أحببت الفيروز

الجزء الثامن

ليلا  يسير علاء وصديقه خالد في احد الشوارع الهادئة الذي يقع فيه بيت خالد فتتوقف أمامهم سياره سوداء بدون لوحه أرقام وينزل منها اربع رجال ملثمين  يقتربون من علاء وفي عيونهم شر كثير بينما يذهب رجلا منهم ل خالد يمسك به

الرجل  _بتحذير:مالكش دعوه باللى هيحصل

خالد :انتوا عايزين ايه؟

علاء_بقلق  :مالكم بينا في إيه؟

**تناوب الثلاث رجال الضرب في علاء حتي كانت صرخاته تملاء الشارع ولم يقدر خالد ان يدافع عن صديقه الذي يراه يضرب بكل قسوه ووحشيه حتي تركوه غارقا في دمائه علي الأرض

احد الرجال _ل علاء:ماتفتريش بعد كده علي واحد او واحده

** ترك الرجل خالد وابعدوه عن طريقهم وركبوا جميعا السياره بسرعه واختفوا كالبرق بينما اقترب خالد من علاء وحاول ان يرفعه وأخرج تليفونه واتصل بالإسعاف..

**تجلس نهله علي سريرها وامامها فيروز ويظهر علي وجهها السعاده

فيروز :اد كده بتحبيه؟

نهله :يااااه من بدري من ساعه كنت شغاله معاه في مشروعه هو وغسان صاحبه الواطي اللي اخد كل المكسب لنفسه وعمل المشروع بإسمه، راح كامل اشتغل مع فارس بعد كده

فيروز : بس شركه فارس من زمان كامل مكانش شغال معاه ليه؟

نهله :كان عايز يعمل مشروعه ومش عايز يختلط بشغل فارس

فيروز :الصراحه فارس بيحبه اوي وبيعتبره اخ وصاحب وشريك

نهله :فعلا وهو كمان بيحبه ربنا يخليهم لبعض

فيروز:يارب

نهله :انتي بقي هتعملي ايه؟

فيروز :هروح بكره شقتي واغير الكالون وهشوف محامي يرفع لي قضيه  

نهله :الموضوع كبر اوي

فيروز : كان لازم يكبر من زمان عشان كل واحد يشوف طريقه

**يقف فارس أمام النافذة بمكتبه شاردا فتطرق فيروز على الباب

فارس : ادخل

فيروز : صباح الخير

فارس : صباح النور

فيروز: المهندس جاب التصاميم الجديدة هتشوفها دلوقتى

فارس : ماشي

**وضعت فيروز اللوحه الهندسية للمشروع على الترابيزة وشرحت ل فارس تصميمها وكانت سعيدة جدا بها لكنه كان يفكر فى أمر آخر..

فيروز : انا شايفة أن كل حاجة كده تمام

فارس : خلاص يبقى تمام

فيروز : معندكش اى ملاحظات ؟

فارس : لاء

فيروز: مالك يا فارس؟