دائي و دوائي 🥀🖤 ( مكتملة )

الجمرة الثانية عشر

نور فتحت الباب وهي تتثاوب وبصوت كله نعاس : خييييير استاذ سجاد شكو من الصبح مكعدني ؟؟

سجااد : صح النوم ست نور يا صبح هذا كومي تغدي صار الغدة ولو شمدريج نايمة ومخليه امي تشتغل ،،

نور بانزعاج : اهوووو ، هسه شتريد الاكل وطبخته امك شتريد اسوي بعد ، اضربلهه تحية واكلله عفيه يمة سويتي غدة ،

( على فكرة سجاد شكد هو انسان فكاهي وضحوكي لكن الموضوع من يتعدة حدة ينكلب انسان ثاني )

سجااد بعصبية جراهه من شعرهه بسرعة وكاللهه بغضب : هذا لساانج الطويل اذا ما لميتي اكصه الج والكفل زينب عرفتي لو لا ، ادوس على راسج بالقندرة لا عبالج امي مطيتج مجال لا حبيبتي ارجع اربيج من اول وجديد والله ولا عبالج ما منتبه لتصرفاتج الي كلهه تتبدل من تشوفين فيصل تكومين تتنغوصين ، لا يبت امي وابوي منتبهاج كلش زين بس اكول جاهلة ومراهقة وتبطلهن هاي سوالفهه ، لكن قسماً بعزة الله اطيح حضج منا وهيج ( عاف شعرهه ودفعهه ) ويلا روحي صبي الغدة ببدال امي ، لا اطيح حضج

نور كامت تبجي وراحت للمطبخ تصب غدة ،،

حجية خاجية وكلبهه محترك على بتهه : ليش ييمه هيج وي اخيتك تكوم ما تحبك ،،

سجاد وتندم شوية لان قسى عليها بس لانو هو اخوهه الجبير ووبدال ابوهه صح مابينهم هواي فرق بالعمر لازم يعلمها الصح من الخطأ ،،،

كاللهه : لا يمه خل تتأدب من هسه بعدين تطلع من الطريق وما نكدر نلزمهه ،، فهد وين لا تكليلي بعدة نايم ،،

حجية خاجية تورطت : اي ييمه خطية البارحة الليل كلة يقرة عدة امتحانات هالايام ويقرة هواي ،،

سجاد بعصبية راح لغرفة فهد وفتح الباب بدون ما يدكة : فهههد ، فهههد كووووم اكعد

فهههد طفر من الجرباية خايف ،،

سجااد بحنية : اسم الله اسم الله ، كوم اكعد تغدة ،( من شافة صحصح عاط بي (😂) ) ، شعدك نايم لهسه ها مو علساس عندك امتحان ليش ما رحت للمدرسة ،

فهد يباوع على سجاد وهو هستوة كاعد ما بي حيل يحجي كالة بصوت كله نعاس ورجع انمطل : بعدين بعدين ،

عاااط بي سجاد : كوووم اكلك الدنيا الضهر كوم اتغدة ، راح اطلع وانت كوم غسل وتعال وراي وعلي اذا رجعت نمت ،، اجيك وتعرف شسويلك اذا اجيت ،

فهد كام على حيلة وكالة : لا والله ما اارجع انام ها اهاا صحصحت كعدت يلا انت روح واني جاي ،،

بس طلع سجاد فهد رجع انمطل ونام ( هههههه دخيلة اللله 😂😂 )

طلع سجاد شاف امه كاعدة تسبح ونور تصب بالغدا ومبينه دمعتهه بعينهه وزعلانة ، ما هان علي تبقى زعلانة علي كال لامة : ياا ام سجااد لو تشوووفين ذاك اليوم ششفت بالمول ، شللون منزلين هدوووم مال بنات على كد بعض نااس ،، وهو يباوع لنور ،، يخبلن شلون هدوم انوب وياهن جنط واحذية تلوك لذااك الوجه ،، ( وهو يدري بيها تموت على هاي السوالف )