أحببت الفيروز

الجزء الثالث

**  تدخل  شاهيناز من  باب الشركة وتركب المصعد وفى نفس الوقت تدخل ورائها فيروز فتضغط شاهيناز على زرار المصعد رقم ٣

فيروز : مكتب مدير الشركة أنهى دور لو سمحتى

شاهيناز_بكبرياء : الثالث

فيروز : شكرا

** توقف المصعد فى الدور الثالث وتوجهت شاهيناز وفيروز ل مكتب  بهاء سيكيرتير فارس

شاهيناز: هاى يا بهاء

بهاء : اهلا شاهيناز هانم الشركة نورت ثوانى هبلغ فارس بيه

 بهاء _ ل فيروز : مين حضرتك

فيروز: فيروز زهران عندى معاد مع فارس بيه

 بهاء  : اهلا بحضرتك

** اتصل بهاء ب فارس

بهاء : شاهيناز هانم عايزة تقابل حضرتك وفيروز زهران وصلت يا فندم

فارس : مدام فيروز تدخل حالا واى حد تانى بعدها

بهاء _ بتعجب : تحت أمرك

** قفل بهاء التليفون ونظر ل فيروز

بهاء : فارس بيه فى انتظارك المكتب آخر الطرقه

فيروز : شكراً

** ذهبت فيروز ونظرت شاهيناز ل بهاء بغضب

شاهيناز : وانا استنى يعنى ولا ايه

بهاء : حضرتك هتدخلى له بعدها

** جلست شاهيناز غاضبة بشدة

** تدخل فيروز مكتب فارس الذى يقف ليسلم عليها

فارس _ مبتسما: نورتى المكتب

فيروز: منور بوجودك

فارس : اتفضلى

**جلس فارس وجلست أمامه فيروز

فارس : تشربى ايه؟

فيروز : قهوة مظبوطة

فارس _ يتصل بالبوفيه : اتنين قهوة مظبوطة من البن بتاعى

فارس _ لفيروز: هتشتغلى معانا من امتى

فيروز _ بتعجب : مابتضيعش وقت

فارس : ماينفعش اضيع فرصه كويسة

فيروز : انا عارفه أن شغلى عاجب ناس كتير بس اهتمام حضرتك سببه شغل ولا عشان سيبت سعفان الأسيوطى ودى فرصة تدايقه بيها

فارس : سعفان كان ومازال بيدور على اللى بيدايقنى ويعمله شاغل نفسه بيا ليه انا مش عارف ماكانتش حته ارض يعنى وبعدين هو حاول بكل الطرق يعرف اخبارى  مع أن دى حاجة مش هتفيده وكمان انا عرفت أنه كلم ناس كتير عشان ماتشتغليش مع حد غيره دا بعد ماطمع فى حقك

** يطرق عامل البوفيه على باب المكتب ويدخل يقدم لفارس وفيروز القهوة

فارس : شكرا