتي...ولو زعلتي لانك تبي تناديني حبي ..نادي كيف مايعجبك بس ماتزعليش..
هدايه_بعد عادل..بعد عليا...
عادل_طلقها..._ايه عاد علينا بدينا ف النكد..قلتها ونعاودها كلام حب متراجيشي مني لاني مش حنكدب عليك ..ومشي....
هدايه__ ف خاطرها..ماتقولاش ماتقول شيء بس ماتقولش اني اني زي غيري اي بنت حتسد مكاني...اني مش فارقه عندك لو كنت اني مرتك او وحده غيري ..اسكت بس ومعاش تجرحني بس....وتنهدت ورجعت للحمام كملت بكاها وغسلت وجهها...وطلعت ..جهزت كل شيء لغدوه..وخشت رقدت جنبه اول ليله من لما تزوجوا ماترقدش ف حضنه...
.......
نضت الصبح بكري جهزت روحي انا وطلعت شفت ياسر جاهز.
انا_الفطور واتي في السله طلعه تو نفطروا غادي
ياسر_باه بسرعه ماطوليش
انا_انلبس ادم وانجي..
خشيت غيرت حوايجي ولبست زي مالابس هو سروال اكحل وبلوزه سماويه فيها حزام بيج ..وشاح بيج وكندره بيج ولبست عليهم عبايتي..ولبست ادم سروال اكحل ..تيشرت سماوي ومداس بيج عمره ست شهور تو..
طبعا ياسر لابس نفس الالوان لكن القبعه كحله..خشيت لداره دورت لقيت قبعه بيج خديتها وطلعت..
ياسر_هاتي عليك..خداه مني وركز ف حوايجه ابتسم..._شن هالحركات ياولد
انا_ نلبسوا زي بابا احني..
ياسر_ ههههه وماما شن وضعها..
انا_تو تشوف _هيا امك تستنى ..
ومشينا لحوش عمي..نزلت ركبت في الكرسي الخلفي ورا ياسر و ادومي معاي..
ركبت ع وفاء صبحت عليها وركبوا توؤم الشر ..
ربا_انا نبي الشباك
روابي_لا ياسر كلمها..انا حزته قبل..
ياسر_اركبي انتي وياها شن تحاسبوا روحكم صغار..السنه هادي بتخشوا للكليه وامل نديدتكم ف السنه الثالثه..
ربا_ف المرواح انا بنركب حدا الشباك..وركبت جنبي
وروابي جنب الشباك..
انا_كملتوا نقدر انصبح تو..
ربا_هههههه صباح الخير ياعروس..
روابي_ ماعندكش حق يام ..المفروض خليتي العروس جنب راجلها..
انا_قرصتها من خلف ربا_وهمست_تحشمي..
روابي_ الحق عليا نبيك تقعمزي جنبه..
ع وفاء_كان تبيه ننزل..
انا_هدا مكانك ياعميمه وماحد ياخده..
ع وفاء_ ربي يحفظك بنيتي زين ما احتارلك جدك يا ياسر..
ياسر_ الحمد لله...
وصلنا للحوازه نزلنا كل شيء خشيت نحيت العبايه..
وطلعت ناخد ف ادم من ياسر
روابي_صفرت_اييييييوه يا ..يهبل منظركم..هات نقالك نصوركم..
مدلها ياسر التليفون ..وصورتنا كدا صوره
ع وفاء_الصلاه ع النبي ..خشي بنتي بدلي ..تو نعينوكم..
ياسر_لا خليها ..تو نرقيها..
ربا_اسمعوا من تو رومنسيتكم خلوها لحوشكم ايووووه فكونا عاد
ياسر_شاد ضحكته _ربااااااااااا راه خيرلك..
خشت ربا جري
انا_ههههههههه هات عليك بنخش ..
ياسر_خوفني كلام امي لان بجد كانت حلوه ومع مكياجها الخفيف خفت عليها من العين..حط يده ع راسي_ أعيذك بكلمات الله التامه من كل شيطان وهامه وكل عين لامه...
انا_شن ادير_ رقيت روحي ورقيتك انت وادم من اول ماركبنا في السياره..
ياسر_الاحتياط واجب ...هيا خشي ووتي الفطور راسي بيطربق..
انا_سلامتك .دقيقه بس..
خشيت لقيت البنات وع وفاء ف المطبخ..
انا_ع وفاء انتي اطلعي وشدي ادم انا والبنات.انجهزو كل شيء..
ع وفاء_ هات خي خلي ندلع شويه بكنتي ..اليوم بنحرق.عمتك جليله عندي كنه وهيا لا .....وطلعت
انا_هههههههه ادللي عادي ..
ربا_كليتي علينا الجو كله
انا_صقع عليك خبره..
روابي/من وين املا متزوجه قبل وماعندناش علم
انا_لا يافالحه..كنت عايشه مع جدتي عواشي ..وعرفت كيف نسايرها كلمه حلوة وموقف حلوه ..وتمشي الامور .
ربا_احني بنسجلوا دوره عندك..تي ياسر عديم البسمه يضحك وجوه سمح..
انا_ياسر مش عديم البسمه ماتغلطيش ايوه .وجهزت فطور ياسر..وطلعته ليه لقيته امقعمز ع الطاوله ومعاه امه
انا_حطيت الفطور _سامحيني عمتي مانحسابكش معاه..
ع وفاء_لا عادي تو نفطر معاكم ..
ومشيت..
ع وفاء_شنو متفاهمين ..ووضعكم ماشي
ياسر_ميه ميه ملتخمميش انتي بس..
ع وفاء_ شن شكلها عجباتك..
ياسر_لا ماشاء الله عليها .
ع وفاء/الحمد لله خفت ماتتفاهموا..
ياسر_لا متفاهمين..
ع وفاء_معناها ع راس العام نبي نشوف ولدك..
ياسر_تحشم وواطى راسه_ ان شاء الله..
ع وفاء_خل انخش نفطر معاهم
ياسر_خليك اهني تو يطلعوه..وفطر ياسر ..وناض دخللنا الصفره _خش يعارك هيا امي تستنى هدا غير واتي
انا _خديت منه الصفره_قربت همست_كنت نستنى فيك تفطر وكشرت ع اساس زعلانه_معاش تعاركني قدام حد
ياسر_ حااضر غير معاش تكشري هك..
روابي/احمممم هيا امي تراجي
انا_بعدت_هي حطيت صفرته وطلعت مع البنات الفطور لين وصلت عمتي وامل معاهم الاولاد مع اميره وايهم
ووراهم خش عادل وهدايه..
.....
عادل_افردي وجهك ..مافيش داعي تبيني انك مضايقه ع حاجه تافهه
هداية_ تافهه..اه صبر الصبر يارب..ونزلت..
لف عادل وبدو ينزلوا في حاجاتهم..
سلموا علينا كلهم..وعادل ركز فيا..
عادل_انتي مرت ياسر..
ياسر_جبده و لفه ليه_نفقصهم عيونك لو مازلت شبحتلها..
عادل_ههههههههه غير بالشويه مش واكلها..
ياسر_ههههه
عادل_لف راسه بيباركلي/ال..ورجع ياسر لفه
ياسر_ماتشبحش
عادل_وهو يشبح لياسر _الف مبروك يا رنيم..كويس هك
ايهم_هههههههههه
ياسر_وانت شن تشبح من لاخير ماحد يشبح لمرتي ولا حد..
ايهم_تي حافظها حفظ
ياسر_هداك قبل ماتتزوج تو الي يشبحلها ما يلومش الا نفسه..
ولف وكان منظره واضح معصب
انا_كنت فرحانه طايره بالفرحه لان مايغارش الا الي يحب معناها ياسر يحبني.يحبني...
روابي_حي عليكم ..ردوا بالكم ع رجالتكم ياسر بيقتلهم فهاليومين..
ع وفاء_ حقه مايبيش من يشبح لمرته
هدايه_ غير بالشويه علينا شن ولت نيكول كدمن
انا_لا رنيم خالد محمد..نهههههه
اميره_ ههههههه. هيا من قبل نافخه روحها يابال تو زادها ياسر
اتا_اني حرام عليكم..
امل_لا انا .
انا_حقه عميمه..
عميمه_لا ناغرين منك بس
انا_شفتوا اطلع ياحق ربي..
....
فطرنا وهدايه واميره وتو فطور لايهم وعادل..ريما وعمار حيجو بس ف الليل لان عمار عنده عمل مايقدر يسيبه
....
خدوا هما لحم وتبلوه وحطوه بورديم...واحني جهزنا الكباب والدجاج تبلناه للعشي..
.وبعدها طلعنا لحم وكبده بقر للشواء
وبدوا يشوا ..والجو حلو..وبعد ساعتين طاب البورديم تغديناةبيه حوالي الساعه3:30 وظمينا الحوسه لين
نسمعوا في قصي وعدي يشجعوا...
طلعنا كلنا لقينا ايهم وعادل وياسر ع الخيل وشكلهم بيسابقوا...شويه وبدوا يلهدوا .
كل وحده تشجع ف واحد ..وانا قلبي يشجع فيه هو..اكتر واحد لايق عليه ..فارس بجد....وسبقهم كلهم..
انا_هيييي ما شاء الله ماشاء الله..
هدايه_قريب غلبه عادل
انا_ كخ كخ كخ. ..ولا قرب اصلا..ماحد يغلبه..
اميره_في وحده اهني انتفخت هلبا وشويه وبتنظم تحت مجموعه حتى راجلي..
انا_ هههههههههه من بعدك ياحبي...
اميره_هههههههههه
هدايه_ الا راجلي ياحناتي ..ومشت
انا_خيرها
اميره_مانعرفش من الصبح مش عاجبتني حتى ف الغدي ماكلتش..
انا_بلكي تتوحم..
اميره_مانعرفش بلكي..
امل_مافيش نت..؟
انا_ياسرجاب الواي ماكس معاه تو نشوفهولك..
مشيت لياسر وكان يمشي بروحه ونازل ع الفرس انا من ورا الحاجز_يااااسر
ياسر_ تلفتلي تعااالي..
انا_لا انخاف منه مانقدرش نقرب
ياسر_تي تعالي
شبحت يمين ويسار مهناك حد ركبت ع الحاجز ونقزت..ومشيت لياسر
انا_كبير هلبا يخوف.
ياسر_جبدني من يدي وقربني وخدي يدي وحطها عليه ..كان ياسر وراي ..وقدامي الفرس ...نسيت خوفي منها وخواسي كلها مع ياسر وعطره الي قاعد منتشر حواليه وكانه كيف باخه...
ياسر_ خاطري نحظنها..ونسنى المكان والوقت نحظنها بس انقربها من قلبي الي بيهبل عليها.._شن تبي
انا_امل تبي النت..قلتلها انشوفلك ياسر..
ياسر_ قاعد في السياره بعدين نعطيهولك تو تعالي..شدني من يدي ويده الثانيه شاد بيه لجام الفرس...