اساور : هم مااكدر ، بس يلا نا احجي اليوم باجر احاجي ،
وليد : والله هواي ،
اساور برجفة : ولييد ،
وليد بهيام : عيوووونه ،
اساور : مو وكتك هسه ، شلون احط عيني بعيونهم بعد ،
وليد بأستغراب : ليش ، الحقيقة وطلعت شكو بعد ،
اساور نزلت دموعها : شنو شكو بعد ، شني موقفي كدامهم هسه اني داخلة للغرفة وانت داخل يمي حتى تبين اذا اني شريفة لو م...... ،
سكتهه وهو يخلي ايدة على حلكهه بعصبيه : اووووص ، ما اسمحلج هيج تكولين على روحج ، انتي اشرف من الشرف خوش لو لا ،
اساور وبجيها زاد : حتى لو ، هسه شلون اطلع كدامهم بعد واحط عيني بعيونهم ،
وليد : لا تزودينها مابيها شي ترة اني رجلج ، يلا حتى نطلعلهم ،
برة ......
الكل كلبوبهم راح توكف من الخوف ......
حسن بنفاذ صبر : اهوووو شصار عدهم ، ما طلعت هاي
سجاد خزر حسن وكالة : اسكت مو وكتك ،
حسن : والله شصار عدهم مو راح اموت ،
فهد : ها شبيكم كل تأخيرة وبيها خيرة ،
سجاد وحسن ضحكوا على جملة فهد : هههههه ،
والبنات رغم التوتر ما كدرن ما يبتسمن ،
فيصل بصرخة خوفت الكل : كااااااافي ، اسكتتتتو ،
حسن بلع ريكة وسكت ، وسجاد كذلك
اريج تباوع لفيصل الي مبين بعد مابي صبر ، راحت كعدت على الكرسي لان بعد ما تكدر تتحمل الم رجليهه ،
واكفين على اعصابهم ، سمعوا صوت الباب انفتح كلهم التفتوا بلهفة ،
فيصل ما تحمل كبل راح للغرفة ولحكة حجي صابر وام وليد وحجية خاجية ، زهراء وبنين رادن يرحن عاط بيهن سجاد ،
اريج رادت تكوم بس ما كدرت ،
سجاد بعيطة : ها خوية وين موليات ،
زهراء بأستعجال : غير نروح نشوف ،
سجاد بعصبية : وشواف انشالله شتشوفن صيرن على صفحة ، بنات مستهترات والتفت لاريج ، انتي خوية اذا تردين روحي ،
اريج : لا والله مااكدر اكوم ،
بنين بسرعة هي وزهراء حتى يدخلن : نوديج ،
سجاد : اخذن راحتجن انتن ،
باوع شاف حسن رايح للغرفة ركضله لزمة ،
سجاد بعصبية : وين مولي وين طاب تهوبز بالنص من عاب هالوجه ،
حسن : شلك غرض غير اطب اشوف ،
YOU ARE READING
دائي و دوائي 🥀🖤 ( مكتملة )
Romanceمرحبا بيكم بروايتي حبايب كلبي ،، الرواية حتكون مختلفة ، انو هي بنية من بغداد تعذبت طول حياتها وي اهلها وحتواجه هواي مصاعب هي واختها ،، وحتروح وتبقى كدخيلة عند بيت شيوخ من البصرة ومن هنا تبدأ القصة ،،،، قراءة ممتعة ،، اتمنى تعجبكم ❤🌺
الجمرة الخامسة والثلاثون
Start from the beginning
