دائي و دوائي 🥀🖤 ( مكتملة )

الجمرة الثانية عشر

اسيل وكعت ليورة وهي تسمع كلام ابوهه وهذا الي جانت محاسبتله حساب ، وهي تعرف شنو عيشة الفصلية تعيش حالهه حال الخدامة ، لا والله حتى الخدامة عيشتها ارحم من الفصليه ،،

اسيل كامت تشهك وتبجي : بووية وحلمي شسوي بي ،، شلون تطوني فصلية ، واني بعدني ما شفت من دنياي غير بس بجيي على امي العافتني ومشت لو لوعاتي عليك من تطييح وتتخربط ومحد يمي واني صغيرة واحير شسوي ، لو حسين الي يومية جايبلنه مصيبه شكل ، ششفت بس كلي ، وكامت تضرب وجهه ،،

ابوهه كل كلمة منهه تتعب كلبة اكثر ، نزل كعد يمهه بالكاع وشبكهه وكام يبجي وياهه كاللهه : بوية يبعد عيوني لا تحجين هيج والله جاي تمردين كلبي بحيج هذا واني كلبي ما يتحمل الي تحملته كافي ، اصبري بوية اصبري يعيوني ، ربج كال وبشر الصابرين ، هو يبشرنة انشالله وياخذ حقنه من كل الي اذانة كومي بوية يروحي كومي مسحي دموعج وصيري قوية دكيت على عمتج تجيج تلم غراضج وياج ، كومي يعيوني كومي ،

اسيل مسحت دموعهه وباوعت على ابوهه وسوت نفسهه قوية خافت لا يصير بي شي بس هي من داخلهه متدمرة وكلبهه يوجعهه ومقهورة من هالدنيا الي ما نصفتها ابد ومن صغرها تعلمت على الضيم والقهر ، باوعت لابوها وكالتله : انشاللله بوية انشاالله الله ويانه ما يعوفنه ،

وباست ابوهه براسة وصعدت تركض لغرفتهه ودخلت وسدت الباب عليهه ولزمت المخدة وخلت وجهه عليهه وكامت تعيييييط وتبجي ، تبجي قهر هاي الدنيا الي ما رحمتها ولا نصفتها ودائما جانت تمشي ضدهه ، بجججججججت وبججججججت عل فراك ابوهه الي متأكدة انو راح يحرمونهه من شوفته ،، ونامت وهي تبجي وما كعدت غير بس من كعدتها عمتهه حتى يحضرن ملابسهه وهم تشابكن وكامن يبجن ، هاي عمتها الوحيدة الي تحبها وتحب ابوها من عمامها وعماتها ،،،

................

دخل سجاد للبيت وتلكته امه : هلا يمه ، هلا يبعد روحي ، فدوة لطولك اروح ، جا اخيوتك وين يمه ؟؟؟

سجاد : هلا بيج يمه ، كل الهلا ،، (وتورط من سألته على فيصل ووليد وهو ما يعرفن ليش راحوا لبغداد ) ها يمه اخوتي راحو للبستان عدهم شغل غاد ، وما يج ن منا للعصر لو لليل ،

حجية خاجية : الله يرزقهم بكل خطوة يخطونها ، تعال يبعد اهلي تعال يمه اكعد خل اصبلك غدة واجي ،

سجااد بحدة وعصبية : ليش انتي تصبين الغدة لعد نور وين ،، وانتي سويتي الغدة مووو ؟؟

حجية خاجية وخافت لا يضل يصبح على نور : لا ييمه مو اني سويت غدة النسوان جانن هنا هن سون الغدة ( يجنهم نسوان من نسوان المنطقة يساعدنهم ويشتغلن الهم وياخذن المقسون ويرحن ) واخيتك يمه راسهه يوجعهه واني كتلهه روحي نامي ،،

سجاد ويدري بيها تغطي عليها ،، كام من مكانه وراح وكف بباب غرفتها وكام يدك الباب : نوووور ، نووووور ، وجججججع انشاالله كومي اكعدي ،