أحببت الفيروز

الجزء الثالث عشر

تجلس عزه في غرفتها وتدخل لها كارما وتجلس بجانبها

كارما :مالك يا ماما زعلانه من ايه وعماله تطلعي زعلك علي اللي حوالين منك

عزه :مدايقه عشان اخوكي حاسه انه اقل من ابن عمك ودا واجعني

كارما :بس كامل مركزه في الشركه كويس والصراحه فارس علي طول بيعامله احسن معامله، دانا حتي ما بشوفهوش بيعامل سيف كده

عزه :المشروع اللي اخوكي جمع فلوسه من هنا وهنا وخد عشانه دهبي وفلوس ابوه اللي كان شايلهم خلونا كلنا ما حليتناش حاجه غير مرتبه من الشركه

كارما :ماهو بقاله سنه ونص بس شغال مع فارس لسه شويه لغايه ما يبقي حاجه

عزه : فارس لسه قايلي انه جابله فيلا

كارما : طب ما هما كويسين مع بعض اهو زعلانه انتي بقي ليه

عزه : حاسه اننا نستاهل اكتر من كده انتي كان المفروض يبقي ليكي فيلا مكتوبه بأسمك

كارما :فيلا ايه انا اخترت اكون معاكي وجمبك، وفي نفس البيت اللي  عشت فيه مع سيف وحبيته

وعمي ومراته مفيش اطيب ولا احن منهم

عزه_بغيظ :بس كل دا بتاعهم احنا ولا حاجه

كارما :احنا عندهم كل حاجه صدقيني مش بالفلوس بالعشره والرحمه اللي بينا،، عشان خاطري يا ماما خلينا زي ما احنا بلاش نزعل حد وبعدين فيروز مالهاش ذنب في حاجه كله قدر ونصيب

عزه : كبرتي يا كوكي قبل أوانك

كارما _تبتسم :كلها كام شهر وابقي أم ودا أواني يا ماما سيبي كامل يمشي دنيته بنفسه أحنا مابقناش صغيرين

**صمتت عزه وتحاول تقنع نفسها بكلام كارما العاقله التي تحب عائلتها والتي تعلم ان الموده اهم بكثير من الأموال والمصالح.

**يجلس فارس غاضبا علي السرير بغرفته فتجلس بجانبه فيروز وتضع يدها علي كتفه وتقول

فيروز:خلاص بقي يا فارس ماتزعلش مش انت بتقول ان دا طبعها

فارس :هو انا ازاي كده، ازاي اناني بالشكل دا

فيروز :بتقول كده ليه؟

فارس:تصدقي اني حبيتك اكتر من كامل اخويا وصاحبي وعشره عمري روحت اخدت حقك من علاء وسيبت غسان الكلب اللي ضحك علي كامل واخد مشروعه وفلوسه ومجهوده

فيروز :انا عارفه الموضوع ده بس انت كنت هتعمله ايه

فارس :لازم اعمل كتير اوي،، لازم اخد حق كامل

فيروز :هتبعتله برضه حد يضربه

فارس : لاء هبوظ له شغله

فيروز :ما تعملش عداوات مع حد يا فارس انا خايفه عليك