أحببت الفيروز

الجزء الثاني

٢

** فى بيت شاهيناز يجلس فارس مع والدها اسعد فى الصالون

أسعد: يا بنى ايه اللى حصل لكل دا

فارس : يا أسعد بيه شاهيناز بنتك عايزة تمشينى على مزاجها واغلبيه المشاكل صاحبتها رانيا السبب فيها،،  دائما اقولها يمين رانيا تقولها شمال

أسعد: رانيا دى انتيمتها متربيين مع بعض من صغرهم ورأيهم واحد

فارس : وتأخيرها ل ٢ ، ٣ بليل  ولبسها اللى كذا مرة اكلمها فيه انا شايف أن مفيش فايدة

** وهنا أتت شاهيناز بغضب شديد ومعها علبه الشبكة ووضعتها أمام فارس

شاهيناز : انا كده هو دا لبسى وهى دى حياتى انا شاهيناز أسعد اللى مش عاجباك دى البنات بيتهبلوا عليها قبل الرجاله

فارس : تمام عن أذنك يا أسعد بيه

أسعد: يا فارس يابنى ماينفعش كده استهدوا بالله وانتى يا شاهى  ماينفعش تفسخى خطوبتك دى تالت مرة

شاهيناز: ولو عاشر انا مش هتجوز واحد يمشينى على مزاجه

فارس : رجاله الحجرى ماتمشهمش واحده أيا كانت هى مين

** نظر فارس ل شاهينازالتى تتكلم بكبرياء وأخذ علبه الشبكة وخرج من البيت وحزن أسعد على ابنته وأحوالها ..

** وصل فارس الفيلا فكان كامل بإنتظاره

كامل :  عملت ايه؟

** أخرج فارس علبه الشبكة من جيب الجاكيت فإستاء كامل

كامل : كبرتوا الموضوع ليه؟

فارس : بنت مستفزة ومستهترة ليكوا حق تقولوا عليها مدلعه

كامل: انت متغير من ساعه ماشوفت صور عيد الميلاد

فارس : يعنى نزلت الصور الساعه ١٢ عشان تثبتلى انها ماسمعتش كلامى ،، وبعدين  اللى كانت لبساه تقعد بيه فى البيت مش يتخرج بيه

كامل : ابوها قالك ايه ؟

فارس: هو أكيد زعلان عشان كل شوية بنته تتخطب وتفسخ الخطوبة

كامل : يومين كده وكلموا بعض

فارس : هنشوف لو اليومين عدوا من غير ما احنلها يبقى خلاص كده الله يسهلها

كامل : روق كده عشان فيه مفاجأة

فارس : ايه ؟

كامل : دعوة خطوبة سلمى الأسيوطى لسه واصله

فارس : أوباااااا بعتلنا الدعوة لغايه بيتنا

كامل: بيعزنا أوى

فارس : انت هتقولى

كامل : هتروح

فارس : انت ايه رأيك؟