حب من فجوة الضلمات

مقتطف

عندما يغمرك الحب ياصديقي سوف تشعر

بالسعاده وتطير الى أعالي السماء الحب عندما

يدخل قلبك لايعرفك ان كنت فقيرا ام غنيا كل

مايعرفهه انك بحاجه اليه قصتي تتحدث عن فتاه

كادت حياتها ان تكون من اجل الاخرين لكن يدخل

الحب الى قلبها ويعلمها معناه الحياه فهل تقدر ان تعيش حياه سعيده أم للقدر رأي اخر
.............................................................................................................................
...
جوري:كافي كافي مليت والله مليت انته مو كرار الي حبيته انته شخص ثاني

كرار: اسكتي مااريد اسمع حسج ادفنج بمكانج قسما بالله كافي مو دخت كل يوم نفس القوانه تنعاد

جوري: مااسكت لان تعبت كرار كلبي يوجعني تعرف شنو يوجعني افتهم خاطر الله والحسين طكت روحي

كرار: مشكلتج انتي ختاريتيني اتحملي ولغوتج بطليهه لااكسرج خليني محترمج احسن

ام كرار: يمه شبيكم واصل حسكم لبره  عله كيف موهيج ليش تخلون ابوك يسمع ويكب عليكم

كرار: والله سئلي جنتج ست الحسن راسي راح ينفجر من وراهه مليت منهه بس لان اخاف ربي لحد هسه مامطلكهه

ام كرار: يمه هدي وصلي عله النبي شبيكم ماتكلولي  موجنتو شمحلاتكم شكلبكم

جوري: عمه والله تعبني صارله شهر متغير كدام عينج بس يصيح ويضرب

كرار: بت الكلب كم مره كايلتلج مادخلين واحد بمشاكلنه انتي ماتفتهمين

ام كرار: شو ماتحترم  مواني واكفه شلون تغلط وتصيح عليهه

كرار: حقج عليه يمه موقصدي بس هاي ترفس بكلبي

جوري: كرار طلكني مااريدك جزعت واني اتحمل حجيك وضربك وذلك

ام كرار: سمي بالرحمن يايمه موهيج تنحل

كرار: شوفي لج سكتين لااجي امرد حلكج لوتموتين ماطلكج  انتي مالت كرار تحلمين تصيرين لغيري

جوري: عمه ابوس ايدج اروحلج فدوه اريد ارتاح من ابنج والله مليت

طفر عليه كرار ولزمني من شعري 

كرار: ولج منين مليتي ها قندره  كليلي حابتمن وتريدين تعوفيني وترحيله

عمتي كوه وخرته عني بعد ماضربني كانما يرضب رجال كدامه

جوري: الله ييييينتقم منكككك مااريدك اكرهههههك