دائي و دوائي 🥀🖤 ( مكتملة )

الجمرة الاخيرة ( الجزء الثاني )

سجاد : اطيني تلفوني يمكن يم راسي خل نخابرهم بس لا تكللولهم مو زين على وليد ..

كامت زهراء بسرعة جابت التلفون اطته اله .. لكه فوك الخمسين مكالمة من فيصل .. خاف سجاد اووووف بس لا وليد بي شي ما كال لزهراء حتى لا تخاف ..

دك على على فيصل وهو يجر النفس حتى يبين طبيعي .. رن التلفون رنتين وبالثالثة اجاا صوت فيصل : الوووو سجاد ..

سجاد راح يبجي ما تحمل يسمع صوت فيصل اخذ نفس وكال : الو هلا فيصل .. شلونكم

فيصل دموعه مغطية وجهه ووهو يباوع لكبر فهد : شلون مات ؟؟

سجاد انصدددم شلون درى كال بتهرب ودموعه غرغرت بعينه : منو هو ؟؟

فيصل يكمل ويحجي بحرگة : ليش ما خليتوني اودعة ؟؟

سجاد نزلت دموعة وكال : منو كالك ؟؟

فيصل : اخوي يموت واني اخر من يعلم ..

سجاد بعد ما يتحمل كام يبجي بصوت عالي وجنه يشكي لفيصل على وجع كلبة : راح فهد ...

زهراء حاضنه ايدة وتبجي ..

فيصل يمسح دموعة ويكوم وهو يحاول يقوي نفسة .. : يلا انه جايكم بس دير بالك على عمتي ولا تضل تبجي كدامهه صبر روحك متعلمين احنه على المصايب ..

سجاد يمسع دموعة : لا وين تجي ضل يم وليد ولا تكله .. صدك هو شلونهه عمليته وليد نجحت لو لا ..

فيصل ويطلع من المقبرة بعد ما اجر سيارة توصلة للبيت صعد بيها : الحمدلله نجحت .. واني هسه بالمكبرة .

سجاد بصدمة : يا مكبرة ؟؟

فيصل : هنا بالعراق ..

سجاد بصدمة : من يمته

فيصل : وصلت بالسته تقريبا يلا انه جاي .. وغلق التلفون لان خنكته العبرة بعد ما كدر يكمل غمض وهو يمنع دموعة تنزل ..

........................

واكف وكوة محجر عيونه جان وياهم بالمكبرة واجه كبل للعمارة حتى يخبرهه واكفه يمه امه الي دموعهه ماليه وجهه وحاير شلون يكولون لرونق على الخبر ..

نزلت رونق هستوهه كاعدة شافت امهه تبجي راحتلهه بخوف : يممه شبيج ؟؟ ليش تبجين .. التفتت لاخوها .. شمرران امي ليش تبجي شبيها ..

شمران دنك راسه ما عرف شيرد عليها ..

رونق راح تتخبل : احجوا شبيكم راح تموتوني من غير شي مدري شبيه اليوم كلبي مقبوض شكو احجوا .. وتلفتت ابوي وين .. يمه احجي ابوي بي شي

ام شمران تبجي : يمه رونق بنيتي اذكري الله وخل اكلج شي بس صيري مؤمنة بقضاء الله وحكمة ..

رونق جسمهه رجف هي من غير شي مدري شبيها اليوم : يمه لا توكفين كلبي احجي من الاخير ابوي بي شي ..