KHAWAHISH

Chapter 2

-Nayab roty roty apnay ap sy baatain karty hue kehti hai, meri aik hi khawahish hai wo bhi ami mujhy poori nahi karny dy rahi hain. Mein apni khawahish ko ami k khaandan aur logon khoof ki wajah sy nahi chor sakti hoon. Mein aesi zindagi jeena chahti hoon jahan mein logon ki fikar kiye baghair faisla kar sakoon. Mein sabit karoon gi k larkiyan bhi apni marzi sy jee sakti hain, apni khawahishat poori karnay ka unhy bhi poora haq hai. Is muasharay ny larkiyon ko bohat kamzoor bana diya hai. Mein yeh jahilana soch khatam karna chahti hoon. Aur mein apnay khaandan aur sab ko yeh sabit kar k dikhaoun gi k aik larki bhi apni khawahish pooori karsakti hai aur apnay faisly apni marzi sy ly sakti hai.

Nayab apni ankhon sy girnay waly ansaoun ko roknay k liye apni ankhain apnay haathon sy malti hue kehti hai, Mein actress zaroor banoon gi. Insha'Allah.

Isi dooran nayab k abu mamool k mutabiq doopehr k khanay k liye ghar ajatay hain.

Roz is waqt Nayab apnay baba k anay par unko galy lag jaati thi aur wo dono gupshup mein masroof hojatay thy. Nayab ki apnay baba k saath kaafi manoos thi, abrar (nayab k abu) nayab sy bohat zyada pyaar karty thy, nayab unki ikloti beti thi isi wajah sy abrar bachpan sy ly kar ab tak uski har choti choti khawahish ko poora karty arahain thy. Nayab apny baba k bohat zyada qareeb thi.

Lekin aaj Abrar ghar mein ajeeb si khamoshi ko mehsoos kartay hue boly, haleema aaj itni khamoshi kyu hai ghar par, meri pari nayab kidhr hai? Kya wo ghar par nahi hai?

Haleema ny chehray k tasuraat badalty hue kaha, nahi, aapki pari aaj mujhy apna faisla suna kar gai hai kehti hai ky mein actress ban'na chahti hoon, mein apni khawahish poori karna chahti hoon, khawahishain to dekho zara iski.

Haleema tanziya andaaz mein kehti hai.

Abrar janty thy ky haleema sy behas karna jesy sar deewar mein marna hai is liye Abrar haleema ki tanziya baaton sy jaan churany k liye poochtay hain, oho wo hai kahan ab?

Haleema aik baar phir tanziya lehjay mein kehti hai, nawabzaadi apny kamray mein gai hai.

In sab baaton ki awazain nayab ky kamray tak jaa rahi thi, wo bahir jana chahti thi magar us mein himmat nahi thi thi ky wo filhal is mamly mein apni ami sy aur behas kary.

Abrar nayab ky kamray ki taraf jaaty hain aur dastak detay hue kehty hain.

Meri pyaari beti nayab darwaza kholo, mein aya hoon. Nayab jaldi sy apni ankhoon sy anso pojti hai jo ronay ki wajah sy surkh hogai thi.

Nayab darwaza kholti hai aur apnay baba ko salaam karti hai.

Abrar salaam ka jawab detay hue nayab ki ankhoon ko dekhty hain jo is waqt nayab jhuka kar khari thi, wo nahi chahti thi k usky baba usko is halat mein dekhain.

Abrar apna haath usky chehray par rakhty hue kehty hain, meri taraf dekho nayab, tum jaanti ho na ky tum mujhsy kuch bhi nahi chupa sakti ho. Ab bolo kia baat hai?

Nayab apnay baba ko apni surkh hui ankhoon sy dekhti hai aur poori baat unko batati hai.

Abrar nayab ky kandhay par haath raktay hain aur usko himmat aur hosla denay ki koshish kartay hain magar yeh baat wo bhi jaanty hain ky wo is mamly mein kuch nahi kar saktay hain. Lekin phir bhi nayab ko hosla detay hue kehty hain.

Nayab beta tum agar waqai chahti ho ky tum actress bano aur agar yeh tumhari khawahish hai to dekhna tum aik din zaroor actress bano gi, meri dua tumhary saath hai ky tum kamyab ho.

Aur tum apni koshish jaari rakho, apni ami sy baat karti raho kya pata wo maan jayen.

Nayab apnay baba ka haath pakarti hue kehti hai, jee baba, jesa ap kahain.