KHAWAHISH

Chapter 1

Aik chotay sy ghar ki choti si sharartain karti nayab, jisny apni ankhain aik aesy ghar mein kholi jo apni izzat aur logon ki jugdment or baaton sy dar dar kar zindagi guzarty. Nayab unki ikloti beti thi aur nayab ki zid ki wajah sy unho ny nayab ko university mein bhi parhany ki ijazat dy di thi. Wo university k kaafi functions mein hisa leti, uski acting itni achi hoti k us k teachers bhi usko aur usky acting skills ko appreciate karty. Wo sabka dil jeet leti.

Us ko har baar functions mein hisa lene ka aur acting karny ka maza anay laga wo khud bhi nahi janti thi k wo yeh bhi kar sakti hai aur itna acha kar sakti hai, tab hi usny soch liya k wo actress bany gi aur is ko usny apni zindagi ki khawahish bana liya. University k 4 saal kesy guzray pata hi nahi chala. Wo ny university k last day function par acting ki aur sabko apni acting sy mehzooz kiya.

Ab wo aur anmol function sy wapis aa kar apni university k cafe mein bethi apni van ky anay ka intezaar karny lagi. Anmol us ki bachpan ki dost thi, wo dono aik hi school, college aur ab university mein bhi saath parha.

Bachpan sy ly kar ab tak koi aesi baat nahi jo wo dono aik dosry k baary mein na jaanti hoon. Jab nayab ko ehsaas hua kiya k actress ban'na ab uski khawahish ban gai hai, tou sabsy pehly anmol ko hi bataya tha. Anmol hamesha usy apnay khawabon aur khawahishat ko poora karny ko kehti kyu k us ka yeh nazariya tha kay -

'Zindagi apni hai tou is ko apni marzi sy jiyo na k logon ki marzi sy'

Zindagi aesi cheez hai jo baar baar nahi milti, isko jeena sikho guzarna nahi. Nayab aur anmol aik hi jesi thi jesy khayalat anmol k thy wesy hi usky thy.

Anmol ny phone sy nazar hata kar us ki taraf dekha aur boli, tum ny aaj bohat acha perform kiya hai.

"Usky k chehray par muskurahat ai aur kehny lagi, anmol tum jitna mujhy support karti ho utna koi nahi kar sakta, chahy meri tareef zamana hi kyu na kary mere liye apni pyaari si dost ki tareef mere dil k zyada qareeb rahy gi."

Wo anmol ka haath pakar kar kehti hai.

Anmol muskurati hai aur apna dusra haath usky haath par rakhti hai.

Kya tum result anay k baad apni ami ko bata do gi k tum acress ban'na chahti ho? Anmol pochti hai.

Wo usy dekhti hai aur kehti hai, haan bata doongi.

Wo halki si muskurahat dy kar kehti hai, bohat acha faisla kiya hai tumny, dekhna tumhari ami maan jayengi.

Wo usy hosla dene ki koshish karti hai.

Wo halka sa muskuraty hue kehti hai -

'Maan hi na jaeyn kahin'

Jesy hi van ka horn baja wo dono aik dosry ko galy milti hain, galy milty hue wo anmol sy kehti hai.

Kal ghar ajana mere aur dono van ki taraf muskurati hui chali jaati hain.

Kuch mahino baad un dono ka result aya aur un dono ny bohat hi achay marks sy graduation complete ki.

Ab waqt agaya tha k nayab apni ami ko apni khawahish bataye, is baat ka sirf anmol ko pata tha kyu k agar wo apni ami ko yeh baat batati tou wo shayad nayab ka parhna band kardeti.

Wo ye baat ami sy karna chahti thi kyu k wo jaanti thi ghar mein sab sy zyada ami ki chalti hai, usky baba har waqt office hi hotay thy aur zyada us ki ami haleema ki hi suntay hain har mamly mein.

Subah ka waqt tha sooraj sar par tha, uski ami sabzi bana rahi thi us dooran wo apny kamray sy nikli aur unsy baat karny k liye charpayi par apni ami k saath beth gai.

Ami mein apsy baat karna chahti hoon.

Uski ami sabzi sy nazrain hata kar us k masoom sy chehry ki taraf uthati hai aur kehti hain bolo beta.