غصبت نفسي

5

رخصنه هوآي لعيون النودهم !
ومطرنه دموعنه وخضر وردهم .

رجعنه وحجيت لسماح وجميله وجوان
سماح : ماعرف فيان  هذا محياذيج ياذي اهليج ويصب العار للكل ويضل لاجيال لاجيال
جميلة : وافقي وخلص بلكي ع ايدج يتغير
جوان : فترة وفصخي منه كرهي بروحج

كل كلامهم صافنه لحد ماهلكت واجيت انطي الرد الاهلي
اهلي جانو طايرين من فرح لان حيشغل رحيم بشغل كولش زين وبيه مكسب مالي فضيع  واصلا همه من يمهم موافقين ولا اخذو رئي

ابوية رفض اسوي عقد وفرح بحجة صديقه ابنه متوفي
حتى بهاي حرمني
شرطي وحيد ع عامر جان دراسه ومانطاني رد
خلال اسبوع عقدنه سيد ومحكمه وهوه ميحط عينه بعيني ولا كانو مرته
بس امه ومرت اخو فرحانات بيه فرحه جبيره
مرت اخو كانت بت عمه دايما اشوفها تضم روحها من عامر ليش وشنو سبب مادري
واشوف ايدها ورجلها كله زراك ضرب وتضمهم عني
قررو زواجي اني وسماح وره شهرين

جنه كاعدين
امي تغيرت وياي صارت حنينه وتحب جميلة وسماح كلش
يمكن وكعت ابوية وخسارت فلوس حسستها ذني الها سند
جوان تتخبى عن عدوان ماعرف ليش
صارت صف ثالث متوسط
بس جسم وجمالها يفوق كولشي
انشبهه ب مي عز دين

سمعنه الباب تندك
طلع عدوان برا اجه وجايب بيده طفل كانو توه طالع اربعينه وبيها رساله
جوان ركضت حضنت طفل واخذته
قره عدوان الرساله وشفنه دموعه نزلت
[ اكيد هسه انت دتقره رساله وبنك يمه هاي بنك  عدوان من مرتك اديان رفعت  عليك خلع اني وياك منتوالم ابوية راد يذب طفل بدار ايتام بس اني دزيته الك مهما تكون انت ابوه متريده وديه الدار ايتام واذا ممتأكد ابنك انتضره يكبر وسويلة تحاليل واذا ماتصدك اكثر ودي دار ايتام اديت العليه ادري بيك بعدك تحبني ورايدني هذا السويته علمودك  اني ماحبيتك ولا راح احبك  ]
شفنه عدوان اغمى عليه اخذو مستشفى طلع عنده هبوط

الولد بس يبجي امي اخذته دكتور نطاه حليب وعلاج

جميلة وجوان حارو بالولد

عدوان رجع ميباوع بوجه ابنه

ابو رحيم : عدوان ابني ادري بيك متصدك بس مهما يكون هذا طفل شنو ذنبه بهل دنيا اخذه وربي تربيه وخليه سند الك خليها تتحسر شون عافت ابنها وضم هاي الرساله للمستقبل اخاف بيوم الها نية ترجع ابنك الكل شاهد
ام رحيم : كوم ابني عدوان ربي يرضه عليك ابنك هذا يحقد عليك من يكبر اذا انت هم تشمره كوم اذن باذنه وسمي
عدوان كام وتقرب من ابنه وهوه بحضن جوان وهاي اول مره تتلاقي عيون عدوان وجوان
عيون بيها حقد وكره  عيون قاسيه واحد اقسى من ثاني
بس لحضه لحضه هاي شنو جوان ضغطت ع طفل وخلته ع كلبهها كولش
جره عدوان واذن باذنه
وسماه اسد
خلال الشهرين اني عامر ابد ماتواصل وياي ولا شافني ولا يحاجيني وبطلني من دراسه بحجة اول سنه زواج اريد اشبع من مرتي سماح من وحدها بطلت كضتها طلعات ويه عمار

اني شهرين ماعرف ذهبي ولا اي شي مجرد حلقه لبستها بايدي وشبه هم جنت لان عامر مجاب كال بالعرس
قبل 10 ايام من زواجي اجت مرت اخو وام عامر وام عمار واخت عمار حتى نجهز
اطلع بتجهيز كولش هادئه بس سماح خبصتهم وشتشتري روحها تجيبلي قطعه ثانيه

وسمعت كرار مرته حامل بس هوه متغير كولش صاير قاسي

حتى ملابسي اخذوهم لبيت عامر وحطتهم مرت اخو

اني بيت وحدي بييت عامر وسماح هم بيت وحدها يم زوجها  بينما اني انتقلت بغداد  يم عامر
حنه مالتي جانت يم اهلي بمنطقتي

وهم ماحضر الحنه

وبيوم عرسي

رحنه اني و سماح وجميلة
جوان ضلت يم اسد روحها تعلكت بيه

بدلتي كانت  ملكيه ولونها قريب ذهبي و سماح بيضه مخصره ليجوة من خصر وبعدين تنفش
مكياج سموكي بس اي اكسسوار ملبسوني كالو عامر يلبسها 
سماح ايضا مكياج ذهبي بس لبسوها اكسسوراتها وذهب

دخلت للقاعه اني و سماح
سماح  فرحه ماوسعاتها
بينما اني غصة بكلبي وحزني محد يصدكه شنو
شهرين لا شايفه رجلي ولا بيتي كولشي مادري عنه

اجت سلمت علينه مرت كرار بوست سماح واني بوستني من وره خشمي استغفربت هاي شبيها

دخل عامر ووراه عمار
جنت مدنكه راسي رفعته شفته بهيبته
قاطه اللفخم وتسريحة شعره  وجمال غمازته وعيونه ونضراته الي واني احس بفخر بين ناس هذا زوجي
اتقرب مني وباس ايدي وجرني وكفني بنص قاعه
داير مداير النساء وبيدهن صواني ذهب
لبسني حلقه وبده يلبسني تراجي وانفاسه حارة تنفخ ع ركبتي ماعرف انفاسه تكول شي وهوه شكله يبين صمود ولا هامه لبنسي الكلاده كلادة جانت كولش جبيره بس بيها لؤلؤة منددله من لبسناياها صارت بالنهر مالت صدري شفت عيونه عليهم واني احاول ابتعد واغمض عيوني تقرب لبسني حزام ع خصري خاصتا اني خصري مرفوع وجبير ولبسني تاج
وضل واكف مقابيلي باس راسي غمضت عيوني وشفت طيور الحب بمناقيرها خلخال نزل لبسنياه

اني صافنه شوكت جهز وسوه هاالشي
وراها ركصنه اني وياه ووسماح وعمار
دخلو اخوانه وابو واهل عمار واهلي
حسيت ابوية بنضرات فخر بعيون ابوية وعدوان ورحيم
كل اثنين واكفين سوا ومنضر احلى جوان بصف عدوان وبحضن جوان اسد تعلق بجوان كولش واني جنت مقهورة 

شفت سوو مجال كل واحد صار ع جهه ودخل رضوان وبيده باقه حمره جبيره كولش
من فرحتي ونسيت كولشي ركضت ع حضنه وحضنته وابجي وناس صافنه علينه
بجيت  ومكياجي سال تبهذلت كلش 

حبيبي فدوه كلبي فرحتي من دنيا وسندي هوه
زفونه وخلال زفه كلها اني مدنكه راسي واقره قرآن
وعامر حاير بزفه واطلاق نار
زفنه للفندق سوا اني وسماح
صعدت وياي امي تعلمني وتحاجيني ديري بالج عليه هذا الف واحد يتمناه وانتي مسعده ومن هالكلام نزعتني مرت اخت بدلة ولبستني روب الابيض
كان طويل بيه فتحات جانبيه واني لان جسمي مخصر صار ضب ع جسمي وكله تور
ولبست فوكاه  روب مالته وشعري نزل ومكياج عدلتلياه
ضليت متمدده

لحتى هوه دخل

#يتبع

#شيما_علوش