أخي الغيور

﮼البارت،السادس

عثمان : عزام هاي هزار
: وأنت وين مدحگها گبل
: ما مدحگها بس سمر گالت هزار بنت عمي مروان هين
: يول ورايا دوام رايد شي لو اروح ( ضال يحچي وياي وعين يمي وعين عليها ) الله يصبرچ يا روح
: ها لا مارايد، بس ترا حنت شهم هاي الأربعاء، حددوها ، گول لعمي
: ماشي يله اودعناك
: الله وياكم
: صعدت وانه دمي فاير ، والله مال اشلع عيونو هل حيوان

هزار
صعد للسيارة ينافخ عجيب منو هذا الي خلا يعصب من الصبح
هزار : عزام هذا منو
: و أنتي شلچ غرض عليش تسألين
: عزام ترا مجرد سؤال انت ليش معصب
( لزم عزام تلفون يتصل وجوابها )
: ما معصب هذا عثمان أبن عمچ هارون

: الوو
: هلا يابه شلونك
: يابه عرس شهم هذا الاسبوع
: عجل ننتظرك تجي الأربعاء هين مو
: ماشي يابه
: الله وياك

: سمعي هزار هاي راح نوصل،  كروبات ولد وبنات ماكو ، صوتچ لا تعلينو من تحچين ، ومو تنسين نفسچ وتضحكين بصوت عالي ، بس البنات تختلطين بيهم ، وتختارين  بنات أوادم التخنلطين بيهن ، سمعتي لو أعيد
ولا تنسين انتي حفيدت شيخ سعود

: يحچي بجديه و يأكد على كُل كلمة ، بس من گال أنتي حفيدت شيخ سعود حسيت صُدُگ لازم أنتبه لكل تصرفاتي گُتله
: لاتهتم حنتبه لكل تصرفاتي ، باوعلي وبتسم
وصلنه قبل ما انزل گال
: من يخلص دوامچ خابريني ولا تنتظرني بالشارع انه من أوصل أخابرچ
: اي بس اني ما عندي رقمك
: سجلي يمچ
اخذت رقمه ونزلت دخلت الجامعة رحت للكلية مالتي سألت بنات على القسم مالتي وين صايره القاعات مالته دخلت للقاعة شفت استيچ فزارغ گعدت ، شويه ودخل علينه الأستاذ عرف على نفسه وأخذ حضور ، وسجلنه مفردات المنهج ،

خلصت محاضراتي ب ٢:٠٠
خابرت عزام ، گال عشر دقايق انه يمچ تمشيت للبوابه مال الجامعة وبقيت انتظره شويه واتصل عليه ، گال
اطلعي انه هين باباب
: طلعت تعبانه وجوعانه، الدوام كُله اني بالقاعة حتى مطلعت للسنتر ، دورت بعيوني شفت عزام واگف يم سيارته
: هلو عزام
: هلا ... ها شلونو الدوام اليوم
: عزام فدوه خل نمشي واسولفلك بالطريق ميته تعب و جوع
: هههه يخسى الجوع يله مشينه

( طبعا عزام أخذ الطريق كُله يسأل هزار عن يومها وهي تجاوب أنطته تقرير مفصل )

: وصلنه للبيت ، دخلنه البيت صنطه ، لتفتت على عزام
:شفت الخيانة متغدين ونايمين وممنتظرينه
: هههههههه يول دحگي الساعة ٢:٣٠ منو ينتظرچ لهلساع
: هههه والله صُدُگ،  منو؟!
لودي الي ياكُل ميشبع ، خل ابدل وانزل أصبلنه غده ،

: نزلت لگيتها بالمطبخ و اگفه ع الطباخ وتصب غده ادحگ عليها  لابسه تراك نيلي والشعر رافعتو ، والرگبه طالعه ، تگول مرمر ، اوووف بدون شعور الابتسامة تاسه وجهي ، تمنيت اروح احضنها واشمها من رگبتها ، حست بوجودي لتفتت عليه وابتسمت
:، ول ابويه انه ناقص ضيم حتى تبتسميلي وتشبين النار بيه ؟ ! ( حچه بداخله ) شالت الصينيه وگالت
: يله خل نتغده بالصالة ، بس فدوه عزام جيب سراحيت المي وياك
: (يول انه اروح فدوه لهل طول )
:اخذت المي ومشيت وراها گعدنه نتغده هي گاعده گبالي منتچيه على أيدها و تاكل ع السريع ،
ههههه يول تره الأكل جدامچ ما طاير يواشچ
: عزام والنبي ميته جوع
: آكلي حبيبتي عوافي ! ( طلعت مني بدون قصد بس شگد ستلذيت بهل كلمة ! ، عمري ما گايلها لوحده ، وهسع گُتلها ! بس المن !! )
هي بقت مدحگه بوجهي وابتسمت ورجعت تكمل أكلها