❝𝐎𝐍𝐄 𝐆𝐋𝐀𝐒𝐒 𝐎𝐅 𝐂𝐇𝐄𝐀𝐏 𝐂𝐇𝐀𝐌𝐏𝐀𝐆𝐍𝐄❞

မင်းနှလုံးသားဆီ Bungee

"တကယ်​မသိချင်​ဘူးလား ဒီ​နေ့ကတကယ်​တကယ်​အ​ရေးကြီးတဲ့​နေ့​နော်​"

Jungkookရဲ့ သိချင်​စိတ်​ကိုဆွ​ပေးလိုက်​ပြီး Jiminတစ်​ယောက်​လက်​နှစ်​ဖက်​ကို​နောက်​ပစ်​ကာ ကိုယ်​ကိုအသာယမ်းရင်း လူတတ်​ကြီးစတိုင်​ဖမ်းလိုက်​သည်​။

Jiminအကြံ​အောင်​မြင်​သွားသည်​။Jungkookက မျက်​လုံးကို​ထောင့်​ကပ်​ကာ တခုခုကိုစဉ်းစား​နေသည်​။ထို့​နောက်​ယားချင်​ချင်​ဖြစ်​နေတဲ့​နောက်​ကျောကိုလှမ်းကုတ်​ရင်းက​ဖြေလာသည်​။

"မသိဘူး"

​ကောင်းတယ်​။

"​တကယ်​မသိတာလား ဒီ​နေ့Jungkook​မွေး​နေ့​လေ"

"ဟမ်​"

​ကျောကို ကုတ်​နေတဲ့Jungkookလက်​တွေရပ်​တန့်​သွားကာ Jiminရှိရာဘက်​ကို လှည့်​လာသည်​။တကယ်​လားဆိုတဲ့​အ​မေးကိုလည်း မျက်​လုံး​တွေထဲက​တွေ့​နေရသည်​။

Jimin ပြက္ခဒိန်​ကိုလက်​ညိုးထိုးပြလိုက်​သည်​။ဒါ​တောင်​မယုံသင်္ကာနဲ့ ပြူးပြဲကြည့်​နေချက်​ပဲ။

"အဟုတ်​ပဲ မင်းကဘယ်​လိုသိတာလဲ"

Jimin ပခုံးနှစ်​ဖက်​ကိုတွန့်​ပြလိုက်သည်​။လူကို​ခြေဆုံး​ခေါင်းဆုံးကြည့်​ပြီး အကဲခတ်​နေတဲ့ Jungkookပုံစံက​တော်​တော်​လေးရယ်​ချင်​စရာ​ကောင်း​နေသည်​။​တော်​တော်​လေးရှည်​နေပြီဖြစ်​တဲ့ ဆံပင်​တွေက​ကောက်​ကောက်​လန်​နေ​သေးသည်​။ဝတ်​ထားတဲ့​ဘောင်းဘီက အပွကြီးနဲ့မို့ အားမနာတမ်း​ပြောရရင်​ခြောက်​ခြားစရာလည်း​ကောင်း​နေသည်​။

"ဘယ်​ကိုတုန်း​မွေး​နေ့ပါဆို ထူးခြားတဲ့​နေ့မဟုတ်​ဘူးလား တခုခုလုပ်​ရ​အောင်​"

ယင်း တခုခုလုပ်​ရ​အောင်​ဆိုတဲ့သူ့စကား​နောက်​မှာ Jungkookရဲ့ မျက်​နှာထားအရ တလွဲအ​တွေး​ပေါက်​သွားပုံရသည်​။Park Jiminတို့​မြွေဖမ်းမိပြန်​ပြီ။

"မဟုတ်​ဘူး​လေ ငါ​ပြောတာက​မွေး​နေ့အတွက်​ကုသိုလ်​ကောင်းမှု​လေးဖြစ်​ဖြစ်​"

"ငါက ဘာ​ပြောရ​သေးလို့လဲ"

Jiminခမျာ ဒုတိယအကြိမ်​မြောက်​ပေကလပ်​ပေကလပ်​ဖြစ်​သွားရပြန်​သည်​။ဟုတ်​သား Jungkookမှ ဘာမှမ​ပြောရ​သေးတာ။ငါလေး ရှက်​သွားပြီ အဟီးဟီး။