فى سيارته يجلس كامل وبجانبه نهله ويقدم لها كامل باقه ورد
نهله : الله حلوة اوى
كامل : مش أحلى منك
نهله : ايه يا كامل الرومانسيه دى
كامل: الورد عجبك
نهله : جدا بس بمناسبة ايه؟
كامل : اولا بمناسبة أن النهاردة عيد ميلادك كل سنة وانتى طيبة يا نهله
نهله _ بفرحه : وانت طيب
كامل : ثانيا انا بحبك وعايز اتجوزك
نهله _ بخجل وخدود حمراء : ايه قول تانى كده
كامل: بحبك يا ام سمع تقيل
** ضحكت نهله ونظرت له
كامل : ها قولتى ايه
نهله : موافقه طبعا
كامل : طب قولى هفكر استنى يومين اتقلى شوية
نهله : الله ما انا ماصدقت اعمل ايه بقى اكدب على نفسى يعنى
كامل _ يضحك : لا يا حبيبتي ماتكدبيش
نهله : ها هتيجى تتقدملى امتى ؟
كامل : ادينى رقم باباكى واكلمه اخد منه معاد
نهله : تليفونك وسجل عندك …
كامل : عارفه ايه اكتر حاجة عجبانى فيكى ؟
نهله : إيه ؟
كامل : جنانك دا
نهله : وانت عارف ايه اكتر حاجة كانت فرسانى منك
كامل : إيه؟
نهله : تقلك عليا وهدوئك كنت هتشلنى
** ضحك كامل وأعطى تليفونه ل نهله لتكتب رقم تليفون والدها حمدى فكتبت الرقم وسجلته
** بالشركة يجلس فارس على مكتبه وأمامه كامل ويمضون بعض الأوراق والشيكات
فارس : فى اى حاجة متأخرة تانى ؟
كامل: لاء خلاص كل الشيكات المتأخرة مضيتها
فارس : فيروز جت؟
كامل : لاء مجتش،نكلمها
فارس : لاء سيبها براحتها
** تطرق فيروز على باب المكتب وتدخل عابسة الوجه
فيروز : صباح الخير
فارس ،كامل : صباح النور
كامل : إتأخرتى كده ليه؟
فيروز : الطريق كان زحمه جدا
كامل : اه فعلا الطريق قافل قفله سوده ربنا ييسره وانتوا رايحين مقابله النهاردة
فارس : يا مسهل
فيروز : انا حضرت العقود اللى هناخدها معانا
![](https://img.wattpad.com/cover/190526720-288-k30376.jpg)
أنت تقرأ
أحببت الفيروز
Romanceالحب الحقيقي يأتي بكل قوه و يهدم كل الصعاب مهما كان الحبيب مستحيلا.. وعندما تأتي فيروز تخطف القلب مهما كان القلب بعيدا .. روايه أحببت الفيروز بقلمي صفيه صالح 💙💙