#صفحات من الماضي
الكاتبة فاطمة عادل
وعدت فترة و بدت عمتي تراجع علية وتوديني اطباء لان مصار عندي حمل ويكلولها رحمها صغير ميصير عدها
واسمع عمتي تحجي وية صلاح دكلة اتزوج عليها واكثر من مرة تذكرلة بنات ودكلة اخطبلك بس هوة ميقبل
ماجدة : انضربت وانهانيت وانشتمت واني اسكت يروح صلاح يلتحق اشبع ضيم واهاين يجي صلاح ينزل يصيرون علية اثنين مااكدر اعبر غير بس ابجي ومصار عندي حمل لان يكولون رحمي صغير عدت ايام يوم اسود من الثاني واختي احلام تطلكت وعندها بنات اثنين كلش انقهرت من سمعت ومااعرف اسباب الطلاك اسألهم يتهربون ميجاوبون وكل مااخابر بابا ابد مااشكي اله اكول خطية يضل بالة علية ودائما يكلي ياغريب كون اديب وسمعت كلامة
واخاف احجي اخاف هم اطلك ونصير اثنين ببيت اهلي مطلكات وانقهر ع اهلي
فد يوم صلاح رجع للبيت من دوامة
عمتي كالتلي تعاي اعلمج ع الخبز شلون تخبزين ونطتني المخدة مال خبز باايدي الثنين لزمتها دخلتها للتنور وايدي الثنين احتركت كمت اصرخ اااااخ ايدي احتركت وعمتي تغلط علية اجة صلاح شاف امة تغلط علية ضربني راشدي حسيت عيوني غوشت كعدت لكيت حماتي تذب مي ع وجهي ودتصحيني كعدت ورحت لبيتنة راسي كلش يوجعني وايدي محروكة لفيتها بشاش وابجي ونمت
كعدت من النوم شفت دم ع المخدة واذاني تذب دم تخبلت اخاف اكلة لصلاح رحت كلت لحماتي شوية واجاني صلاح كلي كومي وياية اوديج للدكتور ووداني كال الطبيب الطبلة مال اذنها متمزقة ونطاني كومة علاجات وادوية فترة وبديت اتحسن
ودخلنة بسنة جديدة ١٩٩٠ وصلاح ازدارت خفاراتة واوضاع البلد بدت نحو الاسوء
ام صلاح : ماجدة تعاي رتبي غرفتي وعزليها
ماجدة : اي عمة
وبديت ارتب وانظف بيها واسفط بالمجارير شفت اورق مكتوب عليها اسم صلاح شفتها وقريتها عقد زواج دورت بعد لكيت عقد زواج ثاني بأسم غير بنية وشفت بلأورق لكيت تلث عقود زواج بااسم صلاح ولهذا تأخرت موافقة الزواج علية لان هوة بلجيش يعني صلاح متزوج تلاثة واني الرابعة ومكايلي تخبلت اخذت الاوراق ورحت ع عمتي راوتلهيا
ماجدة : هاي شنو عمة ابنج متزوج تلاثة واني الرابعة
ام صلاح : اي وشكو بيها ومطلكهن
ماجدة : غير تكلولي لو اني اللي اكتشف هذا الشي
ام صلاح : وهسة شتريدين تلحكيهن
ماجدة : رحت لبيتي واني نار بصدري وانتظرت يوم يوم يجي صلاح وصار اليوم اللي اجة صلاح
صلاح شفت اوراق بغرفة عمتي انت متزوج غيري
صلاح : اي وانتي شعليج
ماجدة : شلون شعلية وانت حتى مكايلي
