غصبت نفسي

1

ويلي اعله الناس التنباع
وشايف خَـير اليدفع زايد

هنيال الناموا بالليل 
بليه هموم ودمهم بارد
⠀

حياتي صعبه وعيت ع دنيا واني اهلي محاربيني من كل جهات من عمري 12 سنه سافرنه للامارات بابا اشترك ويه صديق اله بمشروع شغل
  عدوان بقى بالعراق يكمل جامعته
جان بابا ماله دخل ببيت كل اهتمامه الولد شون يعيشهم احسن عيشه وترافه بس البنيه عنده نقمه واذيه وتجيب العار هاملني وماذيني
جنت اتمنه مثل كل بنيه تكعد ويه ابوها تحجي عن احلامها وطموحها وحياتها بابا ميصرف المصرف مالتي كله يحسب حساب اخوتي واني جان ينطيني مصروف رحيم صح هوه مقعد بس بابا يحبه كولش باعتباره ابنه الاول  رحيم بدون ميعرف بابا ينطيني فلوس رحيم مساند مادي الي
رضوان مساند الي ك دراسه
رضوان ميحب  تقاليد وتعامل بابا وو عدوان بس مجان بيده شي جان يسكت من يشوفني اتاذه بسبيل اكمل دراستي
رضوان يتمناني دكتوره ويلح عليه فيان دكتورة حتى تعيشين روحج
امي اووف يااام رحيم هم اهتماها بالولد ساعه وياي و10 ضدي امي تتمنه تلكه عليه شي حتى تروح لبابا واخوتي ياذوني
الي من بعد ابوية تمشي كلمته هوه عدوان
عدوان اسما ع مسمى 
عمري 12 سنه مجرد اهتمامي مدرسه بيت بيت مدرسة
وجنه عايشين بدبي  شقتنه ع ساحل معيشنه برفاهيه
بس تصدكون محسيت بهل رفاهيه شنوو
لحد ماصار عمري 15 سنه
جانت مقربه الي بت عمي سماح  مخابرات واتصالات حالتهم مادية موزينه بابا يساعد اخو وينطي فلوس
عمي عنده 4 بنات وماعنده ولد سماح الي بكد عمري
عنده بنته جبيره  جميله اسم ع مسمى وكلبها طيب خريجه فنون بس للاسف ماكو تعين همه بجنوب
كله نتواصل ونتخابر بس امي تستنكف منهم
لحد ماايوم رجعنه زياره للعراق بيت عمي ابو سماح عايشين ببيتنه الي تاركي بالعراق وعدوان جان منشوفه بس اتصالات ساعه يكول قسم داخلي وساعه يكول يم جماعتي
رجعنه اني وماما و رحيم وبابا
رضوان ماقبل يرجع لتستغربون تفكرون رضوان يستنكف ويدور مستويات لا ابد رضوان ورحيم واني ابد مجنه نفكر بامور مستويات وبالعكس كولش نرتاح للناس فقره ع طيبتهم ونيتهم بيضه وشكد جنه نتمنه فقراء وماعدنه فلوس
المهم رجعنه
واستقببلنه عمي بضحكه طيبه ووجه بشوش وبناته
طبينه لكينه مرت عمي بالفراش ووشعرها واكع ومنتهيه
يابه شنو شكو؟
مرت عمي بيها مرض خطير وع فراش الموت
وشفنه جميلة وسماح  كاعدات بحضن امهم  وشفنه بنيه  من باب طبت بصدريتها وشعرها الاسود الي جوة خصرها بهواي وكصيبتها ترفرف وراها وعيون سوود كبار ومجرورات وغمازه الي بالحنج  كانت بت عمي جوان عمرها 8 سنين بذاك وكت
وبنتهم الوسط بالعمر ريحانه عايشه بيت جدها  اتبناها خاله لان ماعنده بنات
المهم  كعدنه وياهم
بس جنت اشوف عمي نضراته بيها انكسار وحاير منين يدبر عيشه كل فلوس ابوية دزهم اله ذابهن ع مرته عساه ولعل تعيش
ضلينه اني وسماح وجميلة نشتغل وننطبخ ( اني من صغري احب اطبخ واشتغل مجنت اخلي خدامه تشتغلي وتساعدني ههههه اصلا اني ماعتبرهن خدامات اعتبرهن مساعدات ) 
وره اسبوع وجانت صدمه وفاة مرت عمي
وحضرنه الفاتحه
وبالفاتحه بدت قصة معاناتي وحبي
اااي لتستغربون عمري 15 سنه حبيت
حبيت ابن خال سماح كرار جان عمره 24 يشتغل عامل
اني بنت التاجر حبيت عامل !! شون اهلي يتقبلون هالحب عفيف وشريف
بده حبنه بالنضرات وتطور كلام
كرار حبني حب شريف ونضيف جان يبتعد عني وميقببل يتقرب ويكول فيان لا تاذيني بيج اهلج مينطوج
بس عقلي حجر
مجنت افكر
بل فرق بيني وبينه
مجنت افكر باهلي
مجنت افكر باحد
كل همي لكيت احد يحبني
يكون الي كولشي
كرار جان يسمعني من ابجي من اضحك بكلشي بحياتي تافه استمر بقائنه بالعراق 3 اشهر
واني وكرار احلى قصة حب وعلموده حتى كمت اخبز هههههه
بيوم جنه اني وسماح بمطبخ نطبخ
وجميله حايره ب جوان وتدرسها
لحد مسمعناه عيطه وصريخ
رحت  اشوف شكو اني وبنات
لكيت عمي ابو جميله راكع لابوية